Skip to main content

Bikers te him zawk nan


Ka naupan tet atangin two wheeler hi ka lawm thin a, ka chesual ngun reng bawk. Motor accident ah chuan wheeler accident hi a tam ber niin thi pawh an tam hle mai. Chuvang chuan ka lo accident ve nual tawh avangin accident pumpelh dan leh na taka accident loh dan tlem azawng ka rawn share ve ang che u.

1. Helmet hi a pawimawh khawp mai. Khuate a lum thin avangin Satel helmet hi kan khum mai zel a, a theih hram chuan Full Face khum hram a tha. Mahni thiam loh ni miah lovin midang hian min tifuh ve thei a, fimkhur tluk a awm lo a ni.

2. Engine Brake hman thiam a ngai. A bik takin kawng chhuka tlan hian a then chuan petrol ren vangin engine off chungin an tlan mai thin. Hei hi chet sual thlena tlanglawn tak pakhat a ni. Second Gear emaw first gear ah dah a, tlan thin a tha.


3. Speed sang taka tlan i duh a nih pawhin tha deuh chu, mahni side lamah char char tlan tur a ni. Chet sualna thlen chhan ber pakhat chu tlan chak a ni a, tlan chak satliah vang ringawt a ni lo, mahni side lova tlan vangte a ni zawk mah. 

4. Kawng kawiah brake kan hmang dawn a nih chuan foot brake hman hram hram a tha, a nih loh pawhin a ke hma brake leh foot brake hman khawp a tha. a kawiah chuan tlan muan deuh a ngaih avangin gear lianah dah thlak zel a tha a, speed up leh dawn pawhin a tha zawk. A ke hma brake kawng kawia i hmang a nih chuan i thal tawp a ni mai.

5. Oil leh leithril hi two wheeler tlukna tam ber a ni a, a kawiah chuan fimkhur em em mai tur a ni.  A bik takin kawngah huh dum tak bik kan hmuh chuan kawng ngil pawh nise tlan muan tur, a ngil ah pawh oil a nih chuan a leu zawk thei reng a.

6. Ruah a diak tawk leka a sur chang hian kawng kawiah 80 degree aia awna tlan loh a tha, eng ang pawhin kan tyre kha wet weather tyre pawh nise a nal tho thova, awn vak loh tur a ni.

7. Aizawl a chengte chuan kan hre theuh ang a, traffic a tawt em em a ni. chak vak lovin kan tlan del del thin a, hetiangah hian a bikin two wheeler te a kara in zeh zeuh zeuh an ching a, hei hi a hlauhawm khawp mai. Overtake tur, mahse remchang lo chung chung chu chetsualna a ni.

8. Traffic tawt takah kan hnung leh hmaah midang tlan an awm ve tih hriat tur a nia, mahni line ah tlan deuh ngar ngar kha a him, kawi thut thut chu hnung a mite leh sir amiten min rawn su a ni mai.

9. Accident tam zawk hi a tawlh a tawlh a ni thin avangin a theih hram chuan rilru chi ai lova, zangthal zawnga tawlh tura insiam rem hman tur a ni.

10. Hlauhthawnna hian a aia chhe leh zualah mihring asiam theih avangin two wheeler khalh reng reng chuan confi taka khalh a tha. Rilru hahna nasa tak nei chunga motor khalh a tha lova, two wheeler khalh phei chu hlauhawm tak a ni.

Comments

  1. Scooter ka neih lai khan ka scooter kha a tlu duh bik emaw ni chu aw tihtur khawpin ka tlu zing a; a hnuah bike ka nei leh a, ka bike pawh hi a tlu duh rum rum khawp mai. He hringnun ah hian tluk khut khut ching hi chu kan lo awm ve reng reng a lo nih hi.

    I thuziak hi a tha khawp mai. Kawng chhuk tawite ah pawha engine off mai ching ho hi ka ngei thin a nia aw.... Tluk rau rauvah tlanchak tlu ai chuan tlanmuang tlu chu an na lo deuh nge nge thin.

    ReplyDelete
  2. Kan idea a va inang teuh ve. hehe..
    A tha ltk e... Keep it up..

    http://www.punemizo.com/wp-content/Peniel/24-07-2011.pdf

    ReplyDelete
  3. @Kopte ... I idea ka ru mai thei :D

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…