Skip to main content

Ka genuine ve hlauh


Windows genuine hmang ten Windows 10 a free-in kan hmang theih dawn tih ka hriat khan ka lawm hle, Ka windows 8 kha a genuine leh genuine loh ka hre ta hauh lo mai. Ka'n check chiang a, a lo genuine ve ngei chu niin, a va lawmawm tak, tunah chuan Windows 10 ka load ve thei dawn ta e.

Kan thianpa erawh a genuine pawimawh zia kan sawi thin lai khan a lo ngaihthah a, "A hman ve theih tho hi a," a ti mai thin. Hman chu a hman ve theih tho, mahse hei tunah chuan Windows 10 a load ve thei dawn ta lo. Windows 10 kan han hmang anga, a va awt ve dawn tak em.

Hetih lai hian pawi deuh pakhat chu, automatic update kha ka off daih a, internet muan changa lo in update ve sek thin kha a ninawm em ve bawk lah tak a. Windows 10 load tur chuan update chhoh ngar ngar phawt a, chuta Windows 10 download thei khawp OS update neih phawt a lo ngai a ni awm e, hei ka'n update chho ta chu a ni a, update khat chuan update tur a lo tam kher mai.

Thenkhat chu Windows genuine an neih zia an hre chiang em em, chutih laiin keini erawh genuine a nih leh nih loh kan lo hre chiah lova. Thenkhat erawh Windows genuine nei miah lova an genuine lo tih pawh hre miah lo an awm. Thenkhat erawh an genuine lo tih an hriat chian em em lai pawha genuine tum miah lo an awm bawk.

Inbeisei miah lo vanram lut tur hi an awm nawk dawn. Chutih laia Isua nei emaw inti nei miah si lo Vanram chang lo tur an awm nawk dawn bawk. Tin, tawngtai khatte hi a pawi viau maithei, update khat chuan a hlawm hlawma update a hahthlak bik, a rei duh bawk si. Ro deuha awm a, camping huna intuaithar leh tum hi chu a hahthlak, chuvang chuan ni tin Pathian pawlna chan hi a fuh berin ka hria.

A tir chuan Windows pirate ka hmang alawm, mahse ka crack a, full version a lo ni ta a. Microsoft ho pawhin fake serial tih min hre reng chung pawh min pawm leh Windows 10 load thei tura vohbik chan min chan tir ve tur hi a va ropui em. Hei hi alawm chhandamna kan tih chu.

A thlarau zawng teleh Bible thu har deuh deuh hmangtein chhandamna awmzia min hrilhfiah an tum thin, mahse Windows pirate mai mai atanga genuine-a min han pawm ve ta mai hian chhandamna chiang takin min hmuhfiah tir ta a ni.

Comments

  1. windows 7 pawh kan la chai leih leih a nia, 10 chu buaina a tam belh mai mai hrih dawnin ka hria a, ka la mamawh ve lo a ni ang.....lelw

    ReplyDelete
  2. Hman a tang tawh in ziak tha thei e. Chhandam na. Tha lutuk e. Window 7 hian ka mamawh leh ka duh zawng chu ka la ti thei ve zel a ka duh tok viau mai.

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…