Skip to main content

Mi mawl ka tawn tawhte chanchin

Kum 12 lai a liam ta, Inter Varsity Football Tournament-a inpet kai ngei turin Mizoram University Football Team-te chuan Kolkata kan pan dawn a.

University buatsaih a nih avangin thlenna leh engkim mut bu thlenga min tum sak dawn nia kan hriat avangin player thenkhatte chuan mut bu kan keng duh lo. Thian thenkhat erawh mutbu rit takin an keng a, an pu pur pur a, khaw lum lai a nih avangin an inpu rit lutuk chu kan nuihzat chhunzawm bawk a.

Guwahati atangin relin Kolkata kan pan, mut bu keng ho kha chu an va han buai tak em. A bawr a bawrin rel chep tak karah khan an inpu kual a, keini erawh bag pakhat chiah kan keng a, hahdam takin kan kal hah hah. Salt Lake Mizoram House-a kan thleng chiah phei kha chu mut bu kan keng lo vannei kan intih zia leh mut bu keng kan nuihzat zia kha. Mahse Kolkata kan thleng thla chiah erawh boruak a lo danglam hle, kar khat chhung zet ruah a lo sur tawh a, a vawt surh mai. Tichuan  Kalyani University kan thleng a, Inter Varsity East Zone thlen nan sum sanction chu awm tawh mahse a cash in an lo la dawng lo chu niin, Department pakhat building ruakah min thlen tir a.

Mut bu chu sawi loh, tui intur takngial pawh a lo awm si lova. Rit tak taka Aizawl atanga Kolkata thlenga mut bu pute, kan nuihzat em em thiante kha chu kha hmunah khan lum ti takin an mu a, keini erawh vawt leh hrehawm ti takin Kolkata-ah khan hun kan hmang ta a ni.


Tunlai hian zanahte kawngpui dungah aurualin khawlai an fang thin, an va han hman tak kan lo ti mai mai thin. Thenkhat chuan an eizawnna tha tak kalsanin hlawh pawh nei lovin Pathian rawng bawl an thlang, eizawnna hi a pawimawh em em laia hetianga an eizawnna kalsantate phei hi chu mawl kan lo ti em em thin. Amaherawh chu heng mi mawl leh hman kan tih tak takte hi luiral ram kan thlen hun chuan a hlim ber ber turte an ni tlat si.

Keini chuan Kross put chu a hahthlak em mai tiin kan awrhin kan beh bawk a. Chutih laiin mimawl thenkhatte erawh chuan old rugged cross ngei kha a putin an pu, khawvel hmasawnna chuan a tlansan vawng vawng a nih hi. Mahse e, luiral ram kan thlen hunah chuan heng thing kan tih em em te, fashion hlui leh kan hmuhsit em emte hian dinhmun tha an chang anga, keini khawvel thil ngaina leh mifing nia inngaite erawh hi chuan tah leh ha thialna hmun kan pan dawn a ni.

A changkang leh mawi lam zawn ai chuan Pathian duhdan enge tih hi a hun tawh a ni. Kan la thi vek dawn si a, kawngka zimah nge kan kal kawngka zauah ? Vawiin hian ngun takin inchhut la, kawng dik zawh turin Pathian Thlarauthianghlim chuan malsawm che rawh se.

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…