Skip to main content

Khawi hmunah pawh


Lehkha kan zir lai khan Desk Lock theih kan nei thin a, lehkhabu kan hawn peih lo kha kan kalh hnan thin. Zang tein Class kan kal a, kan hawng leh thin. A samkhai zawng chuan hmangchang hre tak kan ni.

Hetih lai hian zir tur erawh in lamah kan neih loh phah a, assignment pawh kan tih loh phah fo mai. Thian dangte in lamah lehkhabu hawn zat zat ai khan kum chanve kan thlen meuh chuan kan hnufual hman chu a lo a ni a.

Hetiang chiah hian keini Kristian tha intite hian Lal Isua hi Biak Inah te kan hnutchhiah thin a, Biak Inah hian theih tawkin kan inla thlarau mi a, Pathian thu awih ber angin kan khawsa thin. Tichuan inkhawm kan bang a, Lal Isua chu hawn zel ta lo chuan Biak Inah kan hnutchhuat ta thin a.

Miin Isua ringtu kan ni tih kha kan hnathawhnaah te, kan lehkhazirna leh inlama chhungte chungahte a lang ta si lova. Hei tak hi Zoram ringtute chin thalo tak chu a ni. Hawhu, vawiin atang hian Lal Isua neitute chuan Biak Inah chauh ni lo, hmun tinah Isua hmel i tilang tawh ang u khai.

Comments

Popular posts from this blog

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.