Skip to main content

Mizoram Sawrkarin Sikul kal hun sawn hma a tum hi full support ka pe e.



Traffic jam chhuanlama an hmang erawh a tul ka ti lem lo. Naupang an bang hma tur hian nghawng tha tak tak a neih dawn avangin heng thil tha a rawn thlen turte hi chhuanlam zawk se ka lo ti ve mai mai a, an chhuanlam hi chu a holam ve khawp mai.

Sikul kan kal laia ka chak em em thin chu, Dar 8:30 AM-ah te kan thleng thin thova, dar 7:30 AM-ah emaw 8:00 AM-ah emaw sawn hma se, chuan bang hma ila, Music te zir ila, tlai lamah physical education lam ti thei bawk ila... tiin duhai ka lo sam ve mai mai thin.


Mi tam takin tuna Sawrkarin sikul kal hun sawn hma a tum hi an sawisel a ni maithei. Zing thawh hma a ngai anga, Mizo ten tukthuan kan ei hun sawn hma a ngai anga.. Tlai lamah naupang tihtur neilovin an vak huai huai anga, MLTP Act an hlip tawh sia, a ruka zu in an tum anga..etc.. selna tur chu a tam khawp mai.

Chawhnar dar 1:00 emaw dar 2:00 vela ban kha a fuh dawn lutuk kei chuan ka lo ti ve mai mai. Music zirna hun an nei anga, Physical game khelhna hun an nei anga, an duh leh Tennis, Football, Badminton, Table Tennis, etc an zir mai dawn a. Zir man erawh a awm ve ngei ang le. Hei erawh hriselna thlen tur a nih avangin sum senna lamah chuan a uihawm loh ber pawl a ni ngei ang.

Kan naupangte hi physical education kan pe tha lo lutuk a, zirna kan ngaipawimawh a, a tha, mahse a finna hmang thei lek lova hrisel lovah kan siam thei dawn tlat mai. Nilengin school an kal a, tlai an hawng a, pawna infiam aiin inah homework kan tih tir nghal a, zan lamah TV emaw Video game khelin hun an hmang leh a. Taksa fit taka awm tur an nih laiin kan kaihhruai dan hi a fuh tawk lo.

Zunthlum, thisen sang, tha zam tha lo, etc.. natna chi hrang hrang kan naupangte hian an rawn nei chho zut zut mai ang. Tuna Sawrkarin hma a lakna hi kei chuan a tha ka ti a, Mizoram kan lo hrisel zawk nan pawh kan tih makmawh niin kei chuan ka ngai.

A thim zawngin kan thlir thin, thlir dan chi khat chiah hi a fuh ber lo, tuna tan hma an tih tur te hi han ti chiah se naupang thenkhat chuan an chhiat phah ve thei reng. Hunawl tam tak an nei anga, sual lam tihna kawng zau tak kan hawn sak mai dawn niin a lang. Mahse hetah tak hian nu leh pa leh sawrkar pawhin heng an hunawl neih tur hi awmze nei zawka naupangin an hman theih nan ruahmanna tha tak siam se.

Music leh Sports lam zir duh tan zirna dawr hawn a ni zel anga, music lam buaipuite tan eizawnna tha tak a awm chho mai dawn tihna a nia, Sports lam coach tha tak tak ten sawrkarah beisei tur nei tamlo mahse naupang zirtirna an hawng thei tawh anga, eizawnna tha tak a rawn inhawng zel anga, Lam te, zai te leh chi hrang hrang Computer zirna thlengin eizawnna tha tak hetiang lam thiam tan a inhawng tawh dawn a ni. Tichuan, naupang talent tha tak tak haichhuah a ni chho zel anga, Education hi Academic line chiah a ni lo tih kan hre thiam chho zel tawh dawn a ni.

Sawrkar hian an chhuanlamah Traffic jam lam niin an sawi a, chuvang chuan Thingtlang lamah he sikul kal hun sawn hma hi an ti ve dawn lo a ni maithei. Khawpui leh thingtlang inhruatrual erawh a tha vek kher lo maithei.

Khawpuia thil zirna tha deuh deuh a awm laiin thingtlangah erawh a awm lo. Field takngial pawh neilo an tam mai. Mahse thil pakhat mai mai, naupang hrisel zawk nan infiamna tha deuh deuh eng eng emaw thingtlanga tih theih a tam mai. Kei chuan ka ngaihpawimawh ber chu Physical Games lam a ni e.

Zinglamah hah hnepa taksa an sawizawi chuan chhunah class-ah an mut a chhuak ngei ang le. Chawhnu lama an insawizawi a nih erawh chuan zan an mu hma anga, zingah sikul kal hma dawn mahse hma takah an tho thei anga, lehkha zir hun tha tak chu an nei ngei ang. Tin, In lama lehkha zir vak vak te hi kei tha ka ti em em lova.

Byheart system-a kan kaltir chhung chuan inlama nasa tak taka zir a ngai ang. Mahse hriatthiamna kan tuh thei a nih erawh chuan kan naupantte tan zir dan thiam a awlsam tawh dawn anga, Academic line-a kalte tan duh leh an insawizawi hun an ti tawi deuh thei anga, lehkha zir hun an neih tam phah bawk anga.... sawi tur a va tam em.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…