Skip to main content

Online Shopping vs Mizoram dawr



Nizan Zonet ka en a, Online shopping-in Mizoram dawr kaite a nghawng zia an rawn tarlang. A ngaihnawm hle mai. M.Com kan zir laia ka subject ngainat E-Commerce, tun thlenga kan la chenchilh chanchin hi sawi ve mai mai ka duh.

2008 khan debit card ka nei a, India ram bak a hman theih loh avangin a hnu lawkah Credit card ka ngaihtuah chhunzawm a, India ram chhung leh pawn ami pawh ka chah ve nual tawh. Amaherawh chu ka chah ve fua fua lova, mamawh te lo chu ka chah duh lo.


Customer tan hamthatna, Mizoram dawr tan chhiatna

Dawr pahnih a awm a, a ti tlawmtu zawk chu customer tan chuan a thlanawm zawk ngei ang le. Hetia Mizo thalai ten Online shopping nasa taka an bawh pawh hi a mak love. Chutih laiin Mizoram dawr neitute erawhin hetia an customer tam zawkin dawr dang (Online dawr) an pan ta hi chhiatna nasa tak a ni chho mek a ni.

Dawrkai thenkhatin an sawi pakhat, online-a an chahin TAX an chawi lo an tiin ka hria. Hei erawh an sawi sual mai mai. Online payment gateway kaltlang a nih hi chuan a leitu leh online shopping neituin tax kan chawi. Thil manah tax a tel thu tarlan vek a ni. Mizoram dawr kaite tax chawi nen erawh a inang vek lo mai zawk a ni.

Computer a rawn chhuah tirh khan office ah hman chhoh a ni zel a, typewriter chhuthiamte kha computer an zirthiam loh chuan hman tangkaina tur an awm tawh lo. Company thenkhatah chuan hetia tih dan thar leh khawl thar hman a nih hian khawl hlui hmangthiam tam tak ban an ni thin. Customer tan bazar dan thar a rawn inhawng a, Mizo dawr neitute hian Customer te hnenah engtin nge an product an hralh that theih ang tih ngaihtuah a hun ta hle mai.

Sawrkarah Online Shopping ti tawp turin an nawr em ni ?

Ka hre lo, mahse an han sawi dan kalhmangah kha chuan hmalakna chu a lo awm tawh a ni maithei. Tin, hma an la zel dawn pawh a ni mahna. Hei erawh an hlawhtling ang tih ka sawi thei tlat lo mai. Mizoram market monopolize tumna niin a lang a. Sumdawnnaah competitor thar an nei a, hetia hmeh mih tum hi chu Consumer forum-a zualko an awm ve leh zel dawn chuan an hlawhtling kher lo maithei a ni.

Mizoram dawrkaite hian an lo ti to deuh em ni ?

Thuamhnaw lam hi ka lei vak lova, kum hnih thum kalta kha chuan an tito ve deuh chu a ni. Delhi vela kan thuamhnaw lei te pawh Aizawla a rate kan zawh chuan a lo sang hle tih kei ngei pawhin ka hria. Tunlai hian ka bazar ta mang lova, an tih to leh tlawm ka hre chiah lo. Dawr luahman, transportation cost leh eng eng emawte nen phei hi chuan a lo to lo thei lo hi a ni a. Amaherawh chu dawr thenkhatah te hi chuan (heng cut ngai zawng zawng chhut thiam kan ni ve a) an lo ti to deuh niin ka hria.

A chunga kan sawi tak ang khian Mizoram dawra thil man leh Online price a khaikhin theih loh. Online Shopping a tlawm zawk tur a ni hrim hrim. A quality in ang rau rauvah pawh Online shopping a tlawm zawk fe a ni.

Electronics lam erawh Warranty claim theih hi chu to deuh mahse kei chuan Aizawla lei hi thain ka hria a, amaherawh chu Warranty kan claim peih loh tur thil, entirnan Modem tih ang vel hi chu chah zung zung hi a awlsam maiin ka hria. Tin, ka chahna thinah phei chuan a thleng theih a, product an rawn thawn ka dawn loh chang a awmin pawisa min rawn return vek zel bawk a. Kan in thlenga an rawn dah theih avangin bazara chhuah ai chuan kei chuan ka thlang zawk.

Mizoram kan ngaihtuah a ngai

Online-a thil kan lei hian kan sum tam zawk Vai sumdawng hnenah kan vawm thla tihna a ni a. Mizoramin hma kan sawn theihna tur atana thil pawimawh tak pakhat chu Mizoram chhunga pawisa leng vak a tam hian a ni. Kan sumte vai hovin an hausak pui vak vak ai chuan mahni Mizo puite ngei hian hausak pui se, chu chuan Mizoram economy a siam tha zawk ngei ang le.

Chumi atan chuan Online Shopping hi kan ti tawp dawn tihna em ni ? Ni love, Mizoram dawrte hian Customer hip zawnga chet an lak a ngai dawn tihna a ni e. A leitu duhthlanna a nih avangin mi duhthlanna intih luih kha chu sumdawnnaah a dik dawn lova. Mizoram dawr neitute hian an thil zawrh hi engtin nge man man zawka Customer te tan an zawrh theih ang ? Transportation lam leh tax thlengin ham thatna thlengin ngaihtuah dan a awm ka ring.

Customer-te hi an a tawh lova, kum 5 liamtaa thil lei chawt chawt chingte pawh khan tunah chuan a man awm tawk an ngaihtuah thiam ve tawh a, sumdawngin an hlep tur thlengin an chhut chhuak ve thiam tawh. Chuti a nih chuan kan sumdawngte hian inhralh kal theihna tur eng emaw chu an dap a ngai dawn a ni.

India rama Online Retailers vs Traditional Retailers

Mizorama kan buaipui hma daihin he thil hi Central India-ah chuan an lo buaipui tawh a. Online retailers hian nasa takin traditional retailers sumdawnna an khawih buai nia hriat a ni a. Traditional retailers hian sawrkarah pawh complaint an lo thehlut tawh nghe nghe.

Predatory Pricing leh Foreign Direct Investment dan kalha khawsa niin Retailers hian Online Shops an puh a. Hei hi a dikna chen a awm. Online Retailers hian MRP aia tlawmin thil an zuar tlat mai. A man pangai aia hniam fea zawrh hian customers a hip em avangin Market-ah an monopolised thei tlat mai. Dan mumal tak a awm a, Predatory Pricing hi phal loh a ni.

India hian multi-brand retail stores-ah FDI 51% a phalsak. Hetih lai hian Online retail-ah erawh overseas investors inrawlh a khap. Tunlaia India rama Online Shop lian ber berte hi overseas investor-te vulh an ni a, hemi avang hian Traditional Retailer ten dan kalah Online Retail shop-te chet dan complaint an nei chhunzawm zel.

Traditional Retailer te hian Online shop-te hi an khing hneh angem ?

Hei hi chu chhan harsa tak a ni e. USA-ah Electronic Retail shop Circuit City chu a tlachhe rup mai, an tlakchhiat chhanah Amazon an puh. He inpuhna hi buaipui chhunzawm a ni chiah lo. India ramah erawh a chunga kan sawi pahnih hmang hian Traditional Retailer ten Online Retailers hmeh mih an tum mek.

India ram chhunga Retailers hlut zawng hi $490 billion vela chhut a ni a, kum tiin 6% vela thang anga chhut a ni. 2023 velah chuan $865 billion laia an hlutna a san rin a ni.

Hetih lai hian Online retailers hlutna hi $1 billion vela chhut a ni a, kum tiin 0.2% vela thang anga chhut a ni a. 2020 velah chuan $56 billion vel an hlutna a nih rin a ni. Online market hian Retailers hi a khawih buai tak tak em India ramah hian ? A khawih buai tak tak lo nia a lan avang hian hian eng he huah sawrkar hian a ngaihsak lo a ni thei angem ?

Heng Online retailer te Precdatory pricing-a fihlimin MRP vek pawhin hrlah pawh nise.. a lei turte hnenah an delivered theih zat zat chuan leh.. discount an pek deuh chhen bawk chuan Retailers pangai ho aiin mipuiin an la bawh reng thovang..

Tuna tackle an tum dan ber pakhat hi chu.. FDI 51% phalsak mahse Online Retailers-te foreign atanga funding an hmuh dan hi illegal a ni kan tih tawh kha. Foreign atanga funding lo tawp ta pawh nise India mi hausa tak tak hian an backup theih rin a ni a,..

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…