Skip to main content

kal la, tun hnuah tisual leh tawh suh

"Aw Lalpa min hmangaih em em tu, khawngaih takin min ngaidam ang che, ka tihsual a ni. Ka tum vang pawh a ni lo, khawngaih takin mi ngaidam rawh, ka tisual leh tawh lovang", kan ti a, tui takin kan mu hil ta a. A tuk zan a rawn thleng leh a, inthiamlo tak chuan Pathian hnenah chuan a ngai ang chiahin kan tawngtai leh a, tichuan tui takin kan mu leh ta mai a.

Pathan hi hmangaihnaa khat a ni tih hi kan chaw tui ber a ni, mahse phuba lak ching Pathian a ni tih erawh kan hai der tlat. Hremna kan chunga a rawn thlen nghal loh avang hian Pathian tihna tak tak kan neilo niin a lang. 

Suala tlu thei chu kan ni teh meuh mai, mahse, engatinge kan tlukna ngaiah kar khat chhung pawha vawi engemaw zat kan tluk nawn leh thin ? 

Nihleh han ngaihtuah chiang ve mai mai teh heti zawng hian. I in saknan hlawhfa i chhawr a, tlai khat chu i thing bung la tangkai em em tur chu a inah a hawn lai i hmu, a tuka a rawn kal leh chuan i lo hau ta a, a ni chuan " Ka hawn tawh lovang, kapu, khawngaihin min ngaidam rawh", a ti a. Nang chuan i ngaidam ta mai.


Mahse ngaihdam a dil ni  tlaiah chiah tho khan thingbung chu i hmuhlai ngeiin a hawn leh ta a, i thin a rim tawh khawp ang. I bantawh ngei maithei. A tuk a lo thleng a, ngaihdam a rawn dil leh a, nang chuan i ngaidam leh dawn em ?  Hawn i phallo a ni tih i hriattir hnuah nangmah zah map lovin a hriatni tlaiah a hawn leh ngat a nih chu, a vawi hnihnaah chuan i ngaihdam ka ring tawh lo.

A phal loh tih kan hriat ngeiah vawi eng emaw zat kan han tisual nawn awn awn hi chu engtin tak ngai ang maw kan Pathian hian. 

"Hmeichhia, khawiah nge an awm tak ? Tuman thiam loh an chantir na che nge ?"..."Kei pawhin thiamloh ka chantir lo va che, kal la, tun hnuah tisual leh tawh suh", Lal Isua khan a ti. Ngaihdam i dil khan Lal Isua khan "kal la, tun hnuah tisual leh tawh suh"... a ti. Inngaihtuah chiang ila, kan tlukna leh kan chaklohna chu a inang lo ang, mipat hleichhiatna sual te, sum leh rinawm lohna te pawh a ni ang. Pathian ngaihdamna chang tak tak tur chuan kan tihsual tawh loh a ngai a ni.

Comments

  1. Sual ngaihdam hi keini tan chuan Chhandamtu note a ni. Ngaihdamna hlut zia i rawn sawi lang tha viauvin ka hria.

    ReplyDelete
  2. Digi, a van tha leh pek em! Pathianin mihring a hmangaih zia hi chu aw! Hre reng chung hian vawi engzatnge kan tihsual leh thin? Keini lahin kan sual min ngaidam rawh kan ti liam puat a, kan duh tawk viau zel mai si! Thinlung tih tak zeta inchhir chunga ngaihdam dil a, tisual leh tawh lo tura nun fimkhur a tul zia hi kan hre lo fo!

    ReplyDelete
  3. post tha top tha toooooooooooopppppppppp

    ReplyDelete
  4. Mihring hi chuan vawi khat emaw bak kan ngaidam meuh lo. Thil tisualtu chu a na thei ang bera hrem kan duh thin. Pathian erawh chu ngaihdamna a khat a ni a, Isua Krista thisen phenah phei chuan sual ngaihdam theih loh a nei lo. Pathian hmangaihna hi chuan tawp ni a nei ngai lo va.Vawi tam tak phatsan mah ila, sima ka hawikir anih chuan min pawm leh tho thin.

    "Hmangaih Pathian a ni" tia kan sawi lai mekin, "Phuba lak hmang Pathian" a ni lawi si. A hmangaihte lakah chuan a thikthu a chhe hle thin.

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh