Skip to main content

Love is a verb



John Mayer ngaisang tak tak in awm nual ngei ang le, he hla hi a dik inti ve em ? English Grammar-a kan zir dan kha chuan, Verb hi thil tih sawina a ni a, chuti a nih chuan khi thu tawite khian thil tam tak a sawi nghal a ni. Hmangaihna chu thiltih a ni e tiin Mizo tawng pawhin tawitein kan let thei ang.

Ngaihzawng, hmangaih leh nupui pasal nei in ni ang. Anih leh in hmangaihte hnenah khan,"Ka hmangaih che", tiin tuk tin, zantin SMS thawn ula, in in atanga len phak lek a nih laiin leng ta ngai reng reng lo la. Tin, a birthday-ah pawh engmah present tum chuang lo la. Puih an ngaih chang pawhin lang chuang lo la.Chutianga i ti a nih ngat chuan i hmangaih thu hrilh reng tho mahna i hmangaih tak tak a ring ngai lovang.

Chutatang ringawt pawh chuan Hmangaihna chu thil tihin a zui thin tih kan hre thei awm e. Keini pawh Pathianin min hmangaih em em a, chu hmangaihna chu thil tihin a rawn lantir ta a, A Fapa mal neih chhun Lal Isua a rawn tir ta a. Hetiang ema hmangaihna nasa hi khawvel pian hma leh hnu pawhin a awm leh tawh ngai dawn lo a ni.

Duh takte u, Pathianin chuti kauva min hmangaih chuan keini pawh kan inhmangaih tawn theuh tur a ni. Tuman eng lai mahin Pathian an hmu ngai lo. Kan inhmangaih tawn chuan Pathian keimahniah a awm reng ang a, a hmangaihna pawh keimahniah a famkim bawk ang.

Miin "Pathian ka hmangaih e," tiin a unau haw si sela, amah chu dawthei a ni; a unau a hmuh tawh renga mah a hmangaih loh chuan Pathian a hmuh ngai lohva chu engtin nge a hmangaih theih ang ? Tuman Pathian ka hmangaih kan ti thei lo, a chhan chu kan hmuh theih loh leh khawih theih loh chu engtin nge kan hmangaih theih teh lul ang ? Amaherawh chu kan inhmangaih tawn hian Pathian hmangaihna chu keimahniah a rawn lang chhuak a, Pathian kan hmangaih tak tak a nih chuan kan mihringpuite kan hmangaih hmasa tur a ni.

Tichuan 'Love is a verb' tih kha theihnghilh lovang u aw... Pathian kan hmangaihna te, kan mihring pui kan hmangaihnate lan chhuah dan tur chu thil tha intih tawn sakin, puih kan ngaihnaah te inpui tawn zelin, hmangaihna chu thiltihin kan lan tir dawn a lo ni.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh