Skip to main content

Overtake

Thihna avangin krismas hma kar khan zanah ka thianpa nen motor in kan chhuak a. Kan hmaah hian Vai TMB lian zet hi a tlan bung bung mai a, ka thianpa hnenah chuan tlanpel(overtake) rawh ka ti a, kawng zau tha deuh deuh a awm nual, mahse a tlanpel ngam chiah lo. Keichuan horn pe la, i tlan pel vat mai dawn alawm ka ti leh a, Accounts and Treasury thlang, Ramhlun Road kan thlen phei chuan a zau tha lutuk, mahse a tlanpel ngam ta lova.

Tichuan kan zui ta zel a, Chanmari kawn kan thlen chuan Chaltlang lam atangin motor lian tho hi a rawn kual thla vut mai a, vai TMB chu motor engemawzat chuan kan zui tawh bawk si, a rawn kualthla chu a kual zo lova, a back thei tawh bawk si lo... Tichuan traffic jam-ah chuan kan tang ta chu a ni a. Tlanpelh a rem em em lai khan lo tlanpel ta ilang chuan kha traffic jam-ah khan kan tang hauh lo tur.Kan kal tumnaah chuan tlai takah kan thleng a, kan programme zawng zawng a sukuk zo ta a.

Kan kristian nun pawh hi hetiang deuh hi niin ka hre ta. Thlemna tawklo kan awm hauh lovang, mahse thlemna a awm rualin tlanchhuahna a awm leh nghal zel. Do hnehloh khawp thlemna lian tuman kan tawk dawn lo. Mahse engatinge chu thlemnaah chuan kan tluk leh thin si ? A chhan chu thlemna ata tlanchhuah a theih laiin kan tlanchhuak duhlo/ngamlo thin a, tichuan thlemnaah chuan kan tlu ta thin a ni.

Kan hmaa motor lian tak pawh kha tlanpelh theih lai hun remchang tak a awm nual, mahse kan tlanpel ngam lova, a tawpah chuan min dang ta a, hnung lamah pawh tawlh theih loh, hma lamah pawh kal theih tawh loh khawpin min dang chep ta a ni.

Thlemna kan tawh lai hian tlanchhuahna a awm, kan tlanpelh/chhuah ngam loh chuan nakinah min dangchep ang a, chhuah ngaihna awm hauh lovin min dang bet mai dawn a ni. Chuvangin heihi hrereng ang u, hun remchang hmasa berah kan tlanpel/tlanchhuak thin dawn nia.

Comments

  1. A va tha dangdai leh pek em aw..! Vai TMB hi awm lo tawp sela ka ti e...sual ka tihna! :D

    ReplyDelete
  2. Everyday life experience atanga example pe a thil ziah hi i thiam riau mai. Kan bul hnai mai a thil thleng, keini pawhin a kan mitthla mai theih thil atanga christian nun dan tur thu tha tak tak i phuh chhuak thei zel hi, i ngaihsanawmna a ni ve tlat! Ni e, a huna thlemna tlanchhiat san nachang hriat hi a va lo tul tak em!

    ReplyDelete
  3. Tehkhin thu i va han thlang fuh kher ve le. Thlemna a rawn thlen apiangin kan duh anih phawt chuan tal chhuahna chance a awm zel thin. Thlemtu hian nitin, darkar tinin min thlem si a, thlemna do zo lova suala tluk palh chang a awm thin. Mihuaisen chu tlu mahse a tho leh thin. Chuvangin thlemna do zawh loh vanga tluk hlen ai chuan huaisen taka thawha nun bul tan that leh hi a tha fe zawk.

    I thuziak hi a tha khawp mai.

    ReplyDelete
  4. Ziak ngaihnawm hle mai. Hun remchang kan neih hmasak berah sual hi kan hneh nghal a ngai, a nihloh chuan a in khawlkhawm a a harsa tulh tulh thin. Entirna tha tak a ni e.

    ReplyDelete
  5. kan nitin nun hi Pathian thu nen hmehbel hi a trul tak zet a ni.. kumthar hlim takin kan thleng a... a lawmawm khawp e.. new year chibai vek ule

    ReplyDelete
  6. Ti nge truck hi TMB kan tih? Taia Mawng Bawr tih bakin ka hre miah lo :)

    ReplyDelete
  7. i va bei tawi tha dak nalh ve, thlemna hi kan tawh tur chu a ni ngei mai a, chutih rualin tlanchhiatna remchang hi min pe nghal zel bawk a, hetah tak hian Pathianin duhthlan theihna min pek hi kan hman thiam a lo tul ta a ni.

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…