Skip to main content

A laimu chu Hmangaihna a ni


Fiamthua an sawi thin,'Pathianthu awih leh zing tawngtai inkhawm hmaih ngai lote hi Gas bur tlarnaah leh vawksa lei naah an chuhhelh thei hle,' tih hi dik vek lo mahse mahse hetianga sawi a awm tawh hi chuan he thu hian Biak Ina kan nungchang leh Biak In pawn lama kan nungchang chiang takin a hrilhfiah kan ti thei awm e.

Biak Inah chuan hmel hlim kan inhmuh tawn a, 'A ka pawh zen ila min seh lovang,' tih tur ang khawpin kan zaidam. Mahse Biak Inah chauh Kristian kan nihna tihlan kan tumna hian Mizoram than a ti thu a, Kelkang kan kal ruih ruih a, mahse dik taka tih duhna thinglung kan nei chuang si lo, duhamna leh eirukna chuan thuk takin Mizote nunah zung a la kai mek zel a.

Mizoramin hma kan sawn thei lo, Politics vang a ni.. ram hruaitute vang a ni.. eiru ho vang a ni.. Mawhpuh tur kan zawng ruai, heng kan mawhpuhte hi mawhpuh tur dik takte an ni. Mizoram siam that kan duh, mahse kan thei si lo. Bible leh Pathianthu hmanga siam that kan tum poh leh inlathlaraumi sum lama rinawm si lo an pun belh tihna a ni mai si a.

A eng ber hi nge Mizoram leh Mizote siam that nana damdawi tha ber chu ni ta ang? A chhanna pakhat chiah a awm, chu chu"HMANGAIHNA" hi a ni.

Bible hi ka chhiar ka chhiar thin a, Pathian hmangaihna leh a chhandamna hi a laimu niin ka hre thin, dik pawh a dik reng bawk a. Mahse chumi tluk chiaha pawimawh pakhat kan lo hmaih thin tih ka hrechhuak a. Matthaia 22:35-39-ah khan chiang takin a inziak.

"Zirtirtu, Dan thuah chuan eng thupek hi nge ropui ber?" tiin, amah fiah nan thu a zawt a. Tin, ani chuan a hnenah, "Lalpa i Pathian chu i thinlung zawng zawngin, i thlarau zawng zawngin i rilru zawng zawngin i hmangaih tur a ni,"tih hi. Chu chu thupek ropui leh pawimawh ber a ni. Tin, a dawttu, a anpui chu hei hi a ni, "Nangmah i inhmangaih angin i vengte pawh i hmangaih tur a ni." tih hi.

Pathianin a tum ber pakhat nia lang chu inhmangaih tlang dial diala khawvela mihringte chen ho hi a ni. Vanram a nawmna tur ber pawh inhmangaihtawnna hmun a nih avang a ni a. Kan thenawm khawvengte nen kan inrem phawt chuan leiah pawh vanram nun kan tem lawk dawn tihna a lo ni. "I ram lo thleng rawh se," tiin kan tawngtai thin. Inhmangaihtawnna hmun hi a ni Pathian ram lo thleng tura kan dil thin chu.

Thenkhatin Kohhran huang chhung chauh hi Pathian rawngbawlna hmun emaw kan ti, Khawtlang rawgbawlnate hi Pathianthu ta lo riauva hriatna kan nei a. Pathian chuan kan kohhran chhungkua ringawt ni lo,  kan vengte hmangaih turin min duh a ni.

Pathian hmangaih vak kan tum a, mahse a kawng erawh kan hre si lo. Kan hmuh theih loh leh khawih theih loh chu engtin nge kan hmangaih theih ang? I Johana 4-ah khan Pathian kan hmangaih dan tur chiang takin a lang. "Duh takte u, Pathianin chuti kauva min hmangaih chuan keini pawh kan inhmangaih tawn theuh tur a ni. Tuman eng lai mahin Pathian an hmu ngai lo. Kan inhmangaih tawn chuan Pathian keimahniah a awm reng ang a, a hmangaihna pawh keimahniah a famkim bawk ang," tiin.

Tawngtainaa "Lalpa ka hmangaih che," tih vak vak ai chuan, kan mihringpuite nena kan inhmangaih tawn chuan Pathian kan hmangaihna keimahniah a rawn lang mai zawk dawn tihna a ni. Miin, "Pathian ka hmangaih e," tiin, a unau haw si sela, amah chu dawthei a ni; a unau a hmuh tawh renga mah a hmangaih loh chuan, Pathian a hmuh ngai lohva chu engtin nge a hmangaih theih ang?

Hetiang chiah hian "Mizoram ka hmangaih," kan ti kan ti a, Mizoram Map hi emni kan hmangaih? Nge Mizoram leilung hi? Mizoram ti Mizoramtu chu a chhunga cheng Mizote hi kan ni a, "Aw Zoram ka hmangaih che," tiin au vak vak mah ila, kan Mizopuite kan hmangaih chuan si loh chuan mi dawthei mai kan lo ni dawn a ni. Officer sum tam tak eiru thei pawh ni mahla, i Mizo puite i hmangaih tlat si chuan i eiru ngai lovang. Politician niin, MLA emaw Minister emaw pawh ni mahla, i Mizo puite i hmangaih chuan an chanai i eisak ngai hauh lovang.

Anih leh Mizoram chhunga Kohhran hrang hrangte hi kan inhmangaih tawn em? Johana 17:20 kha keu teh u khai,"Henghote tan chuah hian ngensak ka ni lo, an thu avanga kei mi la ring turte tan pawh ngensak ka ni bawk e; an zaa pumkhat an nihna turin," tiin huanah Isua kha a thih dawnin a tawngtai a nih kha. Isua hi kan tawngtai thlawn tir nge tir lo tih chu vawiina Mizoram chhung kohhran hrang hrang chanchin atangin kan hre thei mai awm e.

Tichuan, vawiin Valentine's Day hi nula tlangvalte tan chauh a ni lo, nupa leh chhungkaw tan pawh a ni bik lo. Kan thenawm khawveng leh kan mihringpuite tana ni danglam leh hlu tak a ni tih hre thar leh ila, i hmangaihte hlimna tur engemaw tal tihsak turin ka ngen che u a ni.


Comments

Popular posts from this blog

Bible thuruk ngaihnawm

Kumin Good Friday zan khan kan kohhran upa pakhat sermon chuan, " Setana leh a ho ten Isua chu an han kheng bet ta a, Lal Isua a thih chiah khan Setana leh a hote chu hlimin an lam a," a ti a. A dik lo chhiava lutuk khan thil tam tak min ngaihtuah tir ta zawk a. La Isua kha setanate khen beh a ni awkawng lo, setana khan a tir atanga a tawp thlenga dan a tum zawk kha a ni si a. Tichuan Pathian leh setana inbeihna hi khawvel pian hma atangin ka chhiar chho ta a, Bible chhung pawh a hma aiin ka hriat phah ta zawk a. Tichuan keima tawkah Bible thu tluang pangai kara thu ril leh ropui inthupte chu ka hmu thiam ve chho ta zel a.
Khawvel siam hma chanchin thlir kual zuai ila.
Bible chang hrang hrangah hmuhtur a awm a, Isaia 14 : 3-23 kan chhiar chuan chiang takin a inziak. Varparh, zing lam fapa (Lucifer) chu vantirhkoh te zingah chungnung ber ni mahse Pathian anga awm kha  chak ve avangin Vanah indona a ti chhuak a, tichuan chak lo zawkah tangin leiah paih thlak a ni ta a.  Khami za…

Taxi driver nen kan inkawm a

Ruah a sur nasat avangin taxi ka la a, tlan kawngah chuan taxi driver nen chuan kan inkawm ta a.

Two wheeler taxi hian a vawchhe dawn che u em? Tia ka zawhna chu, "Vawchhe khawp ang, a buaithlak dawn khawp mai," tiin min chhang.

Kei chuan heti hian ka sawi ta a, "Office kal nan two wheeler ka hmanna chhan chu taxi fare hi a to em a, hetia mahni motor ka ken hian sum kan saved hnem daih asin.

"Mahse taxi fare hi tlawm deuh selang chuan taxi hi ka hmang nasa ang. Parking vela buai buai hi ka ning a," tiin.

Taxi fare hi tlawm ta se tun ai hian in tlan tam zawk ang em? Tia ka zawhna chu, "Nia, kan tlan tam zawk ang. Tun ai hian kan hlawk zawk pawh ka ring bawk," tiin min chhang.

Kan ti ti chho zel a, kan ngaihdan inang ta em em chu, 'Taxi fare hi tlawm se, mipui hian public transport kan hmang nasa anga, mahni motor hawlchhuah tum kan tlem sawt bawk ang, hei hian traffic jam pawh nasa takin a ti ziaawm dawn a ni,' tih hi a ni.

Pathian hi a awm tak tak em?

Damdawi inah damlo kan awmpui a, ka thianpa nen chuan verandah-ah chhuakin hrisel hlutziate kan sawi dun a. Chutia kan titi mawlh mawlh lai chuan ka thianpa chuan, "A nih leh, Pathian awmpuina hi i tawng tak tak tawh em? Nangmahah Pathianin a awmpui ngei che tih hriatna engemaw thil tawn i nei tawh em?" tiin min zawt thut.

Ka nu hi tawngtai mi a ni a, awlsam takin kei chuan, "Aw tawng tawh e, ka nuin ka dam loh chang hian min tawngtai sak thin a, ka dam thin," tiin ka chhang. A ngawi vang vang a, "A nih leh damdawi a eitir thin tho che em?" Tiin min zawt leh, kei chuan min eitir thin thuin ka chhang. Chutah ka thianpa chuan, "Nachhawkna khan a chhawk lawk lo che a, tichuan i nuin a tawngtai che a, a tawngtai zawh rual chein nachhawkna chuan a chhawk ta thin che a nih chu," min ti a.

A nih duh hmel hi ka ti ta khawp mai a, a dang ka ngaihtuah leh a, "Lungleia ka kal dawnin car ka khalh a, tawngtaina hmunah keimahin ka tawngtai. Chutih lai c…