Skip to main content

Posts

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…
Recent posts

Ni awklem leh Bible inkungkaihna

August ni 21, 2017 (Thawhtanni) hian America ram atangin Ni awk lem (Solar Esclipe) a hmuh theih dawn, he total solar esclipe hi an buaipui luih luih mai le, mi tam tak an chiai a, thenkhatin Bible nen an hmeh bel bawk. Hemi chungchangah hian keini Pathian ringtute erawh chi ai ve lo ila, kan hriatna erawh i ti pung thung zawk ang u.

Vanah Pathianin chhinchhiahna a dah em ni?

Bible atangin chhanna tam tak a awm thei awm e. A hmasain Luka ziak ami chang khat hi thur chhuak lawk ila, “Tin, ni-ah te, thlaah te, arsi-ah te khian chhinchhiahna mak tak tak a lo awm ang a," Luka 21:25

Zawlneite khan thil lo thleng tur tam tak an sawi lawk zingah vana chhinchhiahna hmangin an sawi thin a nih kha. Genesis-ah pawh vanah chhinchhiahna Pathianin a dah thu a sawi nghe nghe. Hei hi Judate phei chuan vawiin thlengin an la chhut a, keini kristian te erawh chuan kan ngaihven ve lem lo.

Matthaia 8:11-13 ah khan Farisai leh Sadukaite khan Isua hnenah khan Amah fiahna atan vana chhinchhiahna an dil …

Nuclear war lo thleng ta se

Chiang fakin sawi theih loh mahse tunah hian khawvelah Nuclear bomb 10,000 chuang awm mek nia chhut a ni.

A lian emaw te emaw, Nuclear bomb 2,500 vel hian North America khu chu a tichhe vek thei dawn chiang. Nuclear bomb 13,000 velin khawvel a tichhe vek thei nia ngaih a ni bawk.

Castle Bravo -ah khan 15 megotons of TNT enchhin a ni,  4 miles laia zau chu a suasam hneh kher mai. Kha Nuclear bomb enchhinna kha a va rapthlak tak em! Mushroom cloud kha 24.6 miles chuanga sang a ni a, khatianga sang a khuin a thlen nan khan second 3 chiah a mamawh. Shockwave khan 5,000 Square miles a thleng phak.

A puahna hmun atanga 115 miles-a awm Rongelap Island chuan nasa takin a tuar phak a, van atanga radio active materials tla te chuan kha island-a chengte chu nasa takin a kang nghe nghe. Ni 2 chhungin kha island kha chhuahsan tir vek an ni ta a ni. Kum 3 hnuah kir leh an tum, mahse a la him loh avangin an chhuahsan leh ta a ni.

Nuclear bomb hi a puak ringawt hi a hlauhawm a ni lo, radiation zunza…

Oil avanga Nuclear bomb puah tur thu Bible-in a sawi?

Thupuan bung 18 chho hi, Kan Mizo bible hian a leh dan hi hriatthiam a har deuh hlek a, a saptawng hian dah phawt ila :

18:3 - "All the nations have drunk the wine of the passion of her immorality. The kings of the earth were immoral with her, and the merchants of the earth have grown wealthy through the extravagance of her luxury.”

"A mi ngaih chîn vânga thinurna uain chu hnam zawng zawngin an in tawh si a. Lei lalte chuan ani chu an ngai ṭhîn a, leia sumdâwngtute chuan a nawmsak bâwlna thiltihtheihna chu an hausak phah ṭhîn.” tiin a au va.

A saptawng nen hian enmil ula, a sawi tum chu kan hrechiang thei turah ka ngai. Tichuan, ka heading pek khi ngaituah ta ila.. Wine tak tak chu a ina in chi hi nge? OIL hi ni zawk ang?

Oil hi khawvel hian kan rui tlang chu a nih si a, Oil inchuh avanga indona tam tak a chhuah tawh zia chhut peih chuan an hria ang. Indona tam tak hi Terrorism te an han chhuanlam hlawm a, a nihna takah chuan Oil vang niin a ngaih theih.

Oil tel lovin ram k…

Lee Bowyer vs Kieron Dyer

April ni 2, 2005 a ni a, St. James' Park-ah Newcastle United chuan Aston Villa an mikhual a, 3-0 laiin mual neitu an tlawm mek, handball avangin Steven Taylor hlawhchhuah a ni bawk.

Hun a tawp tep, minute 9 a la awm, Lee Bowyer leh Kieron Dyer te chu an insual ta riap riap mai le, Newcastle-a an team-mate ten an thelh bakah Villa player te pawhin an insual hi an thelh hial. Referee chuan anni pahnih chu a hnawtchhuak ta a.

An insual chhan tak a hnua an sawi dan chuan ball an in-pass duh loh vang a lo ni a, kha thil thleng kha football-ah chuan a dangdai hle a, vawiin thleng hian sawi a la hlawh a ni.

Player tha fal tak awm mahse mahni chauhva khelh theih a nih loh avangin field chhunga player 11 te chu tha taka an thawhho a ngai. Thawhhona tha an neih loh chuan hnehna an chang thei ngai lo a ni.

Winger-in cross duh miah lovin amahin shot vak vak se striker te tan chuan a huatthlala khawp ang. Chutiang bawkin defender leh goalkeeper te chuan mahnia khalh tlang tum zel selang; game…

Universe-ah hian kan lei (Earth) hi engtia lian nge?

Tlang lian pui puite, tuifinriat zau tak leh thlaler zau takte kan ngaihtuah hi chuan kan chenna khawvel len zia hahipin kan sawi thin. He khawvelah hian nunna chi hrang hrang nuai tam tak a awm a, hetih lai hian chung pawh chu hriat pawh kan la hre kim hleithei lo chu a ni si a.

Technology lamah nasa takin hma kan sawn a, khawvel thiamna chuan a vawrtawp a thleng chho mek nitein thenkhat chuan an lo sawi ve mek bawk. A nihna takah chuan tuifinriat mawng pawh kan la dap kim lo mai ni lovin, Malaysia Airlines MH370 pawh 8 March 2014-a bo kha a ni a, tun thleng hian kan la zawng hmu zo lo chu a ni si a.

Chutiang khawp chuan kan chenna lei pawh kan la hriat chian loh laiin van lam han ngaihtuah ta ila. Ni (Sun) hi Arsi pakhat a ni a, he Arsi pakhat hi planet 8 (Pluto chhiar tel lohvin) in a hel mek, ni len tur zia chu, kan chenna khawvel hi Ni (Sun) chhungah khian 1,300,000 vel a leng tlat mai.

Hetih lai hian, mi thiamte chuan vanthengreng (Universe)-ah hian leia vaivut zawng zawng aia …

Note neih kim nge pawimawh thiam kim?

Exam dawna kan hlauh ber pakhat ni thin chu note neih kim loh hi a ni. Note neih kim tumin thiante inah te kan leng a, a then chu kan han xerox (A nihna takah chuan photocopy)-a. Thiam vek dawn lo mah ila han nei kim ve hrim hrim ila thla hi a muang ve em em thin a ni.

Zantin deuh thaw kan inkhawm, weekend-ah phei chuan Biak inah kan tawm deuh chawt a tih theih, Zoram mipui hi chutiang khawpa Biak In ngaina kristian kan nih lai hian kan ramah hian dik taka tih duhnate hi kan tlachham em em thung si a.

Note kan neih kima; kan thla a muang ve em em ang deuh hian thenkhat hi chu Biak Ina kan kal hian kan thla a muang ve em em niin a lang. Subject tina note kha nei kim ringawt mah ila kan thiam chuang si loh chuan exam-naah kan tihthat phah dawn chuang hauh lo.

Kristian kan nih chuan kristian inpawl honaah kan tel tur a ni, chu chu Biak Ina Pathian biak hona hi a ni. Chutih laiin chutah chuan kan duhtawk mai tur a ni lo, kan Pathian chuan takna a duh a, a hminga tih ve mai mai emaw, kohh…