Skip to main content

Posts

Bible hi a rintlak tak zet em?

Roman Catholic chuan Bible-ah hian bu 73 an nei a, keini chuan 66 chiah kan nei. Tobit, Judith, Esther, Maccabees 1&2, Baruch, Wisdom leh Sirach te hi Apocrypha tiin kan sawi thin a, heng hi Bible atangin Martin Luther khan a paih nia sawi a ni.

Thuthlunghlui lam an ni a, 16th Century khan Luther khan a ngaihdanin a paih a ni deuh ber mai. 90 AD-a Jewis Council of Jamnia khan heng lehkhabute kha Canon bible zingah an pawm loh avangin Luther hian a pawm lo an ti bawk. Mahse 300 AD vela  Council of Nicea khan Bible atan a pawm a, chutih laiin keini Protestant hian kan pawm ve ta lo a ni. Daniel-a buah pawh chapter 2 leh Esther bua chapter 7 ngawt paih a ni bawk.

"21st century christian believe the word of God is a book edited in the 17th century from 16th century translations of 8000 contradictory copies of 4th century scrolls that claim to be copies of lost letters written in the 1st century," Hei hi atheist tena tunlaia Protestant ten kan rin ber KJV Bible an sawiselna a…
Recent posts

Team ropuite ropui chhan chu

Kum 1990 hnu lamah Mizote chuan tuipui ral ram inkhelte mumal takin kan en ve ta a, kum 25 vel chhung lek pawhin football club ropui tak tak sawi tur an awm nual. Chung zingah chuan Barcelona leh Manchester United-te hi thlur bing ila.

Class of 92 an tih ho kha Sir Alex Ferguson-a ropuina an ni a, Manchester United chuan England ram an awpbet a, Europe thlengin trophy lian tak tak an chawi ta a nih kha. United ropui vanglaia an innghahna chu an academy chhuak ho kha an ni a, an game khelh dan reng reng pawh khang player-te hmanga duan a ni hlawm.

Football chu mimala khelh theih a ni lo, team game a ni a, chuvang chuan academy chhuak inkawmngeih deuh deuh leh game inman deuh deuh ho khan United chu hun rei tak chhung ropui takin an lenpui ta a ni. Khang rual ho kha an chawlh hnuah chuan United ropui tak kha kan hmu leh hleithei ta lo a ni.


Barcelona pawh chutiang chiah chu an ni, khawvela academy tha ber ni hiala an sawi thin chu La Masia a ni, kha academy atanga chhuak batch fuh d…

Vanramah kal ila; Pathian ka zawh chak deuh deuh te chu

Whatsapp Message a rawn ri a, ka'n hawn chuan, "Tunah hian vanramah kal ta la, Pathian chuan i hriat chak zawng zawng hrilh dawn ta che selang, eng nge i zawh ang?" tih ringawt hi ka thianpa chuan min lo thawn. Mut ka tum mek lai a ni a, nula min good night-na message mawi tak a nih ka rin vei nen, chhang lem lo chuan ka khup chhunzawm ta mai a.

Muthilh ka tum mek lai chuan chu zawhna chuan ka rilru a luah ta tlat mai.  Phone notepad ka hawng a, Pathian ka zawh chak deuh deuh list ka chhu tan ta mawlh mawlh a. Chung zawhna te chu khawvel mithiamte pawhina an chhan theih loh thil vek a ni. Ka list ziah dan indawtin :


1. Big bang hi i thlen tir tak tak em? Universe hi engtia upa nge?
2. Universe hian tawp chin a nei em?
3. Khawvel hi engtia upa nge? Dinosaur te hi Bible-ah a inziak tel mang bawk si lova, mahse a ruhro vel kan hmu teuh sia, mihring i siam hma hian khawvelah hian heng thilnungte hi rei tak an lo awm tawh tihna ami?
4. Mars-ah hian hman laiin nunna a lo awm …

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Ni awklem leh Bible inkungkaihna

August ni 21, 2017 (Thawhtanni) hian America ram atangin Ni awk lem (Solar Esclipe) a hmuh theih dawn, he total solar esclipe hi an buaipui luih luih mai le, mi tam tak an chiai a, thenkhatin Bible nen an hmeh bel bawk. Hemi chungchangah hian keini Pathian ringtute erawh chi ai ve lo ila, kan hriatna erawh i ti pung thung zawk ang u.

Vanah Pathianin chhinchhiahna a dah em ni?

Bible atangin chhanna tam tak a awm thei awm e. A hmasain Luka ziak ami chang khat hi thur chhuak lawk ila, “Tin, ni-ah te, thlaah te, arsi-ah te khian chhinchhiahna mak tak tak a lo awm ang a," Luka 21:25

Zawlneite khan thil lo thleng tur tam tak an sawi lawk zingah vana chhinchhiahna hmangin an sawi thin a nih kha. Genesis-ah pawh vanah chhinchhiahna Pathianin a dah thu a sawi nghe nghe. Hei hi Judate phei chuan vawiin thlengin an la chhut a, keini kristian te erawh chuan kan ngaihven ve lem lo.

Matthaia 8:11-13 ah khan Farisai leh Sadukaite khan Isua hnenah khan Amah fiahna atan vana chhinchhiahna an dil …