Skip to main content

No Phone


Sports website kan buaipui avangin phone hmang tangkai ber zingah kan tel ve ngei ang le. Thiamna thar a rawn chhuak zel a, Smartphone apps tha tak tak a rawn chhuak ta zel a. Whatsapp te ngat phei hi chu a rangin information thawn zung zung nan a tha lutuk tak zet a ni.

Windows phone ka hman nachhan ber chu News feed hi ka duhthusam a ni a, news feed ran thuah erawh twitter tluk a la awm lo a nih hi. Loh theih lohvin Phone kan kheuh a, thian hovin news kan in-share bawk a. Kan tum ber chu kan site miin rawn tlawh tam se, chuta tang chuan nikhata hlawh zat tur kan inbituk khum chu a ni.

News HIT deuh deuh a rawn awm a, kan han tarlang chhawng a. Webiste traffic ka lo thlir reng a, visitors an rawn pun thur thur hi chuan a nuam thlawt a ni. Midang bula awm hi chuan rilru hi a fim thei lova, chuvang chuan mahni room-a tawm tlat nuam ti mi ka ni.

Ka hun tam zawk chu ka laptop leh phone kiangah ka hmang a, kan zinna apiangah mahnia hun hman tam theih dan ka zawng zel. Internet-in min connect loh chuan ka khawvel hi a ruak ni berin ka hre thin. Thil engemaw tak achieve tumin theih tawp chhuahin thian hovin hma kan la zel a, hun hrehawm tak tak leh indaih loh tak tak hun kan tawng thin, mahse kan tuina chuan na takin min nawr kal zel a.

Pathian zarah eizawnna pangai tak ka nei a, mahse ka subject ka tih mai ka tuina em em E-Commerce chuan thuk takin keimahah zung a kaih tlat avangin Mizoram state hnufual tak atangin engemaw tak a tih theih ka beisei reng a, ka beisei te chu a takin Pathian zarah kan tawng chho ta mek zel a.

Chutih laiin nikum October ni 11 zan kha a ni a, Lungleia ka room-ah zan dar 1:00 a ri vel mek. Thui tak ke kan pen tawh, hmachhawp tam tak pawh kan nei bawk, a hlawhtlinna kan hmu chho mek zel. Mahse ka rilruah he thil hi a rawn lang thut mai.

"Sometimes we have to disconnect to make a connection" tih hi.

Ka thiante ka ngai ta em em a, Jam Room-a kan inhauh bawrh bawrh lai te ka ngaihtuah chhuak. World Bank Road-ah kan ride a, ruah a rawn sur, car atangin kan chhuah a, kan do chiam tumte kha ka mitthlaah a rawn lang chuai chuai. Ka thiante ho hi kan in atanga hla lo te te vek an ni a, mahse kum 3 vel zet zawt chu mumal takin kan inkawm hman ta lo, a pawi ka ti a, hrehawm ka ti em em.

Ka kiang maia kawm tur an awm reng laiin internet khawvel chhungah ka lo cheng nasa hle tih ka hrechhuak. A tukah chuan ka hawng nghal a, thiante chu a rang lamin ka tlawh theuh bawk a, picnic kan huaihawt nghal, kan hlim tlang hle nghe nghe a. Khata tang khan nun thar ka nei ka ti lo thei lo.

Ka chhungte nen kan inkawm khawm tum pawha phone khawih mai thin kha tunah chuan ka khawih ngai tawh lova. Thiante nen kan inkawm pawhin dar zat en nan bak phone ka phawrh tawh ngai lo. Whatsapp Group-ah hian ka awm tlem em em a, pathumah chiah ka awm ! thian hlate nena inkawm nuam ka tih em em laiin ka kianga midang an awm chuan phone ka khawihsan duh tawh lova. Hei kum khat zen zawn chu chutiang chuan hun ka hmang ta a, ka hlim zawk a, nun hian awmzia a nei tih ka hriatthiam phah bawk a ni.

Comments

  1. Tunge Inkhel.com hi enkawl ta ang? A ngaihnawm e.

    ReplyDelete
  2. Ania sin... kei poh ka phone ka khawih tlem telh telh mai... live friends te hi an hlu... nang erawh ka net friend i ni...😄

    ReplyDelete

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…