Skip to main content

Mak ka tih em em thin chu !


Hmanlai atangin, kan thlahtute leh mihring hmasate khan He khawvel, lei leh van siamtu tu emaw hi chu a awm ngei niin an ring tlat, chuvang chuan sakhuana hi a lo awm ta ni berin a lang.  Chungnung ber, pathian zawng zawng chunga Pathian hi pakhat chiah awm niin tunlai thleng hian  sakhua hrang hrangte hian kan ngai vek niin a lang.

Solar Storm hlauhawm tak tak ten khawvel an lo deng tur Earth's magnetic field ten an lo dan thin dan te hi a ropui hle. Kan Solar System-a Earth awmna hmun fuh zia leh asteroid hlauhawm tak takte atanga Jupiter-in a ven dan te, khawvel vir dan leh Ni a hel kawng ten awmzia a neih vek dan te. Galaxy hrang hrangte hmun hla tak taka awm ni mahse awmze neia thahrui an inrin tawn dan te, khawvel chhung  sik leh sa chet vel dan leh Ocean's current ten khawvel climate an vawn dan te, sawi tur a tam, sawi sen a ni lo.. Heng chanchin ka chhiar a, a awmzia ka hmuh thiam ve tep tep atang phei hi chuan Siamtu hi a awm ka ring ta ngawih ngawih a ni. Engkim hi a in balance vel vek ni berin ka hria.

Tichuan, Sakhaw hrang hrang ten Pathian kan tih hi kei chuan a inan vek ka ring. Mahse a hnen thlen kan tum dan erawh a inanglo ta nuai hi a mak ka ti a. Tu emaw Pathian thik em em tu a awm anga, khawvel mihring a tam thei ang ber ten Pathian hmun an thlen theih loh nan kawng dik tak chu thupin sakhaw hrang hrang a din ta pawh a ni mahna. Sakhaw hrang hrang ka ngaihtuah chang hian Christianity hi mak ka ti tawp thei lo.

Christianity hi kum sang hnih vel chauhva upa a ni a, sakhaw dang erawh kum sang thum chuang liamta ami tawh te an nih laia heti taka Kristianna lo darh dan hi a mak thlawt a ni. Roman Empier hi khawvel awm tirh ata lal ram ropui ber a ni hial awm e. Tichuan an ram awp, hnam ang zawng pawha an hnuai ente sakhua an zawm ve ta mai hi a mak ka ti tak zet a ni. Tunah chuan Kristian hmunpui ber chu Italy-ah a awm kan ti thei mai awm e.

Tin, Bible hi mak ka ti em em bawk. Mi chi hrang hrang ziak an lakkhawm kha a ni a, heti taka beih a tawk chung pawha a darh tual tual hian danglamna tak a nei a ni. Quran hian beih a tawh em em kan hre tam lo. Mahse heti taka Bible-in beih a tawk thin hian lehkhabu ropui leh thil tithei tak a nih ngei a rinawm tlat a ni.

Khawi sakhua hi nge dik ber tiin zawt ta ila, kan vawn theuh sakhua hi a dik kan ti ber vek ang. Mahse kei hi Hindu emaw Muslim emaw lo ni ta ila, Christianity hi chu ka zirchian poh leh mak ka tih ka ring a ni. Tu emaw thil tithei takin a awmpui sakhua a ni ka ti ngei ang le.

Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…