Skip to main content

Dil rawh u


Khaw pakhatah hian unau mipa pahnih an awm a, a upa zawk chu nu leh pa duh zawng pawh ti ngai lo, sual let tawp tawp a ni a. A naupang zawk erawh fel tak a ni thung. An lo puitlin chuan Pa ber chuan ro a sem ta a. A naupang zawk chuan a pa ro zawng zawng chu a khawm ta a. A upa zawk erawh chuan engmah khawm lovin a nupuite khaw lamah chuan a pem ta a. 

Ni khua a lo rei a, an nu leh pate chuan an thihsan ta a. Tichuan mahni mual mualah an khawsa chho ta a. A naupang zawk chuan a pa ro zawng zawng a khawm avangin a hausa em em a, ram zau tak neiin a nupui fanaute nen hun nuam tak an hmang a. Hetih lai hian a upa zawk erawh a nupui a fu thei lova, nupui panga vel lai a nei a, chung ho chu zu zuar fanu an ni deuh zel bawk a. Hausak chu sawi loh, tlak ranna khawvelah a lutthuk tulh tulh a. 


Hetia mahni mual muala an khawsak lai hian a naupang zawk chuan a u chu a lainat em em thin a, vawi khat chu chutia a u vak vai taka a vahvel lai chuan a ina leng turin a sawm ta a.  Thingpuite an induna an inkawm lai chuan a nau zawk chuan a pain ram a rochun zawng zawng, tuna an in awmna lai leh compund tiam lovin a pe ta vek mai a. A u chu a lawm em em a, a naupang zawk chu a nupui leh thenawm khawveng te chuan mawl an ti em em a. Chumi atang chuan a upa zawk chu a lo hausa ve ta a, a nun hluite a kalsan ta a, fel takin a hun a hmang chho ve ta a ni.

Chutia hlim taka an kawhsak ho lai chuan a upa zawk chuan a nau hnehah khawngaih dil lehin, mei tuahnunna tur khawnvartui an neih loh thu leh No khat lek an mamawh thu a thlen a.  Chutah chuan a nau chuan engtin nge a tih anga kan rin ?  A nau chu a nui kur kur a,"Aw,, ka neih zawng zawng pawh ka pe phal che a, khawnvartui no khat lek chu ka va han pe phal dawn tak che em, no khat mai ni lovin, barel khat kha la phei rawh u..", tiin a chhang ta a.

Awle.. a thawnthu a sei tep a, Vawin hi Pathianin a neih zawng zawng min pek ni Good Friday a ni a. A neih chhun liau liau, a fapa mal neihchhun Lal Isua pawh phal taka min pek chuan heng thil dang, hriselna, damna, sum leh pai... leh engkim, thil zawng zawng pawh hi min va han pe phal dawn tak em. Amaha rinna nghat tute chu Pathian in a leh tam taka malsawmnaa vur a in peih reng a ni.

“Chutichuan ka ti a che u, dil rawh u tichuan an pe ang che; zawng rawh u tichuan in hmu ang; kik rawh u, tichuan an hawnsak ang che u.” Luke 11:9. Tih ziak a nih kha. A lama rilru dik tak putute chunga a chakzia tilang turin khawvel zawng zawngah Lalpa mit chu a leng ruai ruai thin a ni. II Chronicles 16:9.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…