Skip to main content

When we were boys

Tunlai naupangte hi chu an vannei a nia ti ve leh chhawng teh ang, kan la rei em em bik lo na a, mahse kan naupan lai kha chuan Zoram kha a la hnufum em a.

Hei thlasik a lo hnai leh ta a, hmui pawh a rep tan leh tawh. Khang hun lai kha chuan Metal road pawh kan la nei phak ve si lova, kan tual chaina kha chu vaivut leh leivung a ni deuh chawt. Leivung paihna hi kan hre thei khawp a, kan cheng chawt zel kha a ni a.

Silipar pawh kan bun tha peih lo, kan ke te kha a chat dum rem zel kha a ni a. Tunlai naupang hi hnap tawlh an vang ta khawp mai, a mak ve mai mai, khang hunlai kha chuan hnap tawlh kha intihtheih nan tak khan kan hmang a, kan hru ve bawk thin, mahse kan ban hian kan hru a, hmaiah hian kan hru pherh phei a, biang a chat duh kher mai.

Kan hmu rep te kha a dum kual that bawk a, tlaiah ka nu hian kan unauin min bual thin mai chu(h)... "A thip a thip", tiin kan te chel chul thin. Inbual zawha glycerin min han hnawih thin zet kha chu kan tap pur zel a nih kha.

Kan veng kawng an rawn metal thar a, alkatra chhuan kha nuam kan tih ber a ni. Sikul chhun chawlhah alkatra kan sawk a, tuboh ang ten kan siam a, dar a rawn ri thut, kan alkatra chu paih mai kan ui a, kan form var kawr hma ipteah kan han ak mai thin kha a nia, form chu kan heh thin khawp mai.

Primary kan kal lai khan kekawr bul kan ha thin a, ka nu hi puan thui thiam tak a ni, mahse vawi khat chu puan than a ui deuh ni tur a ni, than khatah kan unau kekawr a thui zo vek mai a, step-ah pawh pen pangaiin kan pen thei lo, saisir zawngin kan pen chho trawt trawt a, hmazawnga kan pen a nih chuan a kap kha a theh hlauhawm khawpin a te si a. Hnung lam atangin min nuih ru tet tet thin.

Kawrlum nghawng ribing fan theilo mawlh thin mai kha, hak chu a theih mai, mahse phelh leh tak hi lu a lo lian ve bawk nen, a'n tang ta mai thin a, beng sen turin kan phelh thin. Ka theihnghilh thei lo.Thil hi a lo danglam chak khawp mai hi a lo ni a, hmuh theih khawpin Mizoram chu a danglam a, hmanlai hun te kha a ngaihawm mai mai, hmuh tur a awm tawh si lo.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh