Skip to main content

Footballer-te leh fakna


Mizoramah pawh an dawr bungrua fak tur chuan tlema mi hming tha deuh hlek Sports lamah emaw zirna lamah emaw mi chhuanawm bik nilo chu an hmang ngai lo a nih hi. Chutiang bawkin Sportsware company-te pawhin an mahni thil fak tur chuan sports lama che tha leh zuitu ngah an thlang thin.

Nike company chuan nikum World Cup kum khan Real Madrid forward Cristiano Ronaldo chu kum khat chhung atan £14.1million-in an thawhpui a, Adidas pawhin kum khat chhung atan Messi  £13.6m  laiin an thawhpui bawk.

Sportsware company lian adidas leh nike te hi an inel hle mai, sum tam tak pe a footballer thawhpui sportsware company lian zingah Puma hming hi lang ve thin mahse adidas leh nike te ngaihtuah chuan an nep khawp mai. Puma hian Manchester City forward Sergio Aguero chu nikum World Cup khan an thil siam fak lar turin kum khatah  £3m  an pe ve bawk a ni.

Sportsware company-in an thil siam fak lar tura an tihte leh pawisa an pek dan hetiang hian :

1) Cristiano Ronaldo (Portugal and Real Madrid) Nike - £14.1m
2) Lionel Messi (Argentina and Barcelona) Adidas - £13.6m  
3) Neymar Jr. (Brazil and Barcelona) Nike - £9.5m
4) Thomas Muller (Germany and Bayern Munich) Adidas - £3m
5) Mesut Ozil (Germany and Arsenal) Adidas - £3m
6) Wayne Rooney (England and Manchester Utd) Nike - £3m
7) Sergio Aguero (Argentina and Manchester City) Puma - £3m
8) Steven Gerrard (England and Liverpool) Adidas - £3m
9) Frank Lampard (England and Chelsea) Adidas - £3m
10) Luis Suarez (Uruguay and Liverpool) Adidas - £3m
*Source: Dr Peter Rohlmann

Company ten mi mai mai an thilsiam fak lar turin an ti ngai lo. Mizoramah pawh Wai wai fak tur pawhin zaithiam leh lam thiam nihte a ngai zel chu a nih hi. Hair cream va fak ve ringawt dawn teh, Basketball thiamte i nih ngawt loh chuan an product fak an phal sak hauh lovang che.

Mahse maw, mi mai mai, dai kil kara engmah neilo leh michhe fa pawh ni mahla e; Pathian chuan amah fak turin a sawm tlat si che a nih hi. Hmel mawina, theihna leh hlutna atanga teh chuan Pathian chu kan fak rual a nilo, mahse amah fak turin min thlang tlat si. Vawiin hian hlim taka Pathian fak mai loh chu  eng dang nge kan tih tak chuan ang ?

SimplyShareJesus


Comments

Popular posts from this blog

Mi Judge zung zung tur hi kan ni em?

Bike exhaust ring tawk nen chak tawkin min rawn tlanpel, a la leu kual zuai zuai zui bawk. Rilru chhungril takah chuan, "Han thal zawr se aw," kan ti ru vawng vawng thin. Han thal tak tak se; pui dawn mah ila kan rilru tak chuan, "I chawh hle mai," kan ti ngei bawk ang le. Kan tan harsatna lian tak thlen chuang lo mahse kan huat hi a tling em em thin.

Hei hi mihring rilru put hmang a ni a, hmeichhe tawngkam takin; kan 'ei' loh zawng tute emaw an han che chhia a, internet leh social networking velah kan han dem rawn luih luih a. Hemi chungchang hi ngun taka kan ngaihtuah a ngai tlat mai.

Kum hnih liamta vel atang khan social networking Mizo community-ah hian kan tawngkam hman hi a danglamin kan duhtui ta lo sawt khawp mai. Hman deuh deuh hovin tutute emaw an rawn thur chhuak a, kan hmelhriat em em pawh ni lo, kan chhungkaw khawsak pawh nghawng miahlote pawh ni mahse kan tawngkam thiam ang tawkin kan han sawisel luih luih bawk a. Cyberbullying te hi sap hovi…

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.