Skip to main content

Posts

Showing posts from April, 2010

Chasen

Kristian Band tharlam tak leh ril tak, rawn lar chho mek an ni. Chasen in vuahin Chasen tih hi an band khaipa ber leh vocalist Chasen Callahan-a hmingchawia phuah a ni a, Chasen Band hi Callahan-a din niin hun harsa tak tak alo paltlang hnuah tunah khawvelin tunge a nih a rawn hre chiang ta. Chasen band hi Greenville, South Carolina-a piang a ni a. He hmunah hian Chasen Callahan-a hian Worship Pastor hna thawkin, thalaite hi Youth camp te leh Conference-te a neih pui thin a. Nipui a lo thawt apiang hian chawlh hmang thalaite a kianga music play tur hian a sawm khawm thin a, music ngaihthlaknawm tak takte an play thin. Mahse nipui a lo zawh chuan thalaite chuan school an zawm leh thin avangin band nghet tak a nei thei thin lo. Tichuan Evan silver leh Aron Lord-te chuan mumal takin an rawn

Coffee

Tumahin Coffee kan han in hian hriselna lam kawng a kawk ang tih pawh kan ngaihtuah ngai loh laiin, tunhnai mai a ‘Research’ an neihah chuan natna hlauhawm tak tak : Zunthlum, Lungna leh Thin natna(Thin ro) in venna atan alo tangkai hle tih hmuhchhuah a ni. 
Coffee-ah hian ‘Caffeine’ a tam em em a, a hmingthan phah reng a. Mahse Caffeine chu kan thatpui tak chu a lo ni lova. ‘Antioxidants’ an tih ‘Phenol’ te, a rim siamtu (aroma compounds)te, ‘Oxazoles’ ten natna insiam tur an lo dang thei a. Coffee a awm bawk Chlorogenic acid hian taksa a thlum tam (Glucose concentration) tur a lo veng bawk a ni. ‘The Journal of the American Medical Association’ rawn ziak danin; Nu 27,000 kum 55 leh 69 inkar a upa, kum 15 chhung teh meuh mai an lo zirna ah chuan, nitin coffee No 6 chuang in thin chuan in ngailo aiin; za ah 35 zetin zunthlum an vei tlem a.

Photoshop Layer Mask Tutorial - digimalt

1. A hmasa berah chuan dublicate layer i siam ang.

2. Layer chung zawk (background copy) kha i edit phawt anga,..Filter-ah i kal anga, Noise ah chuan Dust & Scratches kha i click anga, Dust & Scratches(Radius pixels) kha i photo quality azirin i edit anga,..keichuan 2 ka pe a, tihian a tawk viau a..

Thlipui

28th March, 2010 (Sunday) khan thlipui na tak chuan Mizoram Hmar tlangdung a nuai a. In tamtak luah tlak lohin a awm, Pathian ni tlai dar 3 velah rual leh thli a rawn thawk a, nasa takin Hmartlangdung khuate hi a nuai hlawm a. Darkar 2 vel hnuah a bang leh mai a. Rial lian tak tak kuttum tiat vel tam tak a tlak avangin inchung rangva a deng pawp fer fur a. Tukverh darthlalang pawh a keh vek ti ila kan sawi sual lovang. Inchung tam tak a la a, zanah pawh inkhawm lovin mahni buai buai in an buai hlawm, Khawasak phung a buai zo vek a ni ber. A reh vang vang tawh dawn emaw tih hnu zan dar 10:30 velah a aia na a rawn thawk leh a.. Hetah hian nasa takin in leh lo a suasam a... He thli leh ruah leh rial thawk hi kum 30 hnua hmartlangdunga a thawh nat leh ber niin an sawi.

Suangpuilawn khua phei chu an tukverh darthlalang thawmthat leh nan Aizawlah darthlalang an rawn lei a.. 407 trip khat teh meuh mai an phur chho a ni.

FIFA10 Champion Vanlalthazuala

Information Communication and Technology Department, Govt. of Mizoram, Zonet Cable leh Vanapa sec. Ramthar Veng Branch YMA-te buatsaih FIFA 10 tournament chu 19th March, 2010-ah tanin 9th April, 2010 zan khan zawh fel a ni ta a. Gamers 324 an rawn tel a, Aizawl pawnlam Lunglei, Lawngtlai leh Saiha atang pawhin an rawn tel bawk . Mizorama PC Game tournament-a gamers-te punkhawm tam berna a la ni. 
Ramthar Veng Indoorstadium-ah khelh niin, System pali-ah a rualin game 4 khelh a ni thin a, Home and away in an inkhel a, away goal rule hman a ni. Tin,  Projector-in system tin hi kah a ni a, entu leh inkhel rawn tawiawm tute an thahnem thei hle.

Format Factory

Format Factory hi audio, music leh pictures format hrang hranga convert-na a ni a. Hman a nuam in a awlsam em em bawk a, Music files pawh i phone hman eng model pawh nise... chumi format chuan a convert theih a. Pictures pawh picture format hrang hrangin a convert theih bawk. Tin, video files pawha support hnem em em a, movie editor softwares hman kher a ngai lo.  Ka fakna em em pakhat chu video files, audio files leh picture files-te awlsam takin a write theih nghal hi a ni. ISO pawh a support a, image pawh a siam zung zung theih. engkim convert-na ti ila kan sawisual tam lovang.





Toby Mac

Toby Mac (Kevin Michael McKeehan) hi artist, songswriter leh producer, Grammy Award pawh lo la tawh a ni. October 22, 1964 khan Fairfax, Virginia-ah piangin Kevin Max leh Michael Tait-te nen Christian Trio lar tak DC talk dinin, Kum 1989 atanga kum 2000 thleng khan Christian Music khawvelah ro an rel a, Kum 2000 atang khan an mahni theuhin solo album an buaipui ta a. An pathum zingah hian a ni hi a hlawhtling ta  ber a ni, Album hlawhtling tak tak -Momentum (2001), Welcome to Diverse City (2004) leh Portable Sounds (2007) –te siamin Kum 2007 hnu khan - Re:Mix Momentum leh Renovating Diverse City a siam leh a, DC Talk-a an album nen khan copy Nuaih 10 aia tam a hralh a ni. Toby hian Billboard chart-a langpha single hit 6 lai a nei a. Alive and Transported, concert CD+DVD combo album chu 2008 khan a tichhuak leh a, he album avang hian Grammy Award for Best Rock or Rap Gospel Album 2009 a lak phah a ni.

Tleirawl zaithiam Britt Nicole

Brittany Nicole Waddell hi August ni 11, 1991 khan Kannapolis, North Carolina-ah a lo piang a, an khaw kohhran ruth Temple of Kannapolis-ah kum 3 a nih atangin a cousin te nen an zai tan a, an khaw kohhranah TV programme ah chuan an zai deuh ber a. High School a kal chhoh chuan an school choir-ah te a tel chho a, a aw nalh leh no tak chuan mite hriat a lo hlawh chho tan ta a.
  University ah te kal chhoh zel ai chuan Pathian faka a hun pum hman a thlang ta zawk a,"Pathian chuan college kal turin min ko lo, A mah fak a hun zawng zawng hmang turin music lamah insawr bing turin min ko", tiin music lam chu a luhchilh ta a. Kum 2004 khan Vertical Entertainment nen contract an sign a, hemi a tang hian a zinkawng tak tak chu a zawh chho tan ta a, kum 2006 khan Word Records nen thawk dun in album hmasa ber "Say It" chu May 22,

Lalpa inah i kal ang u

Sam 84:2-4 : Ka nunna hian Lalpa biak in hungchhung kawtlaite chu a ngai em em a, a ni; a chauh phah hial a; ka thinlung leh ka tisa hi Pathian nung hnenah chuan a auchhuak a. Aw Sipai hote Lalpa, ka Lal leh ka Pathian i maicham bulahte chuan chawngzawngin bu a chhep a, vamur pawhin bu a nei a, a no dahna turin. I ina awmte chu an eng a thawl e; nang chu an fak fo vang che.

Kristian ten eng music nge kan ngaihthlak ang ?

Ringtu thalai tam takte rilruah heihi zawhna lian tak a ni thin. Khawvel lam hla (secular music) hi ngaihthlak a nuam a, a nalh vawng vawng a, a thlukin lung a kuai a, min hneh em em thin a ni. Tin, khawvel hla satute hian mi hneh theihna an nei tam bik a, musicians leh a zaitute chet zia hrim hrim pawh hi a mawi thlawtin mi tam tak min hruai thei thin. Chung khawvel lam hlate chu kan ngaithla dawn nge dawn lo, duhthlanna kan siam dawnin hengte hi teh fungah hmang ila. 1) Music-in a tum ber. 2) Music Style 3) A hla thu.