Skip to main content

Thilpek i pekin


Vawikhat chu Pathian ni zan inkhawm thawhlawm chhiarnaah thil ho deuh kan tawng a. Thawhlawm ip atanga pawisa kan bun chhuah chu a nih ang angin a awm a, pawisa Note hrang hrang chu kan rem char char a. Cheng sawm note ka lak chu ka'n tipharh a, a chhunga chuan cheng zanga note a lo awm hlauh mai a. 

Thiante hnenah chuan lek chhuakin,"Hepa thawh dan kher kher hi", tiin kan nui dar dar a. Mahse zanah ka mut dawnah chuan ka ngaihtuah chiang ta a. Khapa/nu khan Cheng zanga kha hum langin thawhlawm ipah khan thlak ta selang chuan abul ami leh thawhlawm khawntute khan an hmu ngei dawn..Miin thawh tam an ti anga, an sawi zui anga, chutiang thleng chuan a ngaihtuah a ni maw ka ti ta a.

Tichuan miin an fak a, amaha chapona a awm hlauhthawn thilah a ruk thei ang berin a thawh a nih dawn kha mawle ka ti ta a. Chutah chuan Matthaia Bung 6-na hi ka rilruah a rawn lang hlawl mai a.


"In thil tha tihte mi hmuh atan, mihring mithmuha ti lo turin fimkhur rawh u; chutilochuan in Pa vana mi hnenah chuan lawmman in nei lo vang.

Chutichuan, mi hnena englo i pekin, mi vervekten mi fak an hlawh theihna tura, inkhawmna inahte, kawtthlerahte an tih thin ang hian, i hmaah tawtawrawt hamtir suh. Tih tak meuhvin ka hrilh a che u, an lawmman chu an hmu zo tawh. Nang erawh chuan mi hnena englo i pekin, i kut dinglamin a tih chu i kut vei lamin hre suh se, i englo pek chu a rukin a awm theih nan; chutichuan, i Pa a ruka hmu thintu chuan a rul ang che."

He bung hi a nalh khawp mai, chhiar thla zel ilang, tawngtai dante pawh a rawn sawi lang a. Sawi zau vak pawh ngaiin ka hre lo, a sawitum leh min zirtir chu kan hrethiam mai awm e.

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…