Skip to main content

life's not fair



Pawl 8 atanga  Graduat ka nih thlengin  school/college kawng ngai hlirah ka kal a, ka kal kawngah hian ka rualpui vel rualbanlo hi ka hmu ziah thin.

A ni pawh chuan min hmu ziah zel a, hun tam tak a liam hnuah High school leh College ka kal laia ka kal kawng thinah chuan ka hawng leh a. Rualbanlo ka tih ngei chu ka hmu leh ta a, a lo lian ve tawh khawp mai a. Ka rilruah thil tam tak a rawn lut nghal zut zut mai a.

Khapa kha kei angin rualban selang chuan engmaw tak chu a ni tawh ngei ang mawle, lehkha thiam thei tak pawh a ni thei a, tin, ngaihzawng hmel tha tak pawh a nei ngei ang. Mahse High School kan kal laia a nungchang ngai bawk chu a lo la ni a, hma a sawn lo.

Keimah ka inngaihtuah chhova, khatih lai dinhmun leh tun dinhmun ka ngaihtuah zel a, hmasawnna nasa tak  ka nei si a. Ani erawh hma a sawn ve si lo !! Keimah lam ka ingaihtuah chuan Pathian hnenah lawmthu ka sawi mawlh mawlh, mahse a dinhmun ka ngaihtuah pui erawh chuan Fair lo tihna ka nei tlat mai a. Mahni chantawka lungawi tur kan nih laiin a chantawkah khan ka lungawipui lo a ni.

Tlakna fuh leh fuh lo

Hmanni chu Pawl 5 kan nih laia thingtlang khaw kil  tak atanga kan school rawn kal kan thianpa ka hmu hlawl mai. Lei a lo lai kurh kurh a, a mah ngei a ni tih ka hre chiang, a hmingin ka kova, "chu chu i ni em", tiin ka zawt. A ni chuan "ni e", tiin min chhang a. Ka insawi a, kan inkawm thin thu leh kan school kal hun laite kha ka sawi chhuak a. Mahse a ni chuan min hre tawh lo. Min la hriat chu ka ring tho, mahse a dinhmun a ingaihtuah khan inthlahrungin min hre duh lo lui niin ka hria a.

Thil tam tak ka ngaihtuah a,  thatchhiat vang hrim hrima an nih tur ang ni phalo hi chu an awm ve bawk, mahse tlakna fuh loh vanga  nih tur ang ni phak lo hi an tam kher mai. A ni pawh kha chhungkaw khawsak pangai takah chhuakin College kalna tur pawisa te nei ngat selang chuan kha hna kha (Lei laih ka hmuhsitna lam a ni lo) a thawk kher angem ? Tihte chu ka inzawt mawlh mawlh mai ta mai a.

Neinung ve deuh se a hmangaih kha a nei thei maithei asin

Kan thianpa pakhatin a chanchin min hrilh malh malh a,  hmeichhe pakhat hmangaih em em a nei a, chu nu pawh chuan a mitmei pawh a hmuh ve chiang. Mahse kan thianpa chu chhungkaw berh ve tak atanga seilian a ni a, khawvel lam thil chhuan tur chu a neih loh lam tak a ni. Hetia a hmangaih deuh nena an inkawm lai hian midang an rawn lang thut mai a, chupa chu chhungkaw neinung tak an ni. Hmeichhe lawmzawng pawh sum hmangin a siam mai thei zel.

Tichuan reilote chhung chuan chu nu chuan a hmangaih a, chupa nen chuan an inngaizawngin nupa hial an ni ta a.  Nupa an nih hnu pawh chuan an hlim em em a, harsatna an nei lo. Ka thianpa chuan heti hian ka hnenah a sawi a,"Kei mi thlang lova pakhat zawk a thlang kha a nunah chuan a tifuh ka ti, a chhan chu kei chuan nuam sa takin ka awm tir thei dawn si lova. Mahse tlemin neinung ve deuh ilang chuan ka hmangaih ber hi nupuiah ka nei ngei ang le, tin, kan hlim dun em em bawk ang. Ka seilenna hi a fuh lo a ni." tiin.

Hmeichhia ten tlema an nawmsakna tur an pan hi an demawm bik hauh lo, "Chhuanchhama awm reng chuan a inhmangaih reng theih loh" an tih hi mi nawlpuiah a dik chiang si a. Kei pawh hmeichhia ni ta ilang chuan, hmelthat dan thuhmun, fel zawngah pawh a khawi zawk nge fel tih pawh hriat hran loh thlan tur pahnih awm se, chhuan chhama min awmpui thei dinhmuna ding ai chuan fate damloh pawha thlamuang taka pasalte min enkawl thei tur zawk chu ka thlang ve ngei ang le.

Hetah tak hian LIFE hi a FAIR lo ka ti thin. Thenkhat chu Born with a Silver Spoon in Mouth an awm a, thenkhat phei chu Silver mai pawh nilovin Gold hial te pawh an awm bawk. Thanlenna chhungkua, pian leh murna khua, nu leh pa nihna thleng hian mi vannei leh vanduai hi chu an lo awm ve deuh niin a lang.

Sakhaw lam thleng pawhin

Ka nu leh pate hi zu hehtak nise, innei mumal lovin ka pi leh pute in velah awmkual ta ilang chuan tuna pangai taka ka nun ang hian ka nun theih ka ring hauh lo. Zu zuar fa fel tak tak an awm alawm...mahse an tam lo khawp mai. Chhungkaw keh chhe tak atanga rawn chawr chhuak, an puitlin hnua sual lian tak khawih an awm chang hian "Nu leh pate mawhpuh tur a ni lo, mahni hi kan pawimawh ber, Zu zuar fa mifel tak an awm ve", kan ti thla ringawt thin a, mahse sawi tawh angin chung mi chu an tam lo teh a nia aw..

Ka nu leh pate khan ka naupan lai khan min lo boral san ta daih se, pi leh pu belh tur nei lovin vak kual vak kual ta ila, Mizoram chhunga rukru chimawm ber pawh ka ni lovang tih tunge sawi thei awm ? Mahni inringtawk viau ni mah ila, chung dinhmunah chuan ding ta ila nuntluangin ka khawsak theih ka inring bik hauh lo. Tin, Kohhran lamah pawh inhman nachang ka hre lo chiang khawp bawk ang. Nu leh pate leh thian thate min nawrna avanga Biak In thleng hram hram hi kan tam ve a nia, hetianga min kaihruaitu hi awm lo ngat selang chuan kan nun hi a va han ho dawn tak em !!

Rinna kawngah pawh, Ka nu leh pate hi Hindu kulmuk tak lo ni tlat pek selang, tunah hian khunkhan takin  Vai Pathian hmaah ka thingthi ngei ang.  Chawr chhuahna hmun hi a lo pawimawh khawp mai tih ka hrechhuak ta a. Hetiang zawng zawng ka ngaihtuah hnu hian ka rilru put hmang a danglam ta daih mai le. A hmaa sualna ka lo dem em em thinte ka dem tawh lo nilovin, an dinhmunah khan ding ve ta ilang khatiang kha ka ti ve mai angem ? tiin ka inzawt hmasa ta zel a. Na takin ka dem ngam ta lo.

Tichuan thil tam tak ka ngaihtuah hnu chuan nun hi a mak ka ti tawlh tawlh a, mi nuihzat theih leh hmusit thei ka nih loh zia ka inhrechiang tual tual a,  ka thinlungah chuan zawhna tam tak a rawn lut a, chhan sen loh leh chhan thiam loh, rinthua chhan mai chi hlir a ni. Ka chantawkah ka lungawi, ka hlim, Pathian hnenah pawh lawmthu ka sawi mawlh mawlh. Mahse mi hnuaihnung tak tak leh chan chhe tak tak ka ngaituah chang hian "Enge an tihsuala hetiang teh hrepa awm tak ni ? Misual an ni si lova, Nun hi a FAIR LO a ni", ka ti thin a ni.

Comments

  1. ropui khop mai....side hrag2 a thlir thin hi a poimoh reg a ni

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…