Skip to main content

Pathian nung betu Mizo Kristiante Pathian hi chu a duham bik hle mai.


Mizoram hi state rethei te e ti lo chuan a chhunga khawsa tur chuan hausak a ngai ta hle mai.

Engkim mai hi a to a, transportation cost a to em em a, ei leh bar leh bungraw man a to em em a. Kan thianpa vai pakhat chu Kolkata atangin Lengpuiah a rawn thlawk chho a, Lengpui atangin Aizawl thleng taxi a rawn la chho, Kolkata to Aizawla thlawhna chuan man chanve vel thuak taxi fare-a a chawi kha chu na a ti ve hle mai. Aizawlah chuan kawnga tlan man motor neitu ten an chawi a, din man an chawi bawk a, minute 1 lek din tuma chawi chang pawh kan nei ta zauh zauh bawk.

Hei tunah pawh The Mizoram Entry Tax Rules, 2015 hman a ni chho dawn ta bawk a.
Online shop atanga thil leite pawhin tax chawi tur zawng zawng an thil leia an chawi tawh hnuah Mizoram chhunga a rawn luh man tax chawi leh a ngai dawn ta a ni. Vanglainiin a tarlan dan chuan Taxation department hotute chuan, "Online shopping buaipuitute'n entry tax an pek bungraw manah an chhiar tel dawn leh dawn loh kan hre lo. An thuneihna turah kan dah," an ti.

Thil leituten he chhiah hi an chawi ngei dawn niin a lang. State rethei kan ni a, dehchhuah pawh kan nei lo, chhiah hi chu kan chawi tur a ni chiang mai. Chutih laiin chhiah chawi lo leh chawmhlawm state anga tute emawin thu an sawi chang a awm thin. Chhiah hi chu kan chawi nasa asin, kan thil lei apiangah chhiah kan pe vek, tribal kan nih avanga chhiah thenkhat min awltir a awm a ni mai a, a bakah hi chuan chhiah kan chawi ve nasa a nia.

Hetia sawrkarin online shop atanga thil leina atanga Mizorama a lo luhna chhiah an lo la tur hi a tha ka ti a, online shop-a thil kan lei hian a hlawk ber chu state pawn amite an ni. Kan sum tam tak state pawnah kan thehchhuak huau huau a ni deuh ber, chuvang chuan hetia sawrkarin Mizoram entry tax a lo la tur hi a tha ka ti lutuk. Kan state chhunga pawisa che kual hi economy tan a tha ka lo ti ve tawh thin, chuvang chuan Online shop-a thil lei ai chuan tlemin to deuh mahse Aizawl dawrkaite ka dawr hram hram thin. Mahse a chang hi chuan ka tha a na ve deuh thin.

Krismas a lo ni a, sumdawng ten Krismas discount an han nei thin tak tak mai hi chu a nuihzatthlak thin zawk. Silchar-a Rs. 200 man vel Aizawla Rs. 500 vela kan han lei thin hi chu a na ve deuh thin asin. Thingtlang atangin kum khatah vawi khat chiah Aizawlah an rawn bazar, thuamhnawte discount tiin an lakna let thawkin an lo leitir a, lawm takin an hawng ve thin bawk si a. Silchar leh Guwahati vela an lak thenkhat hi chu man pangai tak hian pe ve thin se te hi ka lo ti ve mai mai a.

Zu leh ruihhlo kan haw em em a, sum leh paia duhamna hi kan do tur be a ni dawn lawm ni ? Bible-in 'Sum ngainat hi sual tinreng bul a ni' a tih ngei kha mawle. Vai ho chu an kut puiah tlawm tak takin an thil an zuar chhuak a, keini erawh Pathian nung betu Kristian kan ni a, to tak taka discount leh mi rethei sum atanga insiamlen hi kan Pathianin min zirtir dan a ni tih ka pawm ta thlap e. Pathian nung betu Mizo Kristiante Pathian hi chu a duham bik hle mai.

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…