Skip to main content

Mi Mawl Pa

Khaw pakhatah hian mi pakhat, khawngaihna ngah em em Sanga hi a awm a, A chhungkhat lainate pawhin an thlamuanpui em em a, mi tanpui hi a chaw tui ber a nih avangin khaw mipui te pawhin an ngaina em em. Vawi khat chu an khua atanga hla vak lova chirh dup zau tak awmah chuan vawkte hi a lo tang a, chu vawkte chu an khaw thenawm, tute nge an nih tih pawh hriatlohte ta a ni. 

Vawkte chu a ngek vak vak a, a tal tal chuan chirh dupah chuan a pil tual tual anga, a thi mai dawn. He chirhdup a tang tawh chu  tuman an chhan chhuak ngailo , mi tam tak he chirhdupah hian an lo tla palh tawh a, an la thi vek bawk. An khaw mipui engemawzat chuan vawkte chu a thih hun nghakin an thlir thup mai a.

Chutia vawkte thi tur an thlirnaah chuan Sanga chu a rawn thleng ve hlawl a, vawkte chu a khawngaih ta em em a, a mittui a tla ta hial a. Chutia a mittui tla chu midang chuan an hmu a, midang chuan "mihring pawh a nih loh saw, vawkte mai a ni, i over lutuk.." tiin an nuih san a. Sanga chuan chu vawkte thi mai tur chu a khawngaih ngang  a niang, chhanchhuah a tum ta a. Mipui ho chuan "Mawl lutuk mai, mihring pawh a nih loh saw, i chhanchhuah rual rualin nang kha i thi nghal a ni mai", tiin an dang bet a.


Sanga chuan "Inhrethiam lo a ni, saw vawkte saw ka hmangaih a ni", a ti a, Mipui zinga pakhat chuan, " In vawkte pawh a ni lo, khaw lehlam ho vawkte a nih saw, mawl mawl suh, eng chuan nge i rilru chu mawlh che chu aw", tiin a hau a. Sanga chuan a theih tawkin chirhdup lam chu a pan a, mipui ho chuan an lo dang hlawm bawk a. Mahse thapui tak meuh meuh a a tan avangin Chirhdupah chuan a zuangthla ta a.

Mipui ho chuan "Mawla, i mawl lutuk.... khatiang mihring pawh ni hlei lo, i nunna thap meuhin chhan i tum a maw ?? I mawl man chu i hmu ang", tiiin an au nawmnah nghal a, a mawl em avang chuan. Vawkte awmna chu a va thlengphei a, vawkte chu a rawn vawrh chhuak a, amah erawh chu chhan hman a ni ta lo, zawi muang chuan a pil ta riai riai a, A boral ta a.

Khaw mipuite chuan Sanga chu a an ti em em a, chu a thihna hmun chirhdup sirah chuan thanlung an phun a, chu thlanlungah chuan heti hian an ziak a ,"Hetiang khawpa mawl hi khawvelah an awm leh tawh lovang, a at em avangin a boral ta a ni", tiin.

Hepa aia mawl leh a hi a la awm, chupa phei phei chu Engkimtithei, engkim siamtu, lal te Lal leh thil zawng zawng chunga thu neitu kan Pathian hi a la ni zui. Pathian mawl leh a tak a ni. A chhan chu maw...a  thilsiam mihringte sualah an tlu a, meidila kal vek tur an ni, chu chu ngaingam lovin, a thil siam mai mai chu zu han hmangaih tlat pek a mawle. Engkim tithei Lal ropui nisi kha maw... A thilsiam mihringah a rawn chang a, anni chhanchhuah nan chuan a thilsiam mihringte bawk chu a invuak tir a, a insawisak tir. A va han a tak em !!!! Chutah mihring chhanchhuah nan chuan a nun chu Kalvari tlangah a hlan ta a nih chu !! A mawlin a va han a tak em !! Pathian a tak a ni !!!!

Mahse maw....  Nang leh kei boral hlauin Pathian ropui ber chuan at a rawn thlang ta zawk a nih chu, a va han ropui tak em, Pathian a leh mawl nih pawh zak lova min hmangaihtu kan Pathian hi fakin awm rawh se..  Heti ema hmangaihna mak leh ropui hi tu in nge hrilhfiah thei ang ??  Aw Lalpa, Pathian mawl leh a i nilo, hmangaihtu Pathian i ni, Chutuanin i hming chu fakin awm rawh se, Amen.



Comments

  1. Digi, Pathian min hmangaihna ropuizia hi sawi theih pawh ani lo! Misualte hmangaiha a nunna min petu Lalpa chu fakin awm rawh se!

    ReplyDelete
  2. Maisek... Pathian chu chatuanin fakin awm rawh se....

    Mahse maw.... a chang chuan hetia min hmangaih em em tu, kan han ngaihsak lo leh, kan penbosan te hi !!!! kan va han lo a tak em !!!

    LalPa min ngaidam ang che..

    ReplyDelete
  3. @digi, thil 1 ka zawt ve mai mai ang che aw, i ngaihdan...thil tih avang hian thiam changin a awm ve theih tho em Pathian lamah hian?? Ephesi a kan hmuh ang chuan "Thiltih vang a ni lo e" chiang takin a ti chungin, Jakoba 2:25 ah khan thiltih avanga thiamchan thu kan hmu ve leh bawk sia..

    ReplyDelete
  4. Ziak tha hle mai. A dang pawh aw niang.

    ...khrum

    ReplyDelete
  5. A tha hle mai...mahse thil 1 chu a tawpa Pathian chu mihringah rawn chang angin i sawi a, mahse a fapa mal neih chhun kha a rawn tir kha ni zawkin ka lo hmu si a. Ka sawisel nilovin a nih dan ka rawn sawi ve mai2 nih chu...

    ReplyDelete
  6. kan mizoram poh hi kan mawl PATHIAN ring poh hi an awm in ka hre lo kan tih leh huk kan huat leh hua leh hle,mi pakhat sual vang in mi tam tak in an tur thin a,kan PATHIAN in sual chu sual in thung rul suh a ti a,biang leh lam ben leh leh lam dawh leh tur a min tih lai in,sual nei lo burma mi um chhuah te an han ti ve leh hi chu,PATHIAN ring lo sa khua dang bia ram lek in ka hmu hei tak hi ni mi mawl ni zawk a ka hriat ni,dawh theih na te hi ring tu nun a nia piang thar te an awm ve em mizoram ah hian ka hmuh mawl ber rem leh ngaih san loh ber ram PATHIAN ring lo ber an ni,ngaih dam na hi LALpa ta a ni tih te hi an hre ve lo misual ber ram mizoram a lo ni ta in ka hmu,an buai pui misual thil ngaih tuah ring tu ni lo tih chi ni mimawl ho kan la ni mizo ho hi..

    ReplyDelete
  7. a dik khawp mai mzo ho hi chu kan la chang kan loh vang in kan mawl a ni,ring tu nun hi kan nei lo hle mai mi pakhat thil tih sual vang a mi dang kai kai thin chu a ni lo hle ni ring tu kan nih chuan ngaih dam na kan nei tur ni sual chu sual thung rul lo in thla rau bo chhan chhuah hi kan tum zawk tur nia,kan la mawl hle ni mizo te hi tih chu kan hriat,kan mawl vang ni tih hi i hre chiang ang u sual chu sual a kan thung rul mai bak mi dang thleng kang kai thin hi kan PATHIAN rin na hi kan la nei em kan mawl em vang hian a hu ho thil huat hi kan chiang hi ring tu nun lo ni i hre chiang ang u...mizo kan ni kan in ti a eng mah kan nih loh zia hi hnam tlem te kan awm insuikhawm hi kan tum ber tur nih rual in mi pakhat sual vang in kan ho vek thin hi kan mawl vang ni tih i hre leh ang u...mi mawl awm khawm kan ni mizoram hi i harh ve ang u..mi in tih hming chhiat te hi kan tum thin a in chawi kan lam hi kan tih tur zawk ni LALPA ring theu in dawh theih na hi i zir ang u sual chu sual a thung rul lo in...

    ReplyDelete
  8. I va han ziak tha tehlul em! Hmangaihnaa khat pathian chu fakin awm rawh se, Amen!

    ReplyDelete
  9. @B_hruaite... i zawhna hi mi tamtak buaina a ni.. ka chhan theih che ka ring.

    Chhandamna . Pathain rawn hlenchhuah dan (Process) -ah hian mihringin tih engmah kan nei lo. Lal Isua kha a rawn thi a, mihring thi ta zawk se, khapa khan chhuan tur a nei ang. Chu chu a ni Ephesi a a rawn siah kha.

    Tichuan, Chu chhandamna a rawn thawh chhuah sa tawh chu.. kan lo rin ve a ngai a ni..heihi kan tih ve tur a ni. I rin loh chuan chhandam i ni chuang lovang. Pathian chuan min rawn thawh sak vek tawh mahse, kan rinna kha chu min ti lui lo. Rin a ngai.

    Thiltih avanga thiam chang tur kan ni, a chhanchu maw.. Chhandamna hi a bo thei lo, mahse kan bosan thei a ni. Juda Iskariota pawh kha a tir chuan Isua mi rin leh zirtirte zinga tel a ni. Mahse chhandamna a chan sa tawh chu a bosan leh ta si a nih kha. Sula simna tello chuan a pianthar theih loh, kan pianthar hnu pawha kan sual tih kan thrulh chuang si loh chuan hremhmun kal tur kan ni tho tho.

    Tunah chhandamna chang tawh mah ila, kan hun hnuhnungah Sual kan thlan leh si chuan kan thiltih avang chuan hremhmuah kan kal thei.. chutih laiin kan pianthar tawh hnuaah pawh thil tha ti zel tur kan nih zia hei hian a tifiah a ni.

    Mahse mak ve mai mai chu..Chhandamna chang tawh hi ..engang pawn sualah tlu leh thin mahse..thil mak deuh chu...Pathian hian huntha em em a pe leh ziah..heihi a makin, Pathian hmangaihna thuk zia tilang tu a ni bawk.. Hei vang hi a nia.. Chhandamna a bo theilo te an tih tawl tawl thin ni..

    ReplyDelete
  10. A va han tha tehlul em ve aw.. Pathian hmangaihna hi a thûk a, a sang em em lawi si.

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…