Skip to main content

Switchfoot



San Diago khaw chhuak American Christian Rock band Switchfoot hi Pathian hla ngaina lemlo mahla Music i ngaina a nih ngat chuan i hre tawh ngei ang le.An band member te chu Jon Foreman (lead vocals, guitar), Tim Foreman (bass guitar, backing vocals), Chad Butler (drums, percussion), Jerome Fontamillas (guitar, keyboards, backing vocals), and Drew Shirley (guitar, backing vocals)-te an ni.

2002 Film chhuak A walk to remember -ah khan track nalh tak tak an thawh a, chung zingah chuan Learning to breathe, You leh Dare you to Move te pawh a tel a nih kha. 2003 khan The Beautiful Let go tih kha an release ta nghal a. 2.6 Million copies ngawt an hralh chhuak a. An album 7-na Hello Hurricane chuan kumin 2011 Grammy award for Best Rock Gospel a lak pui ta a ni. 

An zaitupa Jon Foreman chuan,"Surfing hi kan ngaina em em a, kan vai hian kan nunah a bet tlat tawh a ni. Kan band hming pawh hi hemi atanga phuah chhuah a ni a. Kan ke chheh kan thlak hian surfing ah chuan kawng dang zawngin kan inher rem tihna a ni a, chumi chu chang chawiin nun thar leh music thar pe chhuak turin kan band chu Switchfoot tih kan phuah ta a ni", tiin an band hming phuah chhan a sawi.

An Genre hi Alternative Rock, Hard Rock, Power Pop, Grunge leh Christian Rock huang chhungah a khung theih awm e. An album te chu :

1997: The Legend of Chin
1999: New Way to Be Human
2000: Learning to Breathe
2003: The Beautiful Letdown
2005: Nothing Is Sound
2006: Oh! Gravity.
2009: Hello Hurricane
2011: Vice Verses

An hlaah hian nalh tih ka ngah khawp mai. Dare You to move,Meant to Live, This is Your Life, Stars,  Your Love is a song, Always, Bullet soul, Rise Above It leh a dang tam tak ... Thla hmasa hmasa leh khan an album thar an tlang zarh a, Vice Versa tih a ni a, a nalh hlawm khawp mai. Pirate hi ka download phawt a, nakinah Original ka lei leh ngei ang..hehe


Comments

  1. Malte hei chu ka comment lo theilo... Ka Top 10 band list ah an lang pha tlat.. Office ah pawh hna thawh pahin tunlai cu Vice Verses ngaithla chur chur mai lawm..

    Tunlai singer-songwriter angah phei chuan Jon Foreman hi ka ngaihsan ber pawl ni bawk..

    ReplyDelete
  2. Thian ngaihawm em em Abel, i ngaithla thin tih ka hria chu ka va lawm ve mawle.. Nia.. he album hi chu a nalh ka ti hlawm khawp mai. Hurricane pawh kha ka duh khawp mai.. ka duhte ka la rawn list chhuak kim lo :D

    ReplyDelete
  3. switchfoot hla ho hi a mawi khop mai, chronicles of narnia soundtract "this is home' poh kha....dare you to move tih hi ka ngaithla zing deuh ber

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…