Skip to main content

A goallllll... Sawi sawi a ngai lo, lam ila a tawk....

TV-ah kan club tante an inkhel a, chak kan mamawh em em, goal lut se kan ti, chutia goal lut se kan tih em em lai chuan kan pawlte chuan an han ti goal chiah mai chu(h)... kan inveng hmang lo, kan au ruah ruah thin a nih kha.

TV atang hi chuan duh thalin a goal hian a lo celebrate ve theih tak tak loh. AR Lammualah inkhel kan en a, mahni veng/khuate khel en hi chu tan a va na thin tak em ti rawh u.... Tichuan, kan veng/khua chuan goal an han khung chiah mai chu(h).... kan zuang suau suau a, kan au a, a then lahin kawr an hlip a, an vaivir thul. Ngawichawi leh inla Cool ber pawh ni raw sek sek, kut beng leh aw rawl chhuah talin mahni veng goal khung laiin an celebrate thin.


A nih leh... Engatinge Mahni hrehawm pawisa lova, thih thlenga rawn tuar a, chhandamna min rawn hawn saktu kan Pathian fak hian lam chu sawi loh kut pawh kan ben that leh theih si loh le ?

Kan veng/khua chu tournament-ah lo champion ta pawh nise, a lawmawm viau laiin kum thum emaw a liam hnu chuan kan theihnghilh mai thin a nih kha. Pathian min chhandamna erawh a lawmawm dan chu ropui tak a ni, chatuan thihna ata min rawn chhan chhuak a, helai tak hi hre chiang ngat ilang chuan zuang tawr tawr khawpin kan fak ngei awm si a.

Kei chu ka lam ngai lo.. kei chu emotional person ang hi ka ni lova... kan ti thin emni kha ?

A nih leh aw.. heti zawng hian ngaihtuah ang khai.. Reiek khamah i tla tep, thing pakhat i vuan a, i la tla lo chauh a ni. I vawnlai i thlah chuan khu tah khu tah.. i thi ngei ngei dawn. Rawn chhan tur che pawhin rawn chhuk thlak fe a ngai a, tuman an chhan ngam lo che. I mangan tur zia mai chu(h) !!!

Reingial i inman tan hnu chuan mi pakhat huaisen tak hian hruizen hmangin a rawn uai thla a, a rawn kai chhuak ta che a. Hmun him lam inthlen chiah chuan hlim leh lawm takin, mittui tla zawih zawhin rawn chhanchhuaktu chu i kuah nawk nawk ngei ang le. Chumi hunah zet chuan inla cool ber pawh ni mahla nangmah chhanchhuaktu che hnenah lawmthu sawiin i kuah nawk nawk ngei ang.

Pathian chhandamna hi kan chian tawk loh vang hi a nia lawmna chang pawh kan hriat loh. Hre chiang ngat ilang chuan vawiin Tumkau ni hian "Hosana, Lalpa hminga lo kal chu fakin awm rawh se", tiin ring takin kan  au vek ngei ang le.

Comments

Popular posts from this blog

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…