Skip to main content

Football player leh Contract chungchang



European Football kan en thanga, Mizoram Premier League pawhin kalphung fel tak kan nei. Football player pakhat hi club pahnihah Contract a ziak kawp thei lo tih hi chu tlang hriat a ni. Club pahnih tan contract a ziak a nih chuan kha player khan tournament a khel thei lova, a inkhelh ve duh chuan Club pakhat tan chauh contract a ziak tur a ni.

Tin, Club te hi an thikthu a chhe khawp mai a. Spain in 2010 FIFA World Cup an lak tuma a lawmna an neihah pawh kan hmu a nih kha. Fabregas chu a thian ten Barcelona Jersey an hak luih tir a. Kha thil avang khan a Contract neihna leh a khelh mekna Arsenal chu an lawmlo teh a nih kha.

Tin, tun hnaiah pawh Arsenal leh Man Utd inkhelh tumin Theo Walcott  chuan Van Persie Jersey chu TV-a an kawmnaah a hak pui a, Hetia Walcott-a'n Man Utd Jersey a ha ve ta mai hi Fans tam tak an lungawilo nghal a. Walcott chuan a hranpain thuchhuah a siam chhunzawm nghal a nih kha. Awle, heta kan hriat chian tak em em chu Club pahnihah Contract a ziah kawp theih loh mai bakah Kan khelhna Club Jersey lo chu club dang jersey kan ha thiang lo tih hi.

Matthaia 6:24 hi zir ho teh ang u khai,"Tuman hotu pahnih rawng an bawl kawp thei lo; pakhat huain pakhat an duh ang, a nih loh leh , pakhat tanin pakhat an hmusit ang,".

Heitah hian a sawi tum ber chu Pathian leh Sum rawng a bawl kawp theih loh  chungchang a ni a. Hetih lai hian Sum rawngbawl a tih tak hi sual rawng bawl nen a inzui nghal a. Chuti a nih chuan hotu pakhat chu Pathian a ni a, pakhat zawk erawh chu Sual setana a ni.

"I vawh emaw, i lum emaw ka duh a ni", (Thupuan 3:14). Kan Pathian pawhin tu emaw zawk zawk thlang mai turin min duh a, setana hnena contract nei chung reng sia Pathian rawng bawl tum tlat hi thil dik lo a ni a. Khawi emaw zawk zawk kan thlan a ngai a ni.

He khawvel kan awm chhung hian chu duhthlanna chu kan siam fel a ngai dawn a. Lal Isua i thlan chuan chatuan nunna i nei anga, hlim takin he lei i pelh hnu hian Vankhawpui mawiah i lut ang. He khawvela kan awmchhung ngei ngei pawh hian a thlamuanna kan chang bawk a. Mahse Lal Isua zui erawh tih namai a ni lo. Fim taka, PA taka duhthlanna siam a ngai. A chhan chu Isua hnung zui hi a rapthlak a, he khawvel lak atan kan inserh hran a ngai. Hei tak hi mi tam takin an thei lova, an hnung tawlh leh thin a ni.

Setana i thlan erawh chuan he khawvel mawina leh nawmsakna chu i dawng zawt zawt pawh a ni ang, mahse a tawpah erawh hremhmunah hnuhliamin i awm anga, chatuanin i chhuak leh tawh ngai lovang. Tichuan i duhthlanna chu tuman an tilui dawn lo che a, i thu thu a ni. Contract sign tur hmun hnihah i nei, a khawi emaw zawk zawkah i sign a ngai.

Tin, sign turin rei tak hun pek i ni lo a nia. Transfer dead line a zawh chuan club khelhna tur i nei lo mai ang. Hun tlemte i neih chhung hian i duh chu thlangfel la. Chutah chuan thurawn kan pe ang che. Nunna chu thlang rawh, chatuan nunna chu. Tichuan chatuanin i him ang.

Sunday hman nuam vek ule.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…