Skip to main content

Mizo Myth + Film + Tourism



Khawnglung run film kha a rawn chhuah tirhin an sawi HOT ang hu aia a ropui tak loh zia comment naah te kan sawi ve nual a nih kha. Amaherawh chu ka chhuang tlat. A chhan chu, khawnglung khua ka tlawh chak tlat pek a.


An chanchin kan hriatte hi chu tlawh te pawh kan lo chak thin. Mizoram hian hmun tha tak tak kan nei nual. Keini a ram chhung mi leh sa ngeite pawhin tlawh nuam tih deuh deuh kan nei. Chutih laiin sap mi mawl, tlawh tur zawng reng reng ho tan chuan thil mak en tur a va tam dawn tak em.


Mizote hian Myth tha tak tak kan nei a, thenkhat phei hi chu phuah belh hial ila. Historical base ni zel bawk se. Chutah chiah chuan Mizoram Film industry leh Tourism hi thiam takin thawk dunin, film hmuhnawm deuh deuh India ram chhung leh pawn pawha en tlak khawp siam nise.


Ram kilkhawr takah cheng mah ila Myth tha tak tak kan neih chuan khawvel hmuha phochhuah hi thil harsa a ni miah lo. Tunlai Hollywood film tam tak a flop nachhan chu effect ringawt an ngaihpawimawh vang a nia. A thawnthu tha lo na na na chu a daih rei tak tak thei lo. Mizote hian khawvel hmuhah kan zoram nawm zia leh tlawh chakawm a nih zia film hmangin kan lantir thei chiang dawn mai. Chu lamah chuan sawrkar hian hma la se kum 5 chhung lekin Torism lamah hian nasa takin hma kan sawn ngei ang le.


Taiwanese historical drama Warriors of the Rainbow te pawh kha effect ropui lemlo mahse a ngaihnawm a, a hmuhnawm em em bawk. Kan hmun hmingthang tak tak hi humhal ringawt lovin, khawvel hmuha tlawh chakawma kan lan tir theihna tur awmchhun chu thawnthu ngaihnawm leh film tha tak siam hi a ni.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…