Skip to main content

World Record Transfers


Khawvelah hian player tha fal hi chu an awm chiang. Club-in player a lei khawm thin, heng player tha hi chu an man pawh a sang fal nalh thin.

Season tin hian World Record transfer hi a awm ziah lem lo. 2009 khan Real Madrid chuan  £80 million (€94 million)-in Man Utd atangin Cristiano Ronaldo an lei. Kha kha World Record transfer niin, kha record kha nikum khan Gareth Bale chuan a rawn khum leh chauhva.

Kum 4 hnuah Real Madrid chuan Spurs atangin Gareth Bale chu  £85.3 million (€100 million) in an lei a, he transfer fee hi in leina tam ber record a la ni mek. Club-in hetianga tova an lei tawh hi chu an duh ngawih ngawih tihna a ni a, hlawh pawh an pe tha hle zel bawk.

Player pangai lei tura an indawr dan pawh hi chanchin ngaihnawm tak ziah tham a awm nawk mai a. A rukin an inlen chilh a, eng eng emaw hmangin an thlem bawk a. Heng record transfer ngat phei hi chu vawi leh khata lei tawng an ni ngai lo, a hma daih atangin an thlem a, club lahin a man an lo chhiar sang ve zel thin bawk nen...

World Record transfer fee-a lei i ni

Ronaldo te, Bale te chu pawisaa lei an ni a. Nang erawh, chu aia ropui leh a aia ropui awm thei tawh lo tur Lal Isua thisena lei i ni a sin. setana FC atanga lei chhuak tur che hian Pathian hian  dollar, Pound, euro leh Rupees lam a seng lo, a aia hlu nunna hlan rapin Mihringte hi lei kan ni e.

Hetiang ema toa lei i nihna chhan hi chu i thiam fal viau vang a ni lo, Pathianin a hmangaih em che a, a duh ngawih ngawih che a, a Club-a khel tura a awh ngawih ngawih vang mai chauh che a ni. He a thlanna, a leina che hi hrethiam lang chuan Pathian FC tan hian theih tawk i chhuah ngei ang le.

World Record transfer fee-a an leite mai mai mahin an club tan an lei chhan tih hlawhtlin tuma an beih laiin keini nunna hmanga leite phei hi chu theih tawka Pathian rawng bawl tur hi kan ni si a. "Mana lei in ni tawh asin, chuvangin in taksaah chuan Pathian chawimawi rawh u." (1 Korinth 6:20)

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh