Skip to main content

Posts

Showing posts from January, 2015

What Am I to you ?

Norah Jones hla 'What Am I to you' tih chu uluk takin ka ngaithla a, mawi ka tih em avangin ka ngaithla nawn tluk tluk a.  Love song ni mahse ka thinlungah hei hi a lo lut thut mai.

Lal Isua chuan,"What Am I to you", tiin min zawt tlat hian ka hria a. Isua chu keimahah enge a nih chiah tih chu nasa takin ka ngaihtuah ta a.

Ka damloh changte, harsatna ka tawh chang leh ka hlauhthawn chang tein ka kianga awm turin ka sawm thin. Mahse hrisel leh dam taka ka awm lai leh ka hlim em em lai erawh chuan ka kianga awm turin ka ko ngailo tih ka hrechhuak ta a.

Min hmangaih em emtu, ka tana Kross a thi kha hetiang mai mai hian maw ka lo ngaihthah ? tih ka hriatchhuah chuan ka inthiamlo hle a ni.

ERA

Television Era - Mizorama TV rawn luh hun chiah hi sawi fak theih a ni lova, mi nawlpuiin kan neihna pawh a la rei lo. 1985 atanga 1995 vel thleng kha chuan in tinah kan la kawl lova. Mi ina TV ena thut thup kha a la lar hle.

Proxyvon Era - Nula ten drugs rui tlangval kha an han ngaisang tlat pek a, Proxyvon ruih nana an hman tan hun kha sawi fak har mahse 90's hnu lamah a ni a, hei erawh a effect kan hmuh hnuah a reh chhunzawm.

Telephone Era - 90 hnu lamah mi nawlpuiin Landline kan hmang a, thenawm nula luck deuh telephone neilo an awm chuan kan ko ngun thin khawp mai. Hla deuh deuh ami in koh tir kha tihdan phungah kan nei a. Tin, chhas neih chuan Telephone bill a hek thei hle, PCO hmang tura in line ngai khawp te a ni thin bawk. Mobile phone lo chhuah hnuah he era hi a tawp chhunzawm.

Ring taka Tape play Era - 90 hnu lam, Computer mi nawlpuiin kan neih hma a ni a, he era hi a rei khawp mai. National Panasonic kha Tape Recorder lar tak a ni a, Sound box-ah kan fit kual a,Tape Deck …

Halleluiah tih bak sawi tur ka nei lovang

I kiangah ka la kal ve awm si a, engtin nge a awm ang le..

Engtikah emaw chuan i hmel ka la hmu ngei awm si a, engtin nge i hmel a awm ang le..

I ropuina hual vel karah I hmaah ngei ka la ding awm si a, engtia ropui nge ni ang le..

I tan ka lam  dawn nge ka tap zawk dawn Isu ? I hmaa thingthiin eng nge ka sawi ang le ? H
alleluiah tih bak sawi tur ka nei lovang Isu...

Rauthla mai chauh pawha ka'n dawn hian Halleluiah tih bak sawi tur ka hre lo, chatuana nang fak hi ka chak ber a ni fo zel ang.