Skip to main content

Lalpa inah i kal ang u

Sam 84:2-4 : Ka nunna hian Lalpa biak in hungchhung kawtlaite chu a ngai em em a, a ni; a chauh phah hial a; ka thinlung leh ka tisa hi Pathian nung hnenah chuan a auchhuak a. Aw Sipai hote Lalpa, ka Lal leh ka Pathian i maicham bulahte chuan chawngzawngin bu a chhep a, vamur pawhin bu a nei a, a no dahna turin. I ina awmte chu an eng a thawl e; nang chu an fak fo vang che.

hebrai 10:25 : Thenkhat tih dan anga kan inkhawmte bansan lovin, infuih tawn zawk ang u; ni chu lo hnai telh telh a inhriatin infuih tawn nasa leh zual rawh u.

Mei chhemna thuk chhung mei vam huam zingah meiling pakhat hi lachhuak ila, a mal chauhvin thuk pawnah dah ila, reilo teah a vap a lo awm a, a chuai tial tial a, a thi mai thin. Thuk chhunga mei vamah dah lut leh ila reilo teah a ling leh vat mai ang. Hetiang chiah hian ringtu chu a huhova Pathian biaa inchhem ling tawn kan ni. Inkhawm ngailo ringtu chu thuk chhung mei vam huam zinga meiling pakhat lak ang mai hian a chuai tial tial mai thin a ni.

Biak ina Pathian thuchah ngaihthlakte, fakna hla sakte, tawngtai leh thil pekte hian ringtu thlarau nun a tiharhin a tichak thar thin a, chu chu ringtuten kan mamawh a ni. Kohhran inkhawmnaah ringtu a tel lohva amah chauhva a awm chuan sualin Pathian hawisan turin a thlem thlu thuai mai ang. Inkhawm hi sual dona ralthuam kan lakna hmun leh sual beih dan tur kan zirna hmun a nih avangin ringtu tan chakna thar neih theih nan a pawimawh em em a ni.

Inkhawm hi Vanram kaina a ni lova, mahse vanram kai tur ringtute chuan kan tih makmawh a ni.. kan hriat thiam zawnin.... Mobile phone kan hmang a... kar tluan chuan kan battery hian a daih lo thin... chuvang chuan active taka a nun theih nan electric-ah ka charge thin ang hian ringtute chuan Biakin hi kan hlat tur a ni lo.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…