Skip to main content

Coach duh dan a pawimawh


Rooney chu striker a ni, mahse an coach-in midfield-ah a mamawh a, pawh let a ni a. Amah chuan hmatawnga awma goal khung pup pup chu a chak reng ang chu.

Liverpool-ah Suarez kha main striker a ni. A goal khung tur a thian ten an siam sak thin. Mahse Barcelona-ah erawh Enrique chuan Lionel Messi chawm turin a lo ti a, phun lovin Messi khelh dan zulzuiin a khel ta a.

Benzema maw ? Goal khung thei tak a ni alawm. Mahse Real Madrid-ah erawh Ronaldo goal khung tur siam sak tu ropui ber pakhat a ni. Ronaldo dinhmun anga din chu a chak ve ang chu, mahse coach-in khel tura a duh danin a khel ta mai a.

Player tinte hian position awm chakna leh khelh chak dan an nei vek ang. Mahse coach ten team tana tha tur ber an ngaihtuah thin avangin coach te rorel dan an ngaihchan a ngai thin zawk a lo ni.

Sap tih dan anga Praise and Worship nawm hmel tak taka neih a chakawm ve thin khawp mai. Mahse Pathian hian keini Mizo te hi engtia Amah fak turin nge min duh tih te hi ngaihtuah chian a va ngai tak em. Sap rama Missionary-a kal te chu a chakawm khawp alawm khawilai hnam mawl thingtlang khua Missionary-a kal ai te chuan.

Kohhran inkhawm programme kan duan te hian Pathian duhdan leh phut angin nge kan duan thin keini mihringte nuam ti dan tur kan ngaihtuah ber zawk ? Kan duh dan leh nuam kan tih dan zawng hian Pathian biak kan tum thin a, zai a nawm hian Pathian a ropui turah kan ngai thin, mahse a lo ni ber lo. A duhdan kan tihhlawhtlin hian Pathian chu chawimawiin a lo awm zawk daih si a. 

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh