Skip to main content

Chhiatna lian tham tawh huna inbiakpawhna tur ngaihtuah a ngai a ni.


Tukin khan lir a nghing a, Mizoramah chuan a nghing na lo hlauh. Kan vannei hle mai. Kan naupan lai ti ve leh chhawng ila, a la rei lo a nia, khang hun lai khan lirnghing kan hre tam lo. Tin, kan hriat chhunte pawh kha a na lem lo hlawm. Mahse tun hnai hian kan hre ngun ta malh malh hle mai, rin aia na te pawh kan tawng chho ta zel a nih hi.

Tawngthuchhelovah, chhiatna rapthlak tak tak Mizoram hian kan la tuar ve thei tlat mai, magnitude 9.0 velin minute khat chhung Aizawl khawpuite hi min han sawi ta palh selang chuan kan inte hi chim lovin, tlang mawng lamah kan tawlh hul hul maithei zawk a ni. A rapthlak tur zia mai chu ngaihtuah ngam chi pawh a ni lo.

Chhiatna a lo thleng dawn nge dawn lo kan hre lawk lo, mahse lo thleng tur anga inbuatsaih hi a pawimawh khawp mai. Chung zinga ka ngaihpawimawh em em chu inbiakpawhna hi a ni. Na taka lir a nghin chuan mobile phone tower-te hi a tlu rem rum anga, power supply a awmlo nghal anga. Engtin nge kan inbiakpawh tak ang ? Engtin nge kan chhungkhatlaina leh kan thiante an him leh him loh kan hriat theih ang ? Engtin nge chhanchhuahna rang taka thawh a nih theih nan kan inbiakpawh theih ang ? Inbiakpawhna zawng zawng a thi thup dawn, hetah tak hian enge kan hman tak ang ? Tih hi ka lo ngaihtuah ve mai mai thin.

Sawrkarin Internet Wifi pechhuak se

Emergency-a hman turin Mizoram sawrkar hian satellite internet kan tih ang chi hi nei se, chumi hmun chu hmun him leh chim mai mai theihlohna hmun ni bawk se. 'Hmun sang laiah, lirnghingin a sawi chhiat theih lohna tur hmunah tower dah ve nual se emaw, Hot air baloon hmangin emaw wifi network pechhuak thei se' ka lo ti ve mai mai thin. Heng tower te emaw Hot air baloon hmanga wifi pechhuak turte hi nizung chakna hmangin tihnun ni bawk se. Phone hi a thi nghal dawn lova, darkar 10 chuang chu power awm lo mahse phone kan la hmang thei dawn.

Social Networking site heng facebook leh twitter te hmangin kan him leh him loh ka inhrilh tawn zung zung thei anga, tin whatsapp hmangte pawhin chhanchhuah ngai leh engtia hma lak tur nge tihte pawh kan inhrilh tawn zung zung thei dawn bawk a. Social networking sites leh phone apps te hi heng hunah hian an tangkai thin zia kan hre tawh a, Mizoram chu hmun chhengchhe taka kara awm kan nih avangin tuna kan power line leh internet-te hi a lo chhe palh a nih chuan rei tak inbe pawp thei lovin kan awm dawn tihna a ni si a, chuvang chuan he ngaihtuahna hi ka nei ve ta mai mai a ni e.

Tin, chhiatrupna thlen palh huna Mizoram chhung chiaha hman tur, social networking site emaw phone apps emaw pawh Sawrkar hian a host thei bawk anga, chutiang zawnga ngaihtuahna kan hman tan a ngai tawhin ka hria. Tukin lirnghingahte pawh khan, phone hmangin  chhungkhatlaina leh thiante'n an him thu an sawi tliar tliar a, rilru a hahdam phah a nia. Chhiatna nasa zawk lo thleng ta palh se, inbepawp thei lovin awm ila, inngaihtuah a nat tur zia hi ka ngaihtuah ngam lo a ni.

Comments

Post a Comment

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Premier League vs Inkhawm

Thenkhat tan chuan Zu leh damdawite, sum leh nula te hi an chaklohna a ni. Kei erawh chu Football hi Pathian ka biak min tibuaitu a ni thin.  Kohhran Inkhawm pawimawh Inrinni zan leh Pathian ni zanah hian English Premier League khelh a ni thin. Mizoramah pawh kan buaipui a, kan atchilh a, inkhawm a awm lai chiah chiah hian inkhel hmuhnawm a awm thin bawk si a.

Football atchilh