Skip to main content

Tiki Taka engtia dan tur nge ?



Tiki taka sawi chuan Barcelona rilruah a rawn lang hmasa ber a, anni hi Tiki taka hmanga khawvel Football awptu kha an ni thin a. Tiki taka khel tur chuan ball keng thei leh pass thiam em em neih bakah thenkual peih a ngai thin.

Guardiola khan Barca a enkawl lai khan Tiki tak hmuhnawm em em min entir thin a nih kha, midfielder tha ball thiam Xavi leh Iniesta a neih bakah hma lam nawr turin Messi a nei bawk a. Theih tawkin an khingpuite an han kat kual a, chuta kar awl a lo awm zauh chuan an lut phei a, goal an khung leh nual thin a nih kha.

A hunlai kha chuan dan theih loh niin an sawi thin, mahse Tiki taka dan dan tha tak an rawn hre chhuak chho zel a,2011-12 season khan Chelsea chuan Champions League semi final atangin Barcelona an hnawtchhuak a nih kha. An coach chu Matteo ngei kha a ni a. First leg-ah si khat faiin Chelsea chuan hnehna an chang a, second leg-ah 2-2 in an inhnehtawk a, Agg. in Chelsea chuan 3-2 in hnehna an chang ta a nih kha.

Chelsea hian defensive game khel tur player an nei tha tih an inhria a, defense ah Cahill leh Terry an inkawp a, a sirah Ivanovic leh Cole te an awm a. Midfield laiah inhnawhkhawmin, Mikel, Lampard leh Meireiles te chuan Chelsea midfield lai an luah lum, mual dinglam sirah Mata a awm a, veilam sirah tlanchak em em Ramires dah a ni bawk a. Drogba chu mal tlattir a ni.

Matteo hian Barcelona a hrechhiang a, centre forward tha an nei lo, chuvang chuan a laia thiah tlang an tum leh dawn tih an hriat avangin a laiah an inhnawh khawp. Mual sir lam erawh an veng vak duh lova, engang pawhin cross se Terry leh Cahill an awm a, high ball ah chuan anni hian Chelsea an chhanhim zo tih a hre chiang. Tichuan, Barcelona chu final third chu sawi loh, attacking third an thlen hmain an lo dang zel a, mual sir lamah ball an kal tir zel a nih kha. A tawpa hnehna changtu chu Chelsea an ni.


Sual hian Tiki Taka hmangin min bei.

Sual hian min thlem hian min rawn bawh nghal rup rup ngai lo, thil chi hrang hrangin min thlem a, entirna pakhat sawi ila..

Party-ah nula i hruai a, lam tualah chuan in lam mup mup, Room tam tak fianrial hmanna tur a awm bawk. Khatia lam tuala in lam lai kha chuan tisa chakna (mipat hmeichhiatna) a sang vaklo a ni maithei. Mahse room-ah fianrial in han hmang ta chiah mai chu dan rual lohvin tisa chakna chuan a hneh ta che a.

In lam lai khan Tiki Taka hmangin sual chuan a bei che a, Room lama phei duhna thinlung a pe ta che a.  Room-ah in lut ta chiah mai chu attacking third sual chuan a rawn thleng phei ta. Tichuan dan rual lohvin Final third a rawn thlengphei chhunzawm a, Sual chuan a tum goal chu a hlenchhuak ta.

Engtin nge chu chu kan dan ang ? A chunga Tiki taka dan dan kan sawi ang khian, attacking third kan tih kha chu Room a nih kha aw... Room chhunga luh chakna awm mahse luh pui loh hram dan kha ngaihtuah la, sual thlemna chu a theih ang angin bengper zel a, a fianrial lo chinah zel awmpui la, chuti chuan thlemthlukin i awm lo mai dawn a ni. He tactic hi chi hrang hrangin rinna kawngah a hman theih a, i ngaihtuah zui chuan inven dan tam tak i hriat chhuah phah ngei ka beisei a ni.

 "in tisa chakna puitlin turin engmah insiam suh u." (Rom 13:14)
-digimalt

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…