Skip to main content

Posts

Showing posts from February, 2015

Coach duh dan a pawimawh

Rooney chu striker a ni, mahse an coach-in midfield-ah a mamawh a, pawh let a ni a. Amah chuan hmatawnga awma goal khung pup pup chu a chak reng ang chu.

Liverpool-ah Suarez kha main striker a ni. A goal khung tur a thian ten an siam sak thin. Mahse Barcelona-ah erawh Enrique chuan Lionel Messi chawm turin a lo ti a, phun lovin Messi khelh dan zulzuiin a khel ta a.

Benzema maw ? Goal khung thei tak a ni alawm. Mahse Real Madrid-ah erawh Ronaldo goal khung tur siam sak tu ropui ber pakhat a ni. Ronaldo dinhmun anga din chu a chak ve ang chu, mahse coach-in khel tura a duh danin a khel ta mai a.

Player tinte hian position awm chakna leh khelh chak dan an nei vek ang. Mahse coach ten team tana tha tur ber an ngaihtuah thin avangin coach te rorel dan an ngaihchan a ngai thin zawk a lo ni.

Sap tih dan anga Praise and Worship nawm hmel tak taka neih a chakawm ve thin khawp mai. Mahse Pathian hian keini Mizo te hi engtia Amah fak turin nge min duh tih te hi ngaihtuah chian a va ngai tak em.…

Team chhunga buaina

April ni 2, 2005 kha a ni a, St James' Park-ah Newcastle United chuan Aston Villa mikhualin, Barry penalty goal hnih leh Juan Pablo Angel goal khat hmangin mikhual Villa chuan si thum faiin mual neitu Newcastle lakah hma an hruai mek.

Hun tawp dawn minute 10 vel  la awmin Newcastle player pahnih Kieron Dyer leh Lee Bowyer te chu mual chhunga an insual ta mai. An khingpui Villa player thenkhat leh an team-mate te chuan an pawt then  thei ta hram a. Referee chuan player pahnihte hi red card pe ve ve in, a hnawtchhuak ta a ni.

Football chu team game a ni a, hetianga inngeih lo team chhungah an awm chang hian chak a har em em.  Midfielder ten an striker te an thik tlat a, ball pawh an pass that duh loh chuan team-in a tuar a, an hmabak chu chak loh a ni mai.

Isua din Kohhrante kan ni a, kan Team chu Isua Team a ni. Kohhran hrang hrang hi position tina player tangkaite vek kan ni. A bikin Zoramah, Isua ringtu inti theuh theuh, Sunday apianga inkhawm theuh theuh Chanchintha hril kawnga…

Ka zin kawng hi a ropui hle mai

Ka pian tirh 1984 atanga vawiin February ni 8, 2015 thlenga thil thleng te :

1. Ka lung hi 1 billion a phu tawh. Ka pian ruala piang ve Blue Whale erawh 96 million chiah a lung a phu.

2. He Khawvelah hi chuan kum 30 ka ni a, Mercury Planet-ah chuan piang ilang chuan kum 124 ka ni daih tawh ang.

3. Ni vawi 30 ka hel tawh a, Earth Planet-a chuang chungin Ni ka hel kawng hi 28,721,510,730 km lai a tling tawh.

4. Milky Way-ah hian 239,345,930,250 km laia thui ka lo zin ve ta reng mai.

5. Ka pian tirha piang ve Tho (Fly) khan Tu chhuan 16864 lai a nei tawh.

6. Lirnghing na tak takin vawi 376 lai thleng tawh a, 2004 kuma 9.1 magnitude-a nghing kha ka hriat theih china nghing na ber a la ni.

7. Ka pian tirh atang khan 1.68m ka thang a, Coast Redwoods an tih ang khu kum 30 chhungin 11.78m laia sangin a lo thang hman chu niin.

8. Ni awklem vawi 66 ka tawng tawh a, Supermoon hi vawi 147 ka tawng tawh bawk.

9. Ka pian tirh atang khan vawiinni thleng hian tuifinriat tui 9cm in a sang, hei hi Glo…