Skip to main content

I mamawh chu nang aiin a hria asin



He khawvelah dinhmun tha taka din tumin kan bei a,hmasawn kan duh a, kan phak tawka kan mamawh nia kan hriat chu neih theih tumin kan phi buai em em bawk a.Mihring nun hi chu a hahchawl lo a ni.

Tichuan he khawelah hian kum 30 pawh ka la awm tlin hma hauhvin chhungkua Pathiana innghatlo tlu chhe ta ka hmu hnem ta e, hetih lai hian chhungkua Pathiana innghat dingchhuak leh hmuingil pawh ka hmu teuh ta. Tichuan ka hriatchhuah tak chu, "LALPAN in a sak loh chuan, A satute chuan an thawk rim thlawn mai a ni; LALPAN khawpui a vawn that loh chuan, A vengtu chu a meng thlawn mai a ni. Zing takah in thova, tlai takah in chawl a,Thawhrimna chaw in ei thin hi, intan a thlawn mai a ni," (Sam 127:1-2) tih hi..


Kan mamawh te chu engkim siamtu leh kemahni min dintu hian keini ai chuan a va han hre chiang dawn tak em !! Kan mamawh pawh kan hre kim lo chu a ni si a. Chuti a nih a hnu engvang chuan nge Engkimtitheia kutah chuan kan inkawltir mai loh ? Min vengtu chu LALPA chu a ni a, ka tlachham lovang..Kan mamawhte, kan harsatnate, kan rilru hahnate, kan chhungkuate leh  kan zawng zawng  Ama hnenah i nghat ang u. 

Hah takin kan bei a, mahse hlawhchhamna mai a ni. Rim takin kan zawng a, kan hmu si lo. LALPA hnenah i tlu lut ang u, tichuan a ni chuan kan thatna turin ro min lo rel sak dawn si a. Tunah hmu rih lo mah ila nakinah chuan " E he.. khangte kha a lo ni maw Pathian min lo kaihhruai dan chu, Pathian hi ka chungah a lo tha em a nih hi, Pathian chu fakin awm rawh se," tiin kan la fak ngei dawn si a.

Comments

  1. I thil post hi ka lo follow thin a ,Pathian in mal a sawm nasa thei hle in ka hria

    ReplyDelete

Post a Comment

Popular posts from this blog

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…