Skip to main content

ka Nun thlaktu i ni


Zing i thova, Facebook-a i photo upload coamment tu an awm em ? Like tu an tam em ? tih en turin hmai pawh phih tha hman lovin i khawl i ON -a.

Chanchin thar engemaw a awm takin tiin TV i en chhunzawm nghal bawk a. TV en pah chuan chaw i ei bawk a. Hmanhmawh takin office kal turin i insiam a, Office i thlen chuan computer i ON leh nghal chat mai le.

Hnathawh nan Computer i hmang a nih phei chuan nilengin i thutchilh anga. Chutah internet office-ah i neih loh phei chuan hawn i chak khawp ang le. Office bang inah i hawng a, engdang i tih hmain i khawl i ON leh a, email i check a, facebook status i update bawk a. Twtter-ah eng eng emaw i sawi bawk nen. 

Tichuan zan a lo ni a, Movie hmuhnawm tak en tumin TV hmaah i thu a. I en zawh meuh chuan zan a lo rei leh ta, Online leh lawk teh ang tiin i khawl i ti nung leh a....

Ngaihtuah teh.. a chang hi chuan digital World hi chu a hahthlak thin i ti ve em ? Nature nena interact chak ngawih ngawih chang i nei ve ngei thin ang le. Kei chu maw.. hetiang digital world in min tihbuai loh nan Ui tha deuh Tim-a ka nei a, ka ti fuh kher mai le...

Zingah min kaithova, computer ka khawih hmain chhuah puiah min sawm tlat a. Computer khawih luih tum mah ila a theih loh.. ka kut hi a seh tlat a, min hnuk thin. Office atanga ka hawn pawhin mi lo lawm hmasa ber hi a ni a, pawna chhuah puiah nasa takin min sawm leh a.. Hlim takin kan chhuak dun leh a.

Tin, zan a lo thleng a, zan dangah chuan dar 2 thleng te ka meng thin.. Mahse Tim-a ke neih hnuah chuan min kaitho hma dawn tih ka hria a, mut kham lo taka awm ai chuan mut mai ka thlang ta zawk thin. Ka thian duh tak.. ka hrilh duh che u chu maw,... Computer hmaah hian bur char char suh ang che u, in hrisello vat mai ang.

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh