Skip to main content

Toby Mac


Toby Mac (Kevin Michael McKeehan) hi artist, songswriter leh producer, Grammy Award pawh lo la tawh a ni. October 22, 1964 khan Fairfax, Virginia-ah piangin Kevin Max leh Michael Tait-te nen Christian Trio lar tak DC talk dinin, Kum 1989 atanga kum 2000 thleng khan Christian Music khawvelah ro an rel a, Kum 2000 atang khan an mahni theuhin solo album an buaipui ta a. An pathum zingah hian a ni hi a hlawhtling ta 
ber a ni, Album hlawhtling tak tak -Momentum (2001), Welcome to Diverse City (2004) leh Portable Sounds (2007) –te siamin Kum 2007 hnu khan - Re:Mix Momentum leh Renovating Diverse City a siam leh a, DC Talk-a an album nen khan copy Nuaih 10 aia tam a hralh a ni. Toby hian Billboard chart-a langpha single hit 6 lai a nei a. Alive and Transported, concert CD+DVD combo album chu 2008 khan a tichhuak leh a, he album avang hian Grammy Award for Best Rock or Rap Gospel Album 2009 a lak phah a ni.


A music hi DC Talk-a a awmlaia an music nen khan a danglam em em a, Urban, hiphop leh rock rawngkai hla a siam deuh ber. Kum 2001-a a hla siam “Extreme days” chu 2001 Truth Builder Productions film Extreme Days theme atana hman a ni a, he hla hi a album hmasa ber “Momentum” rawn vawrh lartu ber kha a niin, Hangman's Curse film track atana hman a ni bawk.

A hla phuah “New World” chu the Chronicles of Narnia: The Lion, the Witch and the Wardrobe film track atan hman a ni a, Tin, film lar tak tak Never Back Down, a Transporter 2, Aeon Flux leh The Fast and the Furious: Tokyo Drift-te chuan a hla “The Slam” kha advertisement track atan an hmang bawk. Tunlaia Mizoramah pawh lar em em TV Serial Prison Break pawh hian he music hi advertisement track atan an hmang zui ve ta bawk a. Film lampang nilo Reality show leh sports lam pawhin an hmang nual a, a langsar deuh deuh te chu; men's NCAA clips, NBA Finals (Miami Heat, 2006), World Wrestling Entertainment (WWE) programming, NFL Football commercials, leh ESPN Sportcentre "The Ultimate Highlight" te an ni. A hla dang pawh TV commercial tam takin an hmang bawk a, kan sawi seng lo a ni ber; NBA, NASCAR, ESPN, Superbowl leh ABC news te hi a lawk deuh deuh an ni. Tin, The ROCK-a channa “Never Back Down”pawh khan The Slam leh a hla dangte an hmang nual bawk.

Portable Sounds kha released a nih atanga kar khat chhung lekin copy 50,645 chuang a hralh hman a, Billboard top 200-ah 10na a rawn hauh pha hial a, SoundScan Contemporary Christian Overall chart-ah phei chuan No.1 a hauh deuh ngar ngar a nih kha. He album hian Grammy nomination for Best Pop/Contemporary Gospel Album pawh a hmu leh a ni. Hetia Christian Music Billboard-ah pawh top10-a a rawn lang pha hi a makin a music hian mite(Christian kherlo pawh) a hneh a ni tih a hriat.

Ni 9.02.2010 khan a album 4-na tur “Tonight” chu a released leh ta, ngaihthlak a nuamin a fapa pawh kha a rawn Tru Dog leh ngei bawk. He album-a hla pakhat “City on our knees” chu single-in August 14,2009 khan a ti chhuak a, Billboard’s Christian Hot song, Christian AC leh CHR-ah te No.1 thla khat chuang zet a rawn hauh a. Tonight album ah hian Christian Music lama mi thiam leh lar tak tak ten an pui a, Skillet leh House of Heroes te pawhin an zaipui bawk. “Awake Tonight Tour” chu March leh April 2010 hian nei tura ruahmanna kalpui mek a ni.

He album-a hla pakhat "City on our knees", chu lo ngaithla ve chhin teh, Hetah download, click la,

Comments

  1. Toby Mac hi a hla chu ka lo ngaithla ve nual tawh a...Kristian zaithiam pangai niin ka lo hre ve mai mai a..mahse hei a chanchin tlem han chhiar pawh hian a lo ropui hle mai..a ngaihsan awm khawp mai... good post

    ReplyDelete

Post a Comment

Popular posts from this blog

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…