Skip to main content

Greenwich Mean Time vs Heaven Mean Time



Ka sana hi GMT (+5:30) nen ka herh mil thlap thlap a, khawthlang lam football leh event pui tak tak en duh chuan  GMT nen kan sana kan mil a ngai a ni. Inkhelte, concert te leh event ropui tak tak chu a hun chat chatah Live Broadcasting kan hmuh phaka a awm chuan ka lo thlir ve thin.

Hetih lai hian thil buaithlak zet mai a awm. Kan kohhran Biak in  Chowkidar hian kan Biak In pui sana hi ka sana atangin minute 4 velin a herh hma a, chu chu kan Biak In dar vuak hunah kan ring ta a nih chu.  Sunday School leh Thalai inkhawmah tan dar rik hma minute 15-ah Biak in thlen hman tur tih hi kan inkaihhruaina a ni thin a, ka tlai chiah chiah thin. Tin, office lamah buai changa awm thin, Thawhtan zan inkhawmah tan dar khawn hnua luh chang ka nei ta nual mai.


Ka lawm lo khawp mai a, kan Biak in  Chowkidar hi kan hmelhriat a ni a, hun pangai a sana herh tura kan han ngen chang pawh hian a ti duh ngai lo. Lawmlo taka ka awm lai chuan ka rilruah thu a rawn lang nawlh mai a.

Khawvel mila ka sana ka herh mil lai hian Pathian Biakna hmun Biak inah chuan ka tlai chiah chiah zel tihna a ni a, Khawvel mila ka nun leh hunte ka hmanga ka herh mil a nih chuan Inkhawmpui tiak tawh ngailohna hmun Vankhawpui mawia inkhawmpui ropui ber tan dar an khawn hunin ka thleng ve hman dawn lo tih ka hrethiam ta a. Tichuan ka sana pawh chu kan Biak in sana mil chuan ka hreh ta a.

Matthaia 6:24 ah  "Tuman hotu pahnih rawng an bawl kawp thei lo; pakhat huain pakhat an duh ang; a nih loh leh, pakhat tannin pakhat an hmusit ang". tih a inziak a.Khawvel thil leh Pathian thilte chu pawh pawlh lo turin min ti a ni. Khawvel mila kan nunga kan khawsa a nih chuan Vanramah kawng khar hnan kan ni ngei dawn a, chuvangin unau duh tak, i hun leh nite chu Pathian duhdan zawngin her rem zawk ang che.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh