Skip to main content

Hmun ralmuang hi Kristiante tan a him lo


Tawrhna te, harsatna te, chhiatna te leh lungngaihna  kan tih; mihring thlirna atanga thil thalo lam nia kan ngaihte hi Pathian kan rinna sawh nghettu an ni thin.


Hetih lai hian Mizoram erawh ram ralmuang a ni a, mipuite kan zalen em em. Mihring thlirna atang chuan hmun nuan leh hahdamthlak nia a lan laiin ringtu nun atan erawh hmun ralmuang lo ber zing ami a ni tlat si.


Iraq rama ISIS ten Kristian an tihduhdahte khu ka awt thin. Taksa lama an tawrhna erawh ka awt hauh lo. Mahse Pathian an rin bik em em zia ka hriat hian ringtu nun atang chuan an rinna chu thil awhawm ber an ni tlat si.


Ralmuanna tlangah aiin thihna hlim kawr ruamah Pathian hmel a fiah zawk zel si avangin engtin nge hmun ralmuang atang hian Pathian kan hnaih deuh deuh theih ang tih hi ka ngaihtuah nasa thin. A chhanna ka dawn chu TAIMAKNA hi a ni.


Pathian Biak kawngah taima taka kan beih fat fat a ngai. Chuti lo chu zelthelna, dawngdahna leh dazatna ten awlsam takin min chimral mai dawn. Inkhawm tam lutukte hi a hma kha chuan a tul ka ti lo thin khawp mai. Mahse tunah chuan  Mizoram, ram ralmuangah erawh kan tihmakmawh a ni tih ka hmu thiam ve ta.


Tawngtai te, Pathian fak te, inkhawm te, Bible chhiar te, nitin ei leh bar zawnna leh zirna inahte Pathian duhzawng tih a, a tam thei ang ber Pathian tana hun pek hi hmun ralmuang atang hi chuan a ngai tlat a ni. Hetih lai hian kan hriat reng tur chu , "Pathian chu thlarau a ni, a chibai buktu ten thlarau leh thutakin chibai an buk tur a ni," tih hi.

Comments

Popular posts from this blog

Mi hi hmusit ngawt thei kan ni em?

Vawi khat chu lehkha pawimawh pein in pakhatah ka lut a, pa ber chuan an fapa naupang zawk chu a la hau mek. "I nu leh pain hna kan thawk ve ve, i duh duhna hmunah pawh i zir thei, sang tak zir turin kan duh che a, i mamawh chu kan pe vek chein kan hria, mahse hei enge i rawn zirchhuah hi? Degree pawh nei lovin hei nileng lengin game i khel a, i u hi chuan kan thu a awih a, tunah chuan dortor niin hlawh tam tak a nei tawh a nih hi, nang ve chu," a lo ti mawlh mawlh a. Lehkha ka pek zawh chuan ka chhuak lehnghal vat a.

Chumi tuk chu inrinni a ni a, chhungte in sa ka pui a, chhunah thingpui in chawlh kan hmang. Hnathawk ho nen chuan kan inrual tlang, kan thu hova, kan titi malh malh a. Labour hna chu a hahthlak thu leh security tha ve deuha thawh an chak thu an sawi liam liam. Pakhat chuan, "Pawl 12 thleng lehkha ka zir, Accountancy te leh Company Accounts te kha chu a thiam ber ka ni thin kan class-ah kha chuan. Company Secretary te kha zir zawm ka tum ve nasa, migratio…

Football manager leh player te inkungkaihna

Football manager-te hi club chhungah chuan an thu thin hle a, game an khelh dan tur zawng zawng an ruahman thin bakah club thenkhatah chuan player transfer chungchangah pawh thuneihna an nei thin bawk. Club thenkhatah chuan manager te hian nipui bazara player an duhzawng an sawi a, chung player te chu club hotuten lak tumin theihtawp an chhuah thin.

Football manager hna chungchang hi ram a hrang angin tihdan pawh a hrang ve deuh thin a. England-ah chuan manager te hi club enkawlna kawnga a fung pawimawh tak chelhtu an nih thin laiin ram dangah erawh manager ni lovin football coach pangngai angin an inchhawr mai a, team an practice pui a, game khelh dan tur an ruahman leh a, football game chungchangah chauh an thu a ni deuh mai.

England-ah chuan football manager te hi an thu thin khawp a, team management zawng zawng an buaipui bawk a, player zingah hmasawn lo leh an thawhpui theih lohte chu an thehchhuak hmiah hmiah thei bawk. Player te pawhin team-a tel ve ziah an duh a nih chuan man…

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…