Skip to main content

Team chhunga buaina


April ni 2, 2005 kha a ni a, St James' Park-ah Newcastle United chuan Aston Villa mikhualin, Barry penalty goal hnih leh Juan Pablo Angel goal khat hmangin mikhual Villa chuan si thum faiin mual neitu Newcastle lakah hma an hruai mek.

Hun tawp dawn minute 10 vel  la awmin Newcastle player pahnih Kieron Dyer leh Lee Bowyer te chu mual chhunga an insual ta mai. An khingpui Villa player thenkhat leh an team-mate te chuan an pawt then  thei ta hram a. Referee chuan player pahnihte hi red card pe ve ve in, a hnawtchhuak ta a ni.

Football chu team game a ni a, hetianga inngeih lo team chhungah an awm chang hian chak a har em em.  Midfielder ten an striker te an thik tlat a, ball pawh an pass that duh loh chuan team-in a tuar a, an hmabak chu chak loh a ni mai.

Isua din Kohhrante kan ni a, kan Team chu Isua Team a ni. Kohhran hrang hrang hi position tina player tangkaite vek kan ni. A bikin Zoramah, Isua ringtu inti theuh theuh, Sunday apianga inkhawm theuh theuh Chanchintha hril kawnga kan thawk ho thei lo leh intaina kan han nei te hian enge Isua ram tih zauhna kawngah rah tha a thlen ? Rah tha thlen chu sawi loh, a ti thuanawm zawk a ni.

Kohhran khata inchhun khawm te erawh a ngai hran lo. Forward position-ah vek player te hian khelh tum se game a buai a ni mai. Chuvang chuan Kohhran hrang hrang, position hrang hranga kan han awm te hian thatna kawng a nei zawk a. Heng Kohhran hrang hrangte hian inlungrual taka hma lam pen hovin, Isua chhandamna chanchintha chu thehdarh se ram an va la chak dawn tak em.

Bowyer leh Dyer te kha tunge thiam lo hmasa zawk kan hriat pui chiah lo. Training ground atang daih tawhin boruak tha lo an nei tawh ni ngei tur a ni. Anmahni ve ve hi zawt ila chuan an ngaihdan chuan an thiam ve ve ang. A bik takin Zorama Kohhran lian tak pahnihte intaina chhan hi tu thiam loh hmasak zawk nge tih kan zawn dawn chuan an ngaihdan leh an tannaah chuan thiam an inti ve ve ang. Chuvang chuan a thiam lo hmasa zawk zawn vak a hun tawh love.

Team dang, Hindu leh Muslim ten min rawn hneh chho mek zel si a, kan hmachhawn tur chu thim lal a nih laiin engvangin eng fate karah intaina hi kan la vuak nun zel ang ? Dik tak chuan Kohhran thalai te hi chuan Isua zuitu Kohhran hrang hrangte hi rawng bawl ho kan chak em em thin, intai hun a ni tawh love, hlim taka Isua tana ke pen ho dial dial tur kan ni.

Isua khan a thih dawn tak taka huana a tawngtai khan a dil nasat ber chu amah ringtute an lo inpumkhat theih nan a ni.

Johana 17:10,11,20 "An tan ka ngensak hi; khawvel tana ngensak ka ni lo, nangin mi pekteho tan zawk a ni; i ta an ni si a. ...... Ka Pa thianghlim, nangin kei mi pekteho hi i hmingin hum rawh, pumkhat an nih theih nan, keimahni ang bawk hian. ... Hengho tan chauh hian ngensak ka ni lo, an thu avanga kei mi la ring turte tan pawh ngensak ka ni bawk e; an zaa pumkhat an nihna turin......"

Lal Isua chuan pumkhat ni tur leh rawng bawl ho turin a thih dawn tak takah khan nasa takin Pathian hnenah min dil sak. Mahse Keini Zoram Kohhrante hi chuan Lal Isua tawngtaina kha chhana a awm lohna turin hma kan la zel chu a ni si a.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh