Skip to main content

'I hmelmate hmangaih rawhh' tih lai tak hi !!!


Ka hriatthiam ngai reng reng loh hrilhfiahin ka awm a, ka lawm kher mai.  Matthaia 5: 44 -a inziak "Kei erawh chuan ka hrilh a che u. In hmelmate chu hmangaih ula, a tiduhdahtu che u chu tawngtai sak rawh u", tih thu hi mak ka ti em em thin. A eng vang chuang nge kan hmelmate leh min tihduhdahtu te chu kan hmangaiha, kan tawngtai sak tak ang ? A har hi ka ti thin asin.

"Hmelmate hmangaih, tawngtai sak, an tana thil tha tih".. hahaha,, eng atan tak chuan nge he thil hi tih makmawh a nih le aw ???

Thian pakhat ka nei a, a hnathawhnaa an hotute an inthlak avangin a contract chu tihtawp sak a ni. Hemi hnu lawk hian a nupui chuan a hawn san nghe nghe a. Ka thianpa thil sawi hian ka mit min tihvar sak chiang kher mai.

"Khatia lungngai taka ka tei ruk ruk lai khan kopang lung an remna ka thlengphei a. Mistiri chuan cubic lung pakhat chu a lo chher mek a. Engemaw zat a chhu thla ta hlawk mai a. Mistiri hnenah chuan,'I va chhu thla hnem ve mawle, eng atan em em nge mawni le i chhut thlak hlawk le??' tiin ka zawt a."

"Ani chuan,'Chhutthlak hnem a ngai tlat alawm, helai karah hian a leng lova, heti hi chuan a leng chiah chiah e', tiin mi chhang a.  Chutah tak chuan Pathian thu ka thinlungah chuan a rawn lut ta.  Lal Isuaa awm tur chuan a rualremlo lai chhut thlak a lo ngai a nih hi.. kei pawh hi tuna ka harsatna tawh tak hi Pathianin Amaha awm tura min chherna a nih hi... tiin ka inhmuchhuak ta a.. Ka mittui a tla zawih zawih a, Inah tlan hawngin Pathian chu ka au ta a. Chutah Pathian  thlamuanin ka awm ta a". tiin a sawi a.

Harsatna, natna leh lungngaihnate leh mintiduhdahtu leh kan hmelma te thleng hian Pathian min pek a ni a, heng kan tawh changte hian amaha lo thleng ve ringawt a ni lo. Pathianin a hriatpui thlap thlapa kan chunga rawng thleng an ni thin. Heng kan harsatna tawhte hi Malsawmnaah a chang ta thin a ni. 

Kan hmelma, min tiduhdahtu leh natna, lungngaihna leh harsatnate hi Pathian angchhunga kan awm theih nana min chher rual tu an lo ni reng mai. Hetah tak hian Pathian tum chu ka hmu chiang ve ta.

Kan hmelmate leh min tiduhdahtute chu kan hmangaiha kan tawngtaisak mawlh mawlh tur an lo ni em em si a, malsawmna min thlentu leh Pathian min hnai tirtu an ni tlat si. Harsatna leh manganna kan tawh chang pawhin lawmthu hril zel tur zawk kan lo ni.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh