Skip to main content

Football-ah tihtakna


Mi a hnaa rilru a pek tawk loh chuan a chhawrtu a lawmlo thin. Chutiang bawkin football player practice-naa rilru pe tawklo chungah coach a lawmlo thin.

Game tak takah tihtakna a pawimawh ang chiahin training naah tihtakna a pawimawh a.  Ngaihtuah tha peihlo leh rilru pe tawklo an awm chuan a chang chuan coach te hian chung player te chu an hrem fo.


Game tak takah rilru leh tihtakzeta an khelh loh chuan chak a har thin,  rilru pe tawk lo nia coach-in a hriat chu a thlak hmak hmak bawk thin a ni. Training hi game tak tak khelh nen an ngaihpawimawh dan a inang reng ti ila kan sawi sual lovang. Practice naa inhliam pawh an awm fo reng hi.  Training tlaite ngat phei hi chu club-in pawisa chawitir emaw engtin emaw tak an hrem thin a ni.

Football-ah mah heti khawp hian coach-in tih takna a ngaihpawimawh chuan kan Pathian hian engti fakauvin nge tihtakna hi a ngaihpawimawh ang ?


Khunkhan leh thutak peih lo Kohhran chu an ral zel dawn. Heng Fellowship leh Thalai variety Programme hi kan sawi tel lo, Biak In chhunga Pathian biak inkhawm hi chu a khunkhan thei ang bera tih hi Pathian hian a duh a ni.

A ninawm a, a peihawm loh thin hle, thalaite tan ngat phei hi chuan muk taka darkar khat lek thut pawh kan peih lo.  Hei hi member Biak In kal tam loten Biak In an bel theih loh chhan nitea kan ngaih avangin a chang hi chuan kan programme te hi kan ti LIGHT chawp thin a nih kha. Amaherawh chu kan duhdan leh ngaihdan hi Pathian duhdan a ni lemlo thin tih hi hria a tha a, nuam kan tih zawng hian kawng dik min zawhtir lem lo tih hi hriat a tha a ni.

Bible-ah pawh tihtakna hi Pathian duhzawng a nih zia hmun hrang hrangah a tarlang a, chungzingah pakhat tarlang ila, "Pathian chu thlarau a ni; a chibai buktuten thlarau leh tih tak zetin chibai an buk tur a ni," Johana 4:24

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh