Skip to main content

Muthilh hun tak hriat theih dan


Zan 15 lai ka enchhin a, muthilh hun tak a hriat theih niin ka hre ta. Kan mut hian a then chuan eng eng emaw kan ngaihtuah thin a, suangtuahna khawvelah kan cheng thin. Chutih laiin engmah ngaihtuah hran lova muthilh tup chang pawh a awm bawk a.

Mithilh hun tak hi a hriat theih chiah loh kan ti thin. Mahse ti hian ka ti ta a....

Ka mut hian ka hriat hnuhnun ber thin chu ka suangtuahna ka duh anga ka control theih tawhloh chin hi a ni. Chumi hnu chu ka hre zui tawh lo thin. 

Engtirnan : Ka lo mu ta a, ka la harh tha viau, ka film ena a changtu power ang deuh neihte ka lo chak ta a. Ka suangtuahna khawvelah chuan chutiang chuan power ka nei ta a, Ka suangtuahna khawvel PLOT tur chu ka ngaihtuah hmasa phawt a, chutah chuan Hero takin ka khawsa ta a.

Ka suangtuahna a ni a, ka duh duh danin ka control thei, mahse nakin deuhah chuan thil dang, ka ven theih loh leh ka plan-a awm tawh lo a rawn lang chhunzawm ve ta thin a. Chuti lai tak chu engmah hrelova kan muthilhna tur intanna lai tak a ni ta a.

A chang chuan ka harh leh zawk a, ka suangtuahnaah chuan let leh tumin ka rilru chu ka pe ding leh a, mahse ka ti hleithei ta lo. Minute khat pawh tling lovah chuan Mumang lamah ka cheng chhunzawm ta a. 

Tichuan heti hian ka ti ta a. Ka mut hun tak ka chhinchhiah a, ka mutnaah chuan stopwatch ka ON bawk a, chutia ka suangtuahna khawvel ka control thei tawh lo tih ka hriat chuan ka la hrah tho thin tih ka hria a, chumi hunah tak chuan stop watch chu ka hmet zauh a, Lap time angin ka set a, ka muthilh chhunzawm tak thin avangin zankhuain Stopwatch chu a in ON ta thin a. Tichuan, ka mut tan atanga ka hmeh hun chhung TIME fel takin chu chuan a vawng thei ta a ni.

Sawi tawh angin, Kan Suangtuahna kan control theih tawh loh atanga minute khat pawh tling lovah kan muthilh thin avangin StopWatch ka hmeh atang minute khata muhil ka ni ka ti ta a. Zan 25 ka enchhin a, zan 19 stopwatch ka hmet a, zan 4 chu boruak dangin min tihbuai avangin stopwatch ka hmeh hnuah ka harh kur. Zan 6 erawh Stopwatch hmet hman lovin ka muhil a ni.

Mood hian nasa takin muthilh hun hi a control ve bawk a, Chhun lamah kan hna thawh hah leh hah loh phei hi chuan muthilh hma leh hma loh hi a control zual bik dam tha pangai leh vei em em neilovah chuan. Ka enchhinna hi zan tin ka ti lova, hun remchang ka neihah ka ti thin a ni.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…