Skip to main content

An pendarh nachhan solfa hla maw ?


Easter Sunday a ni a, chawhnu inkhawm turin Biak In tual hulhliapah kan thu, chutia dar rik nghaka kan thut mek lai chuan pa pakhat thlarau mi tak hi ka kiangah a rawn thu a, a rawn titi nghal bawrh bawrh a.

Khuang hnih hla sa lova solfa hla sak a that loh zia leh kohhran atanga peng an tam tak em em chhan chu solfa hla kan sak nasat lutuk vang tiin a sawi mauh mai. Pathianin nasa taka a hruai niin a insawi a, rei tak a dam theihna chhan pawh Pathianin a hmuh lawk tir thu min hrilh bawk.

Keichuan heiti hian zawhna ka siam nghal zat a,"Khuang hnih hi chu Pathianin mizo ten amah kan fak nana a siam liau liau a ni tih chu ka pawm thlap mai. Mahse engatinge Sunday school kan kal chhung zawng khan solfa hla hlir min zirtir ? " Ka tia, a ngawi vang vang a.. Zawhna dang ka siam leh nghal zat a..

"Thil pakhat ka zawt leh lawk ang che, mak ka tih em em chu.. Thlarau chang sang tak intite hian chang sang lem lo hi kan en hniam em em a, Kohhran leh KTP-a active deuh te hian active lem lo hi kan dah hniam em em a, kan tawngkam thlengin kan ti lang. Keini Presbyterian kohhran chhungah pawh, thenawm kohhrante chu tlema ro deuh turin kan dah vek bawk. Presbyterian Kohhran ni lo phei chu kan ngaisang lo hle a nih hi. Kan chan ang chang lote hi chu kan dahhniam em em zel zawng a nih hi.. hei hi Pathian atanga chhuak a ni thei angem ?" tiin ka zawt leh a.

Ani chuan,"A.. helai tak hi chu.. nia... Ngawiteh saw ka luh a hun, ka va lam ve ange," tiin kal mai a tum a. Kei chuan ka chelh lui tlat a, "Thil pakhat ka zawt chiang lawk duh che a nia ka pu, hriat loh hi ka ngah sia," tiin. A thu leh a.

"Bible-in Van taksa a tih leh lei taksa a tih hi enge a inan lohna ?" ka ti a. Ani chuan,"Van taksa chu thlarau a ni a, lei taksa chu he kan lei taksa hi a ni," a ti. Kei chuan ,"A nih leh Spirit leh Soul hi i hrechiang em ?" ka tia, ani chuan," thlarau tihna a ni mai alawm," a ti awlsam et a.

Kei chuan,"Spirit leh soul hi thlarau a ni ve ve ngawt hlei nem, soul chu he kan thlarau tuna kan hnena awm mek hi a ni a, Spirit awlsam taka kan hrilhfiah dawn chuan van taksa kan ti mai thei ang chu," ka ti a. Chutah chuan,"A lo ni dawn tak maw.. a ti hlawl mai..."

Kei chuan heti hian ka sawi chhunzawm nghal zat a," Mi pakhat a hming chu Thanga a awm a, kawr sen a ha. Silai tha tak a ken avangin keini ramhnuai kal turte chuan a kawng chin kan hriat loh avang leh hmanrua kan neih loh avangin min hruai thei tur ber niin kan hria a, a kianga kan kal chuan Sa hlauhawm lakah min chhanhim thei dawn chiang tih kan hriat vang a ni bawk, kan zui ta a. Chu chu rinna awmzia chu a ni. Min chhanhim thei dawn tih kan rin tlat avang leh kawng chin a hriat avangin kan zui. Rinna kan tih hian a chhunzawmna chu 'Zui' hi a ni.

"Keini chuan kan rin kha kan hrechiang a, a hming, a kawr hak rawng leh a nu leh pa thlengin kan hria. Chutih lai chuan mi thenkhat chuan an lo hrechiang tawk lova. Kawr sen a ha tih chiah kha an hria a. Nakinah chuan kawng peng thuamah kawrsen ha pathum vel an rawn lang. A khawi ber nge an zui kha an hre ta lo, an peng zo ta a ni.  Hetiang chiah hi keini Presbyterian kohhran mipui tam zawkte hi kan ni.

"Kan rin kha kan hrechiang tak tak lova, kawr sen ha tih ringawtin kan hria. Engemaw a lo thleng a, kan peng darh ta vak thin. Solfa hla sak vanga peng darh ni theiin kei chuan ka hre lo," tiin ka sawi.

A ngawi vang vang a, "Nakinah kan inkawm leh dawn nia, ka va lut tawh ange," a ti a, min luh san ta a.

Comments

  1. Ngaihnawm viau mai...chutih rualin he Post hi chu thui tak a inhnial theih ka ring.....A tlangpuiin a tha in a ngaihnawm hle mai.

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh