Skip to main content

Posts

Showing posts from May, 2013

Room Tawt

Room feet 12 bial ka nei ve a, khum, Almirah leh Computer ka hung, thawl nuam takin ka awm. Mahse vawi khat chu ka unaute Room kan siamtha a.
An bungraw neih tam tak leh room dang dang ami chu ka room -ah chuan kan dahkhawm ta a, ka tawt ta khawp mai, Kei ngei pawh chu chep takin, che hlei thei lovin zan khat ka khumah ka mut phah a ni.
Hetiang chiah hian i thinlung kha Room a ni a, a hma chuan Thlarauthianghlim nuam sa takin a awm thin. Mahse khawvel thilin a rawn run ta che a, eng eng emaw i room-ah chuan i lalut mawlh mawlh a, thenkhat chu changkannate , Mipat hmeichhiatna te, Sum thianghlim lote, ngaihtuahna chapo te leh a dang dang. Chung chu i room-ah chuan a khat ta hmur mai a.
A hmaa Thlarauthianghlim nuamsa taka awma hna thawk thin kha kil khatah dan behin a awm ta tlat mai le. Chutah chuan engmah ti thei lovin, thawpik tak leh hrehawm takin chung bungraw thalo i lak kian hun nghak chuan a thu ve ta ran mai a. Mahse lak chhuah zai i rel thei chuang si lo.
Chutah chiah chuan …

Football player leh Contract chungchang

European Football kan en thanga, Mizoram Premier League pawhin kalphung fel tak kan nei. Football player pakhat hi club pahnihah Contract a ziak kawp thei lo tih hi chu tlang hriat a ni. Club pahnih tan contract a ziak a nih chuan kha player khan tournament a khel thei lova, a inkhelh ve duh chuan Club pakhat tan chauh contract a ziak tur a ni.
Tin, Club te hi an thikthu a chhe khawp mai a. Spain in 2010 FIFA World Cup an lak tuma a lawmna an neihah pawh kan hmu a nih kha. Fabregas chu a thian ten Barcelona Jersey an hak luih tir a. Kha thil avang khan a Contract neihna leh a khelh mekna Arsenal chu an lawmlo teh a nih kha.
Tin, tun hnaiah pawh Arsenal leh Man Utd inkhelh tumin Theo Walcott  chuan Van Persie Jersey chu TV-a an kawmnaah a hak pui a, Hetia Walcott-a'n Man Utd Jersey a ha ve ta mai hi Fans tam tak an lungawilo nghal a. Walcott chuan a hranpain thuchhuah a siam chhunzawm nghal a nih kha. Awle, heta kan hriat chian tak em em chu Club pahnihah Contract a ziah kawp thei…

'I hmelmate hmangaih rawhh' tih lai tak hi !!!

Ka hriatthiam ngai reng reng loh hrilhfiahin ka awm a, ka lawm kher mai.  Matthaia 5: 44 -a inziak "Kei erawh chuan ka hrilh a che u. In hmelmate chu hmangaih ula, a tiduhdahtu che u chu tawngtai sak rawh u", tih thu hi mak ka ti em em thin. A eng vang chuang nge kan hmelmate leh min tihduhdahtu te chu kan hmangaiha, kan tawngtai sak tak ang ? A har hi ka ti thin asin.
"Hmelmate hmangaih, tawngtai sak, an tana thil tha tih".. hahaha,, eng atan tak chuan nge he thil hi tih makmawh a nih le aw ???
Thian pakhat ka nei a, a hnathawhnaa an hotute an inthlak avangin a contract chu tihtawp sak a ni. Hemi hnu lawk hian a nupui chuan a hawn san nghe nghe a. Ka thianpa thil sawi hian ka mit min tihvar sak chiang kher mai.
"Khatia lungngai taka ka tei ruk ruk lai khan kopang lung an remna ka thlengphei a. Mistiri chuan cubic lung pakhat chu a lo chher mek a. Engemaw zat a chhu thla ta hlawk mai a. Mistiri hnenah chuan,'I va chhu thla hnem ve mawle, eng atan em em ng…

Rinna leh thiltih

"Chutiang bawkin rinna chu thiltih nei lovin amah chauhvin a awm chuan thi a ni". Jakoba 2:17
He thil pahnih inkawp tlat hi thenhran kan tum thin a, a khawi zawk hi nge hmasa tur ti te pawhin kan ngaihtuah nasa thin. Thenkhatin taksa a chet chhuah hmasak a ngai an ti a, thenkhatin rinna hmanga dai phawt a ngai an ti bawk a.
A khawi zawk nge hmasa ta ang le ? Isua Krista chuan he thil pahnih pawimawh em em hi duhzawk thlang turin min ti hauh lo. Bible in a tarlan dan chuan Rinna chu thiltih tello chuan thi a ni, tiin.
Thenkhat chuan mirethei tanpui ngaite nasa takin an tanpui a, an neih an ui lova. An taksa pawh harsatna tawkte tan an che chhuak lawp lawp a. Mifel an va han ni chiang tak em. Mahse chung an thil tha tihte chuan Vanram a thlen dawn si lova. Chung thil tha kan tihve te chu Pathian ngaih chuan pawnchhe hnangkhai ang lek a ni si !!
Chhandam kan ni tawh, Pathian in eng ti turin nge min duh ? Ngaithlatu mai ni lova, a zawmtu ni turin min duh a ni. Lal Isuaa kan awm tawh…