Skip to main content

Room Tawt



Room feet 12 bial ka nei ve a, khum, Almirah leh Computer ka hung, thawl nuam takin ka awm. Mahse vawi khat chu ka unaute Room kan siamtha a.

An bungraw neih tam tak leh room dang dang ami chu ka room -ah chuan kan dahkhawm ta a, ka tawt ta khawp mai, Kei ngei pawh chu chep takin, che hlei thei lovin zan khat ka khumah ka mut phah a ni.

Hetiang chiah hian i thinlung kha Room a ni a, a hma chuan Thlarauthianghlim nuam sa takin a awm thin. Mahse khawvel thilin a rawn run ta che a, eng eng emaw i room-ah chuan i lalut mawlh mawlh a, thenkhat chu changkannate , Mipat hmeichhiatna te, Sum thianghlim lote, ngaihtuahna chapo te leh a dang dang. Chung chu i room-ah chuan a khat ta hmur mai a.

A hmaa Thlarauthianghlim nuamsa taka awma hna thawk thin kha kil khatah dan behin a awm ta tlat mai le. Chutah chuan engmah ti thei lovin, thawpik tak leh hrehawm takin chung bungraw thalo i lak kian hun nghak chuan a thu ve ta ran mai a. Mahse lak chhuah zai i rel thei chuang si lo.

Chutah chiah chuan nangmahah Thlarauthianghlim hnathawh a lang thei tawh lo anga, nangmaha thusawi thintu leh kawng dik kawhhmuh thintu chu inthlahrung takin kil khatah a awm si a.  Pathian hnaih duhna rilru i neih chang pawhin i hnaih hlei thei thin si lo. Heng bungraw tha lo tak tak hi i paih chhuah hunah Thlarauthianghlim chu nangmahaah a rawn che leh dawn tihna a ni.

Vawiin Penticost  ni hian Thlarauthianghlim tan hmun i thinlungah khan siam la, i thinlunga thil thalo awm zawng zawng chu Paih chhuak la, Free takin Thlarauthianghlim i chet tir dawn nia. Penticost Sunday hman nuam vek ule.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh