Skip to main content

WHY ALWAYS ME ?

Manchester City Striker ni thin, tuna AC Milan player ni ta Balotelli kawr hmaa thuziak "Why Always Me ?" tih kha Football ngainate chuan kan hmu vek tawh awm e.  Inter Milan-a a awm lai atanga kawhmawhbawl tia tlang hriat hat kha a ni a. England a pan hnu pawhin engemaw hlekah referee te khan 'target' bik ang tein a inhre thin. Tin, a in chhunga halmawi an lo hal pawhin amah a nih kha Police ten an man.

Balotelli khan khatianga amah an target bik anga a hriat avang khan a kawr hmaah, "Engatinge keimah min tih bik kher thin ?" tih chu a rawn tarlang a nih kha. He thu hi Balotelli kher lo, midang pawh hian kan sawiin kan ngaihtuah thin a ni lawm ni ? Kan chunga thil thalo, harsatna leh lungngaihna a rawn thlen chang hian "Engatinge ka/kan chungah kher a thlen bik", tiin kan inzawt thin.

Hriat hmaih kan neih thin vang niin a lang. Chu kan hrait hmaih thil chu hei hi a ni. Mi tin hian harsatna eng emaw tal kan nei vek. Thenkhat chu miin min hmuhpui laiin thenkhat erawh mahnia tawrh ngawih ngawih chi te pawh a ni bawk.  Britney Spears hla "Lucky" tih kha kan ngaihthla tawh ngei ang,..

She's so lucky, she's a star
But she cry, cry, cries in her lonely heart, thinking
If there's nothing missing in my life
Then why do these tears come at night

He hla thuah pawh hian hmeichhe pakhat hmeltha leh luck em em, hausa leh engkim nei chu a chhungrilah harsatna leh ruak ngawih ngawih a awm tlat. Chutiang chiahin Sipai za hotu Namana pawh kha hausain chhiahhlawh pawh engemaw zat nei mahse chhungrilah harsat rukna a nei tlat mai. Phar a ni a, hlawh hnemin, a duh duha a tirh kawi theih sipai engemaw zat awm mahse a nun kha a kim theilo a nih kha.

Chutiang zelin, Paula pawh kha Pathian thuawih tak niin, rinawm takin a rawng bawl mahse harsat rukna a nei ve tho asin. Bible chhui mite chuan II Korinth 12 -a a sawi kha chhuiin, Pum lam that lohna nei a nih thu an tarlang. 

Awle, sawi dawn chuan sawi tur a tam, Tichuan, harsatna kan tawh chang hian keini chauh hian kan tawk emaw kan ti hi a dik lova, tu pawh hian harsat rukna kan nei vek a. Chu chu kan nuna Pathian dah a ni tlat mai le. Lungngaihna te , harsatna te leh natna te hi he khawvela kan awm chhunga kan chanpual ve reng a nih thu Pathian khan a sawi a nih kha.

Heng natna, lungngaihna leh harsatna te hi chhan neia kan hnena awm vek hi an lo ni a, Harsatna nei miah lova kan khawsak hi chuan Pathian kan lo theihnghilh vat thin. Chutih laiin heng natna leh harsatna te hi Pathian lam min hnaih tirtu a lo ni thin si a, chuvang chuan heng hi kan tan chuan Malsawmna a ni daih thei tlat a ni. Namana pawh khan Pathian hmuh nan a phar kha a hmang a. Paula pawh khan kha a damlohna kha Pathian a hnaih phahna a nih avangin "Ka chak loh apiangin a ni ka chak thin ni", a tih daih kha. 

Vawiin hian harsatna chi hrang hrang nei kan ni ngei ang le. Heng kan harsatnate hi Pathian hnenah thlen ila, A hmel mawi kan hmuhphah nan a lo ni zawk dawn a ni. 

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…