Skip to main content

Football kan atchilh nge kan finchilh ?


Kum 22 mi lek James Rodriguez chuan kumin World Cup-ah game 4 khel tawhin goal 5 lai a khung ta, player naupang ni mahse tun World Cup-a langsar ber a ni. Messi pawh hi a ropui asin, game 3 atangin goal 4 a khung, Neymar pawh game 4-ah goal 4, Muller paw'n goal 4 tho a khung. An va tha hlawm ve...

Kan club-in World Cup zawhah player tu tute nge ka lakluh dawn ? Transfer news ropui tak tak ngaihthlak a va chakawm ve. Zanin Netherlands te inkhel khawi nula in berah  nge kan en dawn ? Ei siam thiam leh thingpui lum thiam ber inah aw...

Tunlai chu Football kutpui a ni a, khawvel pumin an buaipui, chanchintharah pawh Brazil lam chanchin an tarlang deuh chhen bawk. Football fans tan chuan hun nuam leh hlimawm tak a ni. Kan thiannu pakhat hian,"Football ringawt inatchilh a, savun hampuar pet mai mai, chutah mahni ram pawh tan tur nei ve bawk si lo, a ho hi ka ti thlawt a ni," tiin min fiam a.

Keichuan," Mihring hian hlimna kan zawng vek a, mite chuan ruihhlo leh mipat hmeichhiatna hmangte, car mawi ber ber leh thil changkang ber ber hmang ten hlimna an zawng. Keichi chu chawi belh tur awm lem lo Football kan tui a, hlimna kan hmuhna hi sum heh lo ber pawl a niang, kan en a, kan hlim em em a, chu bak baka tha," ka ti a. Dik a ti ve hle.

Anih leh kan tui zawng chu thil ho lo ni tase, thil pawimawh chu enge ni ta ?

He zawhna hi  lo inzawt vek teh u khai.  Enge thil pawimawh chu ni ta ang ? Khawvela kan awm chhung hi chuan thil pawimawhte chu :

1. Hriselna
2. Eizawnna
3. Nupui pasal, chhungkua
4. Khawtlang

Heng thilte hi a va pawimawh tak em. Ngawi lawk, pakhat ka hmaih. Kristian kan ni a, a 5-naah 'Sakhuana leh chatuan nunna'. Ngawiteh u, kan rem dan hi a dik lo tawp mai. A pawimawh hmasa ber tur chu Chatuan nunna a ni tlat mai. Heti hian rem tha leh ang u khai.

1. Chatuan nunna
2. Hriselna
3. Eizawnna
4. Nupui pasal, chhungkua
5. Khawtlang

He khawvela kan awm chhung hian he kan dam chhung reilote leh kan thih hnua thil pawimawh ber chatuan nunna hi kan hlamchhiah thin, hriselna, eizawnna, ngaihzawng, nupui pasal leh chhungkuate leh Khawtlang rawngbawlnate chu kan dah pawimawh hmasa tlat thin hi kan tihsual lian tak a ni chawk. Ram zautakah lal niin, he khawvel zawng pawh hi ka ta ni mahse, Chatuan nun ka neih si loh chuan ka chan tur chu a va raptlak dawn tak em.

Thufingte 1:20  hian chiang takin kan nihna a rawn thailang,"Kawtthlerah finna chu ring takin a au va, Kawtthler thuamahte chuan a aw a chhuah a; Mipui inkhawmna lai berah a auva, Khawpuiah khaw luhna kawngkhar bulah chuan a au chhuak a. Nangni mi mawlte u, eng chen nge mawlna in ngainat dawn ? " Heta finna a tih hi Chatuan nunna kan sawi ngei chu a ni e. 

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…