Skip to main content

Thlen chin atanga hmasawn


Engatinge Real Madrid, Barcelona, AC Milan, Bayern Munich, Man Utd, Chelsea leh club dangte hian Champions League no mawi an chawi tawh hnu pawha champion leh zel an tum tlat thin ? 

"Nikumah kan champion tawh, kumin chu kan lo tel ve tawh lovang", ti tumah an awm si lo, Hetiang chiah hi a nia rinna kawng pawh."Niminah thil tha ka ti tawh, nizanah ka inkhawm tawh, chuvang chuan vawiin chu ka awm mai mai dawn", kan ti thiang lo. Lal Isua hi vawi khat zuia, chawlhsan vang vang chi a ni lo, chhunzawm zel tur zawk a lo ni.

Kohhran Thalai pawl leh kan kalphung

Tunkar tawp hian KTP chuan General Conference Khawzawlah an hmang dawn, inkhel member tam tak pawhin in chhim dawn tih kan hria. Hemi denchhen nipahfawmin, Kohhran hrang hranga Thalai pawl kalphungah, thlen chin atanga hmasawnna tur tam tak kan neih zinga pahnih khat tarlang ve lawk ila.

Zoram kohhran thalai pawl hrang hrang, KTP, TKP, PYD leh SAY, etc. te hian kalphung mumal tak kan nei theuhva, kan motto chu inanglo hlawm mahse kan objectives tlangpui chu, 'Chanchintha hril, Kohhran kut ke nih, member tinte Krista rinna kawnga mi puitlinga din, ' sawi chipchiar kim loh mah ila kan Thalai pawl kalpui dan chu hetiang hi a ni tlangpui vek ang.

Hlamchhiah kan nei deuh em ni ?

Inkhawm kaihruaite, tan te, thawhlawm khawn leh thupui hawnte, zai hruaite leh inkhawm rem kual velte chu kan hnehsawhin kan zei ta khawp mai. Kohhran thalai atanga kan zir chhuah a ni a, hemi kawngah hi chuan mark 100 ah mark 100 kan inpe thei ang. Hetih lai hian Evangelism lamah hian enge kan dinhmun tak hi ngaihtuah chian a ngai khawp mai.

Faith Promise te tam tak tak kan thawh a, missionary thahnem tak kan tir pawh a ni thei, hetih lai hian kan khaw tualah tanpui ngai tam tak an awm si a, chu chu hriain 'Member hlate hnuhnaih' kumpuan te pawh kan nei thin. Mahse hei hi kan hlawhtling em ? Engzat chiah hi nge kan theh a, engzat chiah hi nge kan thar tih hi kan chhut ngai em ? La Isuan, 'Tam tak in theh a, tlemte in thar', a tih ang deuh khan kan hma lakna tam tak te hi enchian a va hun ta em.

Tactic thar hman a hun tawh viau lo maw ?

Zorama Kristianna a lo luh tirh kha chuan, "Lal Isua lo ring ve tawh ru aw", tiin in tinah an lut kual a, an lo ring ve chhunzawm ta mai a. Tunah erawh khatiang kha a ni tawh si lo. Kohhran thalai pawl ten tunlaia member hlate hnuh hnaih nana kan tih langsar tak takte chu programme hlimawm lam neiha, chungah te chuan rawn tel turin kan sawm a. He tactic hi hman deuh kha chuan a hlawhtling viau a ni thei, tunlaiah hian a hlawkthlak chiah em tih en let a va ngai em.

Branch leh Unit hrang hrang tih dan a inang lova, thenkhat chuan idea tha tak tak leh hlawhtling tak tak an hman mek laiin a nawlpuiah hi chuan idea thar tha tak hman a la ni chiah lo a ni maithei. Tuna kan kalphung tlangpuiah hi chuan, inti thunei takin thutthlengah kan thu a, member hlate leh thlarau bo ten an harsatna rawn sawi se kan ti ni berin a lang.

Eng tactic nge kan hman tak ang ?

Tunge ka harsatna leh ka lawmna ka hrilh thin ? 'Ele, ka kianga awm hnem, ka mi rin leh ka harsatna min hriatthiam pui thintu'. Heta tang hian a chiang maiin ka hria. Lal Isua, rawngbawltu chuan a rawngbawl sakte ke a sil ang khan, keini Kohhran thalai pawla inhmang tak tak te hian kan rawngbawl sakte level-ah kan inphah hniam thei angem ? An kiangah hun kan hmang thei angem ? Zan khat chauh pawh nilo, zan tam tak ? Pastor-in Nicky Cruz misual kha vawi engzat nge Lal Isua chanchin a hrilh ? Vawi tam tak a nih kha.

Theory-a tha tak nisi, Pratical-a harsa si a awm thin.

Han sawi mai chuan idea tha tak tak sawi thei khawi kohhranah pawh an awm ang. Mahse kan kalphung en hian Practical-a hman a harsat chang a tam si. Heng member hlate hnuhnaih nan theih tawk kan chhuah ve thin ngei ang. Kan inkhawm kalturte hian kan sawm ve fo ngei ang le. Hetih lai hian an chhungril tak tak thlenga luh chhuah tur kan nih lai hian kan programme ngah lutuk te avang hian duh angin kan ngaihsak hman lo chu a ni si a.

Group hrang hrangah budget tam tak kan in tuk a,  kan main objective chu sum tuak a ni bur mai. Committee, hla zir, inkhawm leh hnatlangin kan programme a khat a. Heng member hlate tan hian luan chhuahna hun kan nei lo chu a nih ta ber mai. Kan programme tam takte hi keimahni tana duang kan ni berin a lang a. A hlawkna hmutu chu keimahni kan nih tlat avangin. Hetih lai hian luan chhuahna tur programme tam tak duang ve ta ngat ilang chuan tuna kan pogramme hrang hrang kan hawkpui aia nasa hian thlarau lamah kan hlawkpui ngei ang le.

A tawp berah chuan, Thalai activities hi ka sel nilovin, kum tluanin hah takin kan thawk ve si a, heng kan thawhve te hi Pathianin rimtuiah a lo chhiar hauh lovanga, kan thawk rim ve satliah mai anga.. tihte hi ngaihtuah thin ila, rim taka thawka, tlemte thar kan ni em tih thlengin. Vawiina kan activities hi paih tur emaw tih tawp tur kei chuan ka hre hauh lo, a tha hlawm  khawp mai, hetih lai hian khawiah hian nge hmasawn kan ngaih tih hi inen let thin ila, dinglama fawr taka kan kal laia veilam kan hlam chhiah si chuan kan rawngbawlna hi a khingbai dawn a ni. 

Comments

Popular posts from this blog

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.