Skip to main content

ERA


Television Era - Mizorama TV rawn luh hun chiah hi sawi fak theih a ni lova, mi nawlpuiin kan neihna pawh a la rei lo. 1985 atanga 1995 vel thleng kha chuan in tinah kan la kawl lova. Mi ina TV ena thut thup kha a la lar hle.

Proxyvon Era - Nula ten drugs rui tlangval kha an han ngaisang tlat pek a, Proxyvon ruih nana an hman tan hun kha sawi fak har mahse 90's hnu lamah a ni a, hei erawh a effect kan hmuh hnuah a reh chhunzawm.

Telephone Era - 90 hnu lamah mi nawlpuiin Landline kan hmang a, thenawm nula luck deuh telephone neilo an awm chuan kan ko ngun thin khawp mai. Hla deuh deuh ami in koh tir kha tihdan phungah kan nei a. Tin, chhas neih chuan Telephone bill a hek thei hle, PCO hmang tura in line ngai khawp te a ni thin bawk. Mobile phone lo chhuah hnuah he era hi a tawp chhunzawm.

Ring taka Tape play Era - 90 hnu lam, Computer mi nawlpuiin kan neih hma a ni a, he era hi a rei khawp mai. National Panasonic kha Tape Recorder lar tak a ni a, Sound box-ah kan fit kual a,Tape Deck a rawn chhuak chhunzawm. Ring tak taka thenawmte hriat kher tura tape play kha intih theih nan kan hmang thin.

Computer Instition Era - Windows 98 a rawn chhuak a, Computer zirna Aizawlah an hawng sup sup, Computer Application thiam nih kha ropui viauah kan ngai a, kan zir sup sup a, a tangkai tho rualin kan zir chhuah erawh Game khelh a ni e kan ti thei awm e.

Cyber Cafe Era - Broadband internet chhuah hma kha a ni a, Broadband hi Aizawla kan hman tan kum hi ka sawi chiang fak thei lo, 2005 hnuah Broadband kan hmang tlangpui hlawmin ka hria. 2000 hnu lama Zoram thalaite ngainat chu internet-a chat kha a ni a. In lama Phone connection nei te pawhin dial up an hmang bawk . MIRC kha social networking lian ber niin, Aizawl khawpui hmun engemaw zatah Cyber Cafe hawn a ni a, tlaivar thak thak khawpa chat thin thalai kan tam hle. 2007 hnu lamah kha chuan Braodband connection kan ti deuh fur tawh a, mahse khami hnu thleng pawh khan Cyber Cafe lun tak tak a la awm teuh a ni.

Missed call Era - 2003 vel atang khan Mizoramah mobile phone a rawn lut tan a, balance a hek ropui si nen, in missed call kha rual pawlna a ni a. Thenkhat phei chuan zan an mut dawn hian an thiante zawng zawng an missed call kim vek phawt a, an mu chauh thin. Infiam nan tak an hmang bawk nen, hruia Nokia 1100 han awrh deuh trah te kha a changkang em em a ni.

Facebook Era - Internet chak Zoramin a hmang chho ve ta a, 2008 hnu atang khan Mizo a nawlpuiin Facebook Social Networking an hmang a, thalai tam takin kan hman thin Hi5, Myspace leh Orkut te a rawn luahlan hneh hle. Smart phone a rawn chhuak chhunzawm bawk nen, facebook-a account nei lo thalai chu rual pawl lovah kan ngai a. Facebook hian Era hlimawm tak tak engemaw zat a rawn thlen chhunzawm nghal a.

Facebook Photographer Era - Mahnia website siam thiam lo tan pawh Facebook-ah thlalak duh tawkin a upload thei a, chutah chiah chuan Camera neih thatah an inel tan ta, thlalak post hnem leh nei nalh deuh te chuan ngaihsan an hlawh a, thenkhat lo inla official leh lo inla lar takte pawh an awm nawk mai.

Facebook Model hlawh neilo - Camera man an pung a, nula lamin camera nei tha deuh an tlawn chhunzawm, hei hi a chhan chu facebook-a an pro pic nalh upload tur la tu tur an duh vang chauh a ni a. Hmeichhe thenkhat chuan facebook-a like tu neih tam duhin taksa lang tam deuh ten thla an han la bawk nen, like tu nei tam thenkhat phei chu celeb ang hiala inngai te an awm bawk a, hlawh erawh an nei lem lo.

Facebook Group admin mi pawimawh Era - Facebook Group siam theih a nih chiah khan Group lian tak tak a rawn chhuak nawk a, a bik takin News lam tarlanna group thenkhat chu a HOT thin hle. Heta Group admin te hi an thu rem rem khawp mai a, Association lian puia hruaitu ang hial ten an inngai thin a ni.

Whatsapp leh Journalist nih chak Era - 2011 hnu lamah Whatsapp kan enjoy a, thlalak awlsam tak takin a inthawn theih bakah thu inthawn a awlsam em em bawk a. Group member tam tak awm theiha an rawn siam hnuah phei chuan chanchinthar tarlang hmasatu nih tu pawhin an chak. Hre hmasa ber, hre ril ber leh mite hrilh hmasatu nih inchuhin thu dik leh dik lo an thawn darh ta nuai nuai a. Thenkhat phei chu news an hriat hmasak a nih phei chuan facebook-ah leh whatsapp-a an news tarlanah te an hming an han tarlang tel bawk nen. Dan kengkawhtute leh khawtlang hial buai phahna tam tak a thlen ta a. Chu era chu kan tawn mek hi a ni. Nakin lawkah chuan Mobile rawn chhuah tirha in missed call kan uar lai tun hnua thring kan tih ang hian he Journalist nih chak era hi kan la nuih pui kan la nuih pui ngei ang.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh