Skip to main content

Miin in chunga an tiha i duh tur ang zelin mi chungah pawh ti ve rawh u

He thil hi a pawimawh ka ti khawp mai, ka nun kaihruaitu pakhat a ni ve chiang mai. Hmanlai thil ka'n sawi teh ang...

Lawrkhawm.com a member pakhat wonderboy hian vawi khat chu lawmpuina certificate nalh tak siam a duh a, mahse photoshop-in a siam thiam si lova. Keini kan kut hlei vang hian bo lo tawk hian kan lo thiam ve sawih sawih a. A tihngaihna hre lo chu lawrkhawm.com atang hian mi rawn pur ta ringawt mai a.

Khatih lai khan wonderboy chu tunge a nih pawh ka la hrechiang lo, lawrkhawm member pakhat ve mai a ni. Mahse keiin ka tih a harsa miah lo kha a tan chuan a lo harsa viau a ni thei tih ka ngaihtuah a. Tichuan uluk takin thiam ang tawk chuan ka siam sak ve ta a. Kei chuan nalh ka ti lem lo, mahse nalh a tih thu leh a lawmthu te min hrilh ta luam a.

Tin, design hah mante kan inpe dawn emni ni ang ?? .. tiin min rawn zawt a. Mahse kei chuan.."A ngai love, a ho lutuk e.. thil harsa a ni hlei nem... tikhan a ni mai ,, ho lutuk..", tiin ka chhang a.. Khami hnu khan kan inkawm zui em em lem lo, mahse kan inhre ve a ni mai chauh.

Ni tam tak a liam hnu chuan..



Ni tam tak a liam, kum pawh a liam nual.. Vawi khat chu North Vanlaiphaiah Office duty in kan kal a, hmelhriat pawh kan nei lo. Khua a vawt em em a, January thla a ni a, an khaw buh hmunte chu vurin a bawh var vau mai a. 

Ril tam tak leh baih vai taka kan awm lai chuan Wonderboy-a chu ka hmu hlawl mai, mak ka ti khawp mai a.. North Vanlaiphai PHC ah Doctor-in a lo awm chu niin, min thleng ta a. Arsa leh Vawk sa min hmeh pui a, puar takin kan ei, an khaw hmun nuam laite chu min fan pui bawk a, nuam ka tiin ka hlim khawp mai.

Kan hawn hnu chuan ka ngaihtuah ta rauh rauhva, Hmanah khan an certificate ka siam sak tum khan pawisa lo la ta ila, a tam ber ah Rs. 100 pawh a tling dawn tawp si lova. Chutih laiin North Vanlaiphaia min thlenna kha a pawisain chantir dawn ta ilang chuan a inseng ve nual dawn tih a hriat. Pawisa kha in thing ta ve ve ila chuan ka pe hnem zawk fe ang le.

Awle, heta ka sawi duh chu, Sum hi a pawimawh khawp mai, tupawhin kan mamawh. Hetih lai hian Sum erawh mihring dam chhan a ni lo. Miin kan chunga an tiha kan duh tur ang zelin mi chungah pawh ti zel ta ila, pawisain alei theih loh inlaichinna tha, nasa takin midang nen kan nei thei dawn a ni.

Comments

Popular posts from this blog

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.