Skip to main content

Lung tileng Chite lui


Thangkhat lian zet hnua ka tlawh leh chuan ngai te tein a lo la awm a, lung a ti leng kher mai. Vawiin chu Zemabawk lamah thil tul tiin ka kal a, Bawngkawn traffic tawt lutuk pumpleh turin Chite lamah ka haw ta a.


Chite lui kanna lei ka thlen chuan ka ding lo thei lo. Ka'n thlir kual vel a, infrastructure ropui tak tak lo awm tawh pawh nimahse a ram leh leilung awm dan chu a la danglam lem chuang lova.

Fahmualte, Pu Rokima dil awmna hmun te leh Chite lengkir awmna lamte chu ka la hre vek mai a. Ka dinna vel tak phei chu tlangval rui hovin min um tuma chau hnepa kan thutna ngei kha a ni nghe nghe.

Vawikhat chu Chite lengkir thlanga tui chennaah kan kal a, kan haw lam chu Bethlehem lam penga hawng tlangval phunglung zette nen kan in chhawn a, keni lah kan la naupang si a, khatia kan inchhawn fiamthu kha a tir chuan kan nui hak hak hlawm a, mahse a hnuah khan an huatthu kan sawi ni tur a ni, inhmu phakin awm tawh lo mah ila kopang chhak lam atangin an rawn tawlh thla ta sung sung mai a.

Kei chuan ring tawkin,"Tlan tur...". ka ti a, kan tlan ta, mi 20 dawn kan ni a, anni erawh mi 5 vel an ni a, tlangval an ni bawk a. Tin, chem an keng a, min han um tak tak mai chu(h), kan tlanchak asin.

Keini kha chu kan naupan fal bik em avangin min rawn umphak vat a, kei lah chuan "Khitah khian an thleng tawh", ka'n ti nghal zat a, min rawn tlanpel ta fua fua mai a. He thla ka lakna ka'n thlen chuan kan thiante tlan chak fal bi kha chuan fahmual chhip an lo thleng der tawh mai a. Kan thlabar em em a, mahse a hnua kan sawi leh chang hi chuan nuih tiza tu a ni leh lawi bawk si a.

Chite Mini Sports Complex te hi uchang kan manna hmun a ni thin a, Pu Rokima dilah nghakuai kan chiahru thin bawk. Tarsuala huanah phei chuan kan lut tha ngamlo thin.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…